رواية الحب الذى يعذب صاحبه الفصل 14

حجات الحمام من المغرب مش محتاجه تفكير يعني
ايوب بصلهم وقال بتوهان اصدق مين دلوقتي واحد بيقولك مراهم والتاني بيقولك لما تستحمي وقت المغرب والتالت بيقولك السباكه بتاعت الحمام من المغرب وامي تقولي لازم تعمله لما تتجوز ليه يعني يصعبوها كدا
كريم بتأكيد فعلا ليه يصعبوها كدا ما كل واحد يستحمي في الوقت اللي يريحه من غير ما يطلعو اسماء وخلاص
رحمه ونيرا واقفين جنب رقيه اللي حاسين انها واقفه تايهه وسرحانه 
رحمه قربت علي ودنها بهمس مفيش حضڼ كتب الكتاب ولا ايه
نيرا ضحكت وقالت مش اخلاق يحيي لاء ميعملهاش وقالت بخبث بس الاحضان في البيت هتكتر بقا
رقيه اتنفت بصوت عالي وقالت بهمس غاضب اتلمي انتي وهي بقا وسابتهم وراحت وقفت جنب يحيي اللي ابتسملها بهدوء فقالت بعفويه هنروح امتي بقا انا مبقتش قادره استحمل
احمد وكريم وايوب فهمو كلامها غلط وكل واحد عمل نفسه مسمعش حاجه 
يحيي فاهم انها قالت كظا بعفويه وقال مش قادره تتحملي ايه يا رقيه
رقيه بتلقائيه الجزمه ضيقه من قدام علي صوابعي ف مش قادره اقف اكتر من كدا ومش عايزه اقلعها وشكلي يبوظ
يحيي بص ل الشيخ علي اللي فهمه وهز راسه بالموافقه ف يحيي مسك ايدها وقال بحنان يلا نطلع بيتنا يحيي اتحرك بيها وهو ماسك ايدها والكل بدء يمشي الا نهله اللي فضلت باصه علي بنتها وهي ماشيه في ايد جوزها بحزن 
شيماء وقفت جنبها وقالت ببتسامه علشان محدش يحس ان في حاجه نهله الناس كلها بتبص عليكي مينفعش اللي انتي بتعمليه دا
نهله بصتلها بحزن بنتي اتجوزت كأنها مطلقه يا شيماء مرقصتش ولا فرحت بفرحها النهارده مش دخلتها النهارده جنازتها
شيماء اضايقت من كلامها وقالت حرام عليكي اتمنيلها السعاده وادعيلها ربنا يسعدها ويباركلها في حياتها بدل كلامك الغبي دا
الشيخ علي جيه عليهم وقال بصوت حاد ايه يا نهله مالك زعلانه علي بنتك علشان اتجوزت وهتوحشك ولا في سبب مش عارفينه
نهله بصتله شويه ودموعها نازله قالت بصوت ساخر زعلانه علي الرميه اللي حضرتك رميتها ليها لو منصور عايش عمره ما كان هيقبل باللي انت عملته ابدا
الشيخ علي قال بصوت غليظ لو منصور كان عايش مستحيل كان قبل باللي انتي بتعمليه اوعي تفكري ان مش عارف انك اتكلمتي مع رقيه وكسرتي فرحتها
شيماء حاولت تهدي الدنيا بينهم فقالت خلاص يا جماعه مش هنتكلم هنا الكل بيبص علينا يا شيخ
الشيخ علي اتنهد بقوه وبص ل شيماء انا عمري ما ارمي بناتي اللي ربيتهم بدم قلبي فهميها كدا كويس وسابهم وراح علي المسجد يريح اعصابه .................................. 
يحيي فتح باب شقته وبص ل رقيه ببتسامه ف دخلت قبله وهو دخل بعدها وقفل الباب وراه رقيه عماله تبص بعيونها علي الشقه يحيي متابعها وهو واقف ايده في جيوب بدلته 
يحيي ببتسامه اوضة النوم اخر الطرقه علشان لو عايزه تغيري فستانك
رقيه لفت وبصتله وعيونها مركزه علي ملامحه وقالت بصوت هادي مش هنام في سرير واحده قبلي شركتك فيه
يحيي اتفاجئ بكلامها لكن قال بهدوء اطمني ملحقتش اشاركها فيه انتي اول واحده هتنام عليه يا رقيه
رقيه استغربت وقالت بفضول اتجوزتها ٣ شهور ازاي منامتش عليه
يحيي بتنهيده كانت بتنام في اوضة الاطفال وانا كنت بنام في الاوضه الكبيره
رقيه اټصدمت وقالت ازاي دا مراتك وحلالك وكل واحد منكم في اوضه احكيلي ازاي
يحيي بهدوء انا عمري ما افرض نفسي علي واحده مش عيزاني لو حتي بمۏت فيها وهي رفضت