رواية عندما يعشق الفدائي الفصل 25 بقلم لولو طارق

الحلقة_25
مرت الايام فى تدريبات شاقه للشباب والمجندين وتعليمات يوميه جديده وتعاون حقيقى يبشر انها حقا عمليه ليست سهله مطلقا والتحدى الأكبر لهم جميعاااااا 
مريم رجعت شغلها وكلها نشاط وحيويه حسن بيحاول دايما يطمنها عليه ودا مريحها جدا هو وأهله وكذلك كارما الا رجعت مشاكسه من تانى وندى الا مبسوطه وبتعمل كل حاجه بمساعدة مامتها وثريا فى شقتها 
كارما أخيرا شرفتينى فى المكتب 
مريم أعملك ايه يعنى شغل الموقع واخد كل وقتى عملتى ايه فى البيت 
كارما كله تمام يا مرمر وبفرشه حته حته على ذوقى وزى ما انا عايزا .... مش تيجى تساعدينى 
مريم استأذنى من البشمهندس ومن الصبح نروح انا وانتى ونظبط مع بعض 
كارما ايه رأيك دلوقتى احنا مش ورانا شغل وكله تماما 
مريم ياريت ودخلو استأذنو من أحمد الا وافق فورا عشان فرحة البنات وحماسهم ..... 
كارما ورايا يا مزه 
مريم كلمى ندى لو فاضيه تيجى معانا 
كارما اوك وفعلا كلمتها واتفقو يتقابلو هناااك .... ووصلت البنات ونزلو سلمو على بعض ... 
مريم ماشاء الله يا كوكو جميل بيتك قوى 
ندى الله يا كوكو تصميمه حلو قووو 
كارما سانكس ...سانكس برجليكو اليمين يابنات الله يستركووو 
مريم وندى رجلينا اليمين أهو ياختى ... ودخلو وانطلقو جوا .. . 
مريم اه تعبت قوى 
ندى ومين سمعك 
كارما كذلك والنبى بقول لكو ايه نطلب دليفرى والا نخرج ناكل برا 
مريم لا أطلبى دليفرى انا مش قادره واطلبلى بيتزا خضار 
ندى انا بيتزا شاورما فراخ 
كارما ايه يا مريم غيرتى فى البيتزا يعنى غريبه 
مريم مش عارفه مليش نفس للحوم أبدا 
ندى ممكن تكونى حامل يا مريم 
مريم لا طبعا عيالى عندها 4 شهور لسا بدرى وكمان لما حسن جه فجأه فا قولت لماما ... قالتلى انى برضع نضيف ولا يمكن يحصل حمل 
كارما ماشى يا مزه انا ها أطلب بقى ..... 
معتز هنون جاهزه 
هنا ايوا يا حبيبى جاهزه بس انت مقولتليش ها نقعد فين لما نرجع مصر 
معتز عند بابا مؤقتا لحد ما تولدى وتقومى بالسلامه أكون انا جهزت شقه او بيت زى الا مصطفى عامله بس نشتريه جاهز ايه رأيك 
هنا خلينا فى بيت أفضل نكون براحتنا 
معتز ان شاء الله ياله بابا مبسوط قوى اننا راجعين وكمان ها نقعد معاااه ويستقبل اول حفيد عنده 
هنا ربنا يفرحه ويفرحك يا حبيبى ياله العربيه جبتها من الجراج 
معتز ايوا انزلى هلى مهلك انتى وانا ها أجيب الشنط وجاى وراكى 
محمود بتعملى ايه يا صفيه فى ريرى 
صفيه طول عمرى أحلم انى عندى بنت وبعمل لها ديل القطه 
محمود ديل ايه البت شعرها اد عقله الصباع يا صفيه 
صفيه والنبى عسل أهووو بص عمل نافوره كمان 
محمود الله يحظك يا صفيه زيزو فين مش شايفه 
صفيه نايم لسا ريرى حبيبتى الا صحيت معايا وقاعدين انا وهيا بنعلب مع بعض صح يا ريرى 
ريناد تتا تتا تتا 
صفيه عيون تتا وقلبها 
محمود مفيش جدو يعنى 
صفيه لسا بدرى الكلام دا تقيل على لسانها 
ريناد رافعه ايديها لمحمود يشلها وشالها .... قومى ياله يا صفيه جهزى الفطار البت باعتك 
صفيه ايوا اول ما يشفوك ينسونى خالص ... ربنا ما يحرمنا منك ولا من ابوهم وامهم 
محمود أمين يا أطيب قلب فى الدنيا 

يزيد ما تتاخريش زى امبارح