رواية الحب الذى يعذب صاحبه الفصل 14

سيدنا محمد خير من وطأت قدماه الثري وقال اكمل المؤمنين ايمانا واحسنهم خلقا وخياركم خياركم لنسائهم الفاتحه لله
الكل بدأ يقرء الفاتحه في صمت وهدوء واولهم رقيه ويحيي 
المأذون ببتسامه كلنا متجمعين في اليوم المبارك دا شهود امام الله علي زواج ابننا يحيي رضوان الشيخ من الانسه رقيه منصور الشيخ علي سنة الله ورسوله وعلي مذهب ابو حنيفة النعمان وبص ل يحيي استاذ يحيي تقول قدام الحاضرين وبكل رضا واطمئنان انك قبلت الزواج من الانسه رقيه منصور الشيخ علي الصداق المسمي بينكم عاجله واجله وعلي كتاب الله وسنة رسوله تقبل
يحيي بص ل رقيه ببتسامه وقال بصوت واثق نعم قبلت
الكل سقف بفرحه فقال ايوب بمرح وهو بيسقف امال مجمعنا وقارفنا من الصبح علشان يرفض
المأذون ابتسم وقال جملته الشهيره بارك الله لك وبارك عليك جمع بينكما في خير وبص لشيخ علي ببتسامه شيخنا ومعلمنا الحبيب هل تقبل بزواج ابنتك الانسه رقيه منصور الشيخ للأستاذ يحيي رضوان الشيخ علي الصداق المتفق عليه
الشيخ يحيي بص علي رقيه ببتسامه متأثره وقال زوجتها له علي سنة الله ورسوله
المأذون ببتسامه تم العقد علي خير وشهد عليه الشهود مبارك عليكم وبدء يلم اوراقه والمكان كله اتملي تصفيق وتصفير 
الشيخ علي بصلهم الاتنين وقال من النهارده انتم مع بعض علي المره قبل الحلوه وبص ل رقيه جوزك في عينك وعلي راسك مش عايز حد يعيب في تربيتي سر جوزك وبيتك ميخرجش براكم يا رقيه وبص ل يحيي انا واثق انها مش هتزعلك وواثق انها هتشيلك في عينها بس طالب منك تعاملها بما يرضي الله وبس ربنا يبارك في حياتكم
يحيي باس ايده وقال ببتسامه في عنيا طلعت من بيتك كانت اميره هتدخل بيتي وهتبقي سلطانه
رقيه باست ايده وحضنته بقوه وقالت بصوت هادي ربنا يخليك ليا وميحرمنيش منك
العيله كلها قربت منهم والكل بدء يبارك ويسلم 
ايوب راح وقف جنب يحيي وقال بهمس انت عملت حمامين
يحيي ركز مع كلامه وقال بستغراب حمامين ايه مش فاهم وضح اكتر
ايوب بهمس تاني يابني افهم دلوقتي علشان تتجوز لازم تعمل حمامين واحد عادي زي اللي في بيوتنا كلنا وواحد مغربي بس مش عارف دا موقعه فين في الشقه ف بسألك عملته فين دا عندك
يحيي بستغراب حمام عادي وحمام مغربي مين الجحش اللي فهمك الكلمتين دول
ايوب رفع حواجبه بدهشه وقال بعفويه امي اللي قالتلي علشان تتجوز لازم حمام مغربي
يحيي حط ايده علي كتف ايوب وبدء يفكر معاه اصبر بس علشان انا بدأت اتوه منك حمام مغربي دا اللي هو ازاي انا كل معلوماتي عن الحمام المغربي ان دي مراهم للجسم
ايوب بتريقه وهو بيطبطب علي كتفه لاء يا ناصح اكيد مش اغبيه لدرجة انهم هيسمو شوية مراهم حمام مغربي
يحيي بص لكريم وشاورله يجي ف راحله ويحيي قال يعني ايه حمام مغربي
كريم بصله بدهشه معقول مش عارفين
ايوب بغيظ لسه هيعملنا انه مولود في المغرب بقا عارف انجز قول مش عارف روح اقف جنب امك تاني
كريم بصله بتريقه وقال بثقه يا جاهل الحمام المغربي حمام بس مغربي يعني مثلا مش احنا بنصحي الصبح نستحمي دا اسمه حمام صباحي لكن لو استحميت المغرب دا اسمه حمام مغربي فهمت انت وهو
يحيي مقتنعش بكلام كريم ف شاور لاحمد يروحله ف راحله ويحيي قال يعني ايه حمام مغربي
احمد استغرب سؤاله لكن قال بعد تفكير لحظات حمام مغربي يعني الدش والحوض والكبانيه والمرايا وكل