رواية زين الفصل25 بقلم سحر فرج

ممكن تكون فيه وفى كل الشوارع جايز يلاقيها .
عمر كمان قام وقف وقال .. وانا كمان هاخد عربيتى وادور عليها فى كل حته .. شاهندا قامت وقفت وقالت .. خدنى معاك يا عمر ادور على ليل بنت خالتى هدى ده انا مصدقت ان يكون ليا صاحبه واخت .
عدى وفهد قرروا هما كمان يدورا بعربيتهم عليها .
حسام قام وقف وقال .. وانا كمان هاخد عربيتى وادور عليها .. أيه بخجل قالت .. وانا كمان هاجى معاك علشان ادور عليها واطمن بابا زمانه هايتجنن عليها هو وماما .
الكل خرج بعد ما اتفقوا ان كل واحد فيهم يدور فى اتجاه شكل ومنطقة غير التانى وكل واحد خد عربيته وراح فى الاتجاه بتاعه .
__________________________________
الليل ليل وفى منطقه هاديه نوعا ما على كورنيش النيل كانت ليل قاعده على كنبه بتطل على المايه سرحانه وحزينه ومچروحه وبتتألم .. وكانت بتتمنى فى اللحظه دى بالذات والتوقيت ده والحاله اللى هى فيها دى انها تترمى فى حضڼ امها وتفضل ټعيط وټعيط وتعيييييط لحد ما تستريح وتحس بالدفء والحب والحنيه بتاعه امها اللى اتحرمت منها وهى لسه عيله صغيرة .
وكمان تلاقى كتف ابوها تتسند عليه وتتحاما فيه من غدر الدنيا وۏجعها وألامها كلها .
عيطت كتيييير اوى بحرقه وحزن .. عيطت لحد ما قلبها ۏجعها من كتر العياط وللاسف فضلت على الحال ده لحد ما راحت فى النوم وهى قاعده مكانها .
وبعد حوالى ساعه من نومها حست بأيد حد بيطبطب عليها وبيصحيها .. ومن كتر خۏفها ورعبها قامت منطوره من على الكنبه ووقفت وبصت للشخص اللى اودامها .
مټخافيش يا بنتى انا مقصدش اخوفك .. بس لقيتك نايمه بالمنظر ده فى وسط الليل كده وقلقت عليكى .. الزمن ده يا بنتى ملهوش امان ومينفعش بنت زيك كده تنام على كنبه فى الشارع . 
ليل بكل خوف ردت وقالت .. اصل انا مشيت كتير ولفيت كتير فى الشوارع على رجلى ومن كتر التعب قعدت على الكنبه دى وقولت استريح شويه وبعدها اكمل مشى والظاهر دوخت فى النوم من غير ما احس .
الست قربت منها وقالت .. خلى بالك من نفسك يا بنتى .. انتى زى عيالى برضه وخاېفه عليكى انا اسمى عايده او قوليلى يا ام احمد وشغاله فى الكافيه اللى هناك ده اللى اسمه اليجانس على النيل .. وده ميعاد استلام شغلى فى الكافيه لو عزتى اى حاجه انا تحت امرك .. تعالى على طول ليا متتكسفيش انا زى والدتك .. ماشى يا بنتى 
ليل ردت وقالت .. ماشى وشكرا ليكى .
ويادوبك عايده مشيت كام خطوه فاجريت وراها ليل وقالت .. لو سمحتى .
عايده وقفت ولفت لها وقربت منها وقالت .. نعم يا بنتى أؤمرينى يا حبيبتى انا تحت امرك .. انتى محتاجه فلوس قولى ما تتكسفيش .
ليل بكل خجل ردت وقالت .. الصراحه انا ما اكلتش اى حاجه من الصبح ممكن اجى معاكى هناك واساعدك فى الشغل بتاعك علشان أكل عيش .. انا شاطرة جدا وبعرف اعمل حاجات كتير اوى هاتعجبك . 
عايده سكتت شويه كدة وفكرت وبصتلها اوى وقالت .. تعالى يا بنتى ورزقى ورزقك على الله هو اللى بيرزق مش البشر .. تعالى يا بنتى وسيبيها على ربنا .
ليل ابتسمت وردت وقالت.. انا مش عارفه اقولك ايه بالضبط .. انا متشكرة ليكى جدا والله ومش عارفه هاقدر ارد الجميل بتاعك