رواية دكتورتى الجميلة الفصل الرابع بقلم رنا تامر النشار

اني بتعامل مع ساره ومامتها بطريقه مش حلوه لحد ما مامتها اخدتها وسافروا لندن..بس ده كله بسبب بابا.. ربنا يرحمه ويغفر له..خلينا في المهم .
هشام بتساؤل خير حصل حاجه
نور بهدوء شوف يا هشام قبل ما احكيلك اي حاجه لازم توعدني انك هتبعد عن اللي اسمه أنور ده.
هشام بهدوء حاضر يا حبيبتي احكيلي بس هو هبب ايه وانت شوفتيه فين اصلا.
في مكان آخر في منزل عبدالله..
حنان بهدوء شوفي يا ساره انا فاهمه انت بتفكري في ايه..وعايزه تسالي تقولي ايه..بصي يا حبيبتي انا و عبدالله اتجوزنا جواز صولونات ومع مرور الوقت بدأنا نفهم بعض ومع العشره بدأنا نحب بعض وانا حملت في نور وعملنا اسره سعيده..لحد ما قابل مامتك.. حياتنا اتغيرت 180 درجه بقى شخص تاني خالص..حياتنا بقت معظمها مشاكل ومبقتش مستقره وانا اتخنقت ومعرفش ايه سبب تغيره..لحد ما في يوم اكتشفت اني حامل في هشام فرحت وقولت اكيد عبدالله هيفرح وهيرجع كويس زي الاول..واليوم اللي جيت اعرفه فيه اني حامل في هشام..صدمني هو بخبر جوازه .ساعتها معرفتش اعمل اي حاجه وبعد ما خرجت من تأثير الصدمه طلبت منه الطلاق وهو وافق يطلقني بس كان شرطه الوحيد اني أوافق اسمعه واديله فرصه يشرحلي هو عمل كده ليه لاني كنت رافضه أعرف اي حاجه او اسمع منه اي مبررات وبالفعل وافقت وقالي الشرط التاني اني اسامحه..سبب جوازه انه هو كان بيحبها من هو صغير وكان متعلق بيها جدا ولما هي سافرت هو حاول ينساها بس معرفش وفضلت في باله حتى بعد ما اتجوزني لحد ما قابلها تاني ومقدرش يستغني عنها وهي كمان كانت بتحبه..المهم هو طلقني و اتجوزها وقعدوا مع بعض سنتين. .للامانه عبدالله رغم انه كان عايش بس كان بيجي كل فتره يطمن على الاولاد ويقعد معاهم وكان هو متكفل بمصاريفهم في كل حاجه ومكنش مخليهم محتاجين ل حاجه.. بعد ما قعد سنتين اټوفي و جتلي وكانت بطالب بالورث وانا كلمت المحامي وعمل كل الإجراءات عشان كل واحد ياخد حقه بما يرضي الله وبالفعل كل واحد خد حقه.. . ومن ساعتها وانا معرفش عنك حاجه.. ثم اكملت بحب.. اللي عايزه اوصلهولك انك يعلم ربنا انا حبيتك ازاي واعتبرتك زي ولادي.. مش معني انه انا كنت مرات باباكي ف اعاملك معامله وحشه او اكره ولادي فيكي.. فهماني يا بنتي.
ساره بحب فهماكي يا ماما وعشان كده انا بحبك وبحب هشام ونور اوي وعمري ما اعتبرتك مرات بابا بالعكس انا من اول ما شوفتك وانا حبيتك اوي وكنت بعتبرك زي ماما وممكن تكون ماما خدتني وسافرت لندن عشان خاڤت ل أحبك اكتر منها او ممكن تكون فكرت انه حضرتك هتخديني منها.. المهم انا مبسوطه اوي اني شوفتك وربنا يخليكي ليا وميحرمنيش منگ ابدا يا احلي ماما في الدنيا.
حنان عيونها دمعت من كلام ساره واخذتها في حضنها وطبطبت عليها بحب. 
عند هشام ونور..
هشام پصدمه انتي متاكده انه ده كان انور.
نور بثقه طبعا يا هشام هو انا معرفش انور يعني.. انا متاكده من اللي قولتهولك هو جيه واللي اسمه شريف ده وكانو عايزين يعرضو عليا عرض.. بس انا منعتهم.
هشام بتوعد ماشي يا انور والله لوريك.. ثم اكمل بتساؤل.. طب وانتي ايه خطتك عشان تهزمي اللي اسمه مراد ده.
نور بإبتسامة شړ هقولك.. 
صباااحاااا.. 
في المدرسه الثانويه..
كانت تقف مع شقيقها وتتحدث بغيظ.
البت اللي اسمها لينا دي مستفزاني اوي يا أدهم.
أدهم بإستغراب 
وانتي مالك بيها يا ريم.. ولا هو انتي ما بتصدقي تحطي حد في دماغك عشان تتخانقي معاه.
ريم بسخريه لا وانت الصادق ده انا هعملها مفاجاءه هتعجبها اوي.
ريم ذهبت من امام أدهم.. وأدهم تحدث پصدمه رايحه فين المجنونه دي.
ريم كانت في طريقها للذهاب الي لينا وادهم كان في محاولاته لمنعها.
ريم وقفت امام لينا وتحدثت بإبتسامة مزيفه ازايك يا لينا عامله ايه.
لينا كانت تتحدث مع صديقتها ومن ثم نظرت الي ريم وتحدثت بهدوء انا بخير وانتي عامله ايه يا ريم.
ريم بإبتسامة استفزاز...............
ريم كانت في صډمه كبيره عندما تلقت صفعه قويه هبطط على وجهها من لينا...
يتبع..
بعتذر على التأخير بحبكم اوووي.
رنوووووش.