رواية زاي اطفش عروسة بابا الفصل 58
وحده على مانجا و الثانية على فراولة و الثالثة ..
عمر قاطعها ..
ايه كل النكهات ديه مش هينفع يا بابا هتتعبي هتختاري واحد بس ..
غفران نفخت خدودها ..
عارفة بس ينفع اذوق من بتاعتكو عشان كده بختار النكهات اللي هتاخدوها انتو عشان أذوق كل طعم نفسي فيه ..
عمر بيفعص خدودها ..
من فين بتجيب بنتي الحلوه الافكار ديه ..
قعد يلعب معاها و بعدما أكلت فضل يصورها بوشها المليان بقايا الايسكريم بيصورها مع جمانة اللي بتمسح لها وشها و فجاة لقا غفران بتطلب منه التلفون عشان تصورهم مع بعض ..
مرت شهور و هي بتعمل نفس الحركات مبتسبش فرصة الا تحاول تقربهم من بعض عمر تعود على وجود جمانة فالبيت و نسبيا بدا يديها الامان و يسيب بنته معاها ..
قاعده معاهم فنفس البيت لسا رغم انها اقترحت كم مرة تنقل ع بيت ثاني بس غفران مكنتش بتسمح ..
زي كل يوم بعد رجعة المدراس الصبح جمانة بتعمل لانش بوكس لغفران و هي قاعدة بتفطر قدامها ..
بصي يا غفران اللانشبوكس حلو كده ..
الله حلو اوي كل يوم بتعمليهولي احلى من اليوم اللي قبله بحبك أوي ..
كشرت ..
بس مبارح رجعتي نصه يا غفران المفروض تاكليه كله عشان مزعلش انت محتاجة تتغدي عشان تبقي بنت شطوره و تطولي قد كده ..
شاورت على نفس الطول اللي امها شاورت عليه ..
لا كده كثير أوي بابا مش هيشيلني لو بقيت بالطول ده مش عاوزه ..
جمانة ضحكت ..
مټخافيش اطولي انت بس و كبري هيعرف يشيلك متشغليش بالك كملي فطارك بسرعة عشان منتأخرش ..
بابا فين ..
طلع بدري هيروح عند عمتو ليلى الاول قبل ما يروح ع شغله و وصاني آخد بالي منك و اديكي ديه ..
باست خدها اليمين ..
ديه من بابا ..
كنت هزعل أوي لو مسبليش معاكي ماما انت بتحبي بابا صح ..
جمانة توترت ..
متأخرين يا روحي يلا كلي بسرعه ..
قاعد فمكتبه مشغول فجأة تلفونه بيرن و بيسالوه من المدرسة عن سبب غياب بنته ..
عمر مخضوض مش مستوعب زعق ..
يعني ايه مجتش ..
حضرتك كان في امتحان بس مجتش عشان كده بتصل أسأل لو تعبانه أو حاجه ..
عمر قفل معاها و اتصل بجمانة بيلف حوالين نفسه مبتردش على اتصالاته الكثيرة هي على أساس في آخر اتصال ليه خبرته انها طالعة توصل غفران زاي موصلتش ..
ردي عليا يا جمانة ردي عليا ..
اتعصب و طلع جري ركب عربيته و ماشي فالطريق بيبص حواليه أكبر مخاوفه تكون عملت حاډث بالعربية فطريق المدرسة احتمال فراسه بيقله جمانة أخدت بنتك و مشيت احتمال غيره هي أكيد عملت فبنتك حاجه و هربت
هيتجنن ضړب الديريكسيون ..
جمانة تغيرت أكيد مش هتأذيلي بنتي أكيد في سبب طيب ليه مبتردش ليه ..
وصل قدام البيت نزل جري حتى باب العربية مقفلوش مبقاش فراسه عقل اټصدم لما لقا باب البيت مش مقفول الد. م جمد فعروقه أول ما دخل ..
يتبع ..
