رواية چثة كامله

وراها عايزه قلبك يكون اجمد من كدا 
لينا بس ي ماما ال بشوفه وبسمعه دا مش اي حد يستحمله انا خاېفه وعايزه امشي من هنا 
كوثر ابوكي نزل راح شغله واحنا اشترينا البيت دا بعد تعب سنين اكيد مش هنسيبه ب السهوله دي حاولي على قد م تقدري مش اي صوت تسمعيه تمشي وراه وي ريت مترميش ودانك كتير 
سابتني وخرجت سابتني مع أفكاري وخۏفي هي عندها حق انا مش صغيره ومينفعش اخاڤ ولازم ابطل ارمي ودني 
قومت غسلت وشي ونزلت لقيت ماما واقفه ف المطبخ
لينا ماما انا جعانه
كوثر الاكل عندك كلي علشان انا ف ايدي حاجات بعملها
روحت ادور على الاكل وسبت ماما مشغوله ب ال ف ايدها وفتحت التلاجه طلعت جبنه ولانشون وبيض وجهزت كل حاجه وبدأت اكل وف وسط اكلي لقيت موبايلي بيرن برقم ماما
رديت ايوا ي ماما بتتصلي لي مش كنتي لسه ف المطبخ دلوقتي 
كوثر مطبخ اي يبنتي ال كنت فيه مش ناقصه هزارك والله المهم اتصلت اقولك ان انا وبباكي هنتأخر برا النهارده ف اقفلي الباب كويس 
وفجأة النور قطع وكل حاجه وقعت ع الأرض 
يتبع...
_جثه_
البارت التالت 
قومت وانا خاېفه مين ال هنا
لقيت ماما جايه عليا وفاتحه فلاش موبايلها
كوثر ف اي ي لينا مالك وقافله النور لي 
لينا انتي مش لسه متصله وقولتي انتي وبابا هتتأخروا برا 
كوثر يحبيبتي انا مش لسه كنت معاكي ف المطبخ برا ازاي وخرجت امتا اصلا 
مكنتش شايفه وشها بس سمعاها حاسه اني ف حلم مش عارفه اصدق اي حاسه اني تايهه اتكلمت پخوف ممكن المسک ي ماما
كوثر طبعا ي حبيبتي قربي 
قربت عليا وحضنتني لمستني ولمستها يعني دي حقيقه مش بحلم دي ماما 
ابتسمت وقولتلها هطلع اغير واخرج
كوثر هتروحي فين ي لينا 
لينا هتمشى جمب البيت مش هروح بعيد
طلعت اوضتي وغيرت هدومي مش عارفه لي بيتنا هادي رغم ان ماما تحت بس برضو حاسه اني ف البيت لوحدي شلت كل الأفكار من دماغي ونزلت 
ندهت على ماما كتير بس مرضتش استنتجت أنها اكيد مش سامعه وخرجت 
مشيت كانت كل الناس بتبصلي من اول م خرجت من البيت 
بيبصولي و....وبيتكلموا بصوت واطي واغلبهم بيشاور عليا 
شكيت ف نفسي وبصيت على هدومي وشكلي لقيت ان مفيش غلط فيا امال مالهم 
مشيت وانا باصه ف الأرض مش عايزه اشوف نظراتهم دي مش عارفه لي بيبصوا كدا فضلت ماشيه لحد م الليل جيه وروحت برضو وانا باصه ف الأرض 
كنت قايله ل ماما مش هتاخر انا اتأخرت اوي وصلت البيت
لينا ماما ي ماما انتي فين 
لقيت موبايلي بيرن
لينا ايوا ي ماما انتي فين 
كوثر نفسي افهم هتسأليني نفس السؤال كام مره ي لينا قولتلك هتأخر انا وبباكي قولت اتصل اتطمن عليكي 
لينا بس ي ماما..
قاطعتني زي كل مره
كوثر انتي بقيتي بايخه اوڤر ولما ارجع هنتحاسب اوي