رواية دعنى احطم غرورك الفصل 72 بقلم منال سالم
دينا بنظرات جادة يا سلام ..كل ده
ياسين غامزا اه والله .. بس كله يهون عشانك آجميييييل
.............................
وقفت جانا تتأمل ياسين ودينا وهما يتمايلان سويا على أنغام تلك الموسيقى الهادئة وشردت للحظات في الذكريات الخاصة بعرسها وكيف كانت حياتها بعد ذلك مع عز الدين وكيف ساء الوضع بينهما وتطور الوضع للأسوأ وكيف في لحظة إنهار كل شيء لتتدمر أحلامها بسهولة وتذهب مع الريح
في تلك الأثناء وصل عمر إلى القاعة متأنقا على غير عادته ومبديا لقوته الجسمانية ...
تسمر عمر في مكانه وظل يجوب ببصره القاعة بحثا عن جانا فهي شغله الشاغل تلك الأيام ولن يجعلها تفلت من يده بكل سهولة .. فهي كالصيد الثمين الذي يطمع في الظفر منه بكل شيء
وبالفعل لمح عمر جانا وهي تقف بعيدة بمفردها فاعتلى وجهه ابتسامة لئيمة ثم سار بخطوات واثقة نحوها ..
عاد العروسين إلى مكانهما على الكوشة ريثما ينتهي مسئول تنظيم الحفل من إعداد الفقرة التالية في الحفل ...
وقف عمر إلى جوار جانا ثم رمقها بنظرات ضيقة مليئة بالتوعد ولكنه حاول أن يبدو طبيعيا أمامها فابتسم ابتسامة زائفة و....
عمر بصوت رخيم الجميل سرحان في ايه
انتبهت جانا لذلك الصوت الذي جعلها تنتفض فجأة ثم استدارت برأسها نحو مصدره وتملكتها الدهشة حينما وجدت أن صاحبه هو عمر و...
جانا بنظرات مصډومة ونبرة متعجبة عمر مش معقول .. انت جيت
عمر مازحا لأ لسه !
ابتسمت جانا نصف ابتسامة في حين رمقها عمر بنظرات متفحصة و...
عمر متابعا بنبرة شبه جادة طبعا جيت وهو أنا أقدر ارفض اول حاجة تطلبيها مني
جانا بنبرة امتنان بجد so kind of you انك حضرت
عمر متسائلا في حيرة بس سؤال نفسي اعرفله اجابة
جانا بترقب ايه هو
عمر بنبرة جادة أنا على طول دايما كده ألاقيكي سرحانة
جانا وهي تتنحنح في تلعثم آآ... لأ .. لأ عادي
رأى عز الدين جانا وهي تتحدث مع ذلك البغيض الذي يمقته منافسه الغبي كما يسميه فاكفهر وجهه وعقد حاجبيه في انزعاج و...
عز بضيق وده ايه اللي جابه الفرح !!!!
لمح يوسف ابنه وقد تبدلت ملامحه للضيق والتبرم و...
يوسف متسائلا في حيرة مالك يا بني
عز باقتضاب مافيش يا بابا .. !
يوسف بإصرار الله اومال وشك اتاخد كده ليه
عز بنظرات ضيقة ونبرة ممتعضة هه .. ثواني كده بس وراجع
يوسف وهو يزم شفتيه وماله ..
سار عز الدين بخطوات راكضة ناحية الكوشة ثم صعد بضيق ملحوظ عليها واستند بمرفقه على كتف ياسين و...
عز بصوت هامس وحاد بص يا زفت هناك كده
ياسين على مضض ياعم ما تفكك مني وتسيبني اترزع مع عروستي شوية اعتقني لوجه الله في يوم زي ده والله ما بيتكرر كتير ...!!!!!
عز بجدية ونظرات شرسة ياض بص هناك بدل ما أنكد عليك
ياسين وهو يلوي فمه في ڠضب خلصني فين
عز وهو يشير بعينيه اهوو
ياسين باستغراب الله مش ده ضرتك
لكز عز الدين ياسين في كتفه بحدة ثم رمقه
بنظرات استهجان مليئة بالوعيد و...
عز بحدة لم نفسك
تأوه ياسين من الآلم ووضع يده على كتفه محاولا فركه للتقليل من حدة اللكزة و...
ياسين متآلما ااااه .. هريت كتفي سيبني أروح سليم !
عز بنظرات قاټلة ونبرة محتقنة من الغيظ شايف الواد لزقلها ازاي وعامل في نفسه ايه
ياسين بسخرية أه شايف .. ربنا يكفيك شړ المعفن أما ينضف !!!
أثارت عبارة ياسين الأخيرة حفيظة عز الدين وجعلت فكرة ما تدور في مخيلته و....
عز بجدية شديدة تصدق صح ... هو فعلا معفن !
سار عز الدين مبتعدا عن ياسين بخطوات سريعة فنظر إليه ياسين بقلق و...
ياسين مستفهما بتوجس انت رايح فين
عز بنبرة متوعدة رايح أنضف الحتة اللي هناك دي
فغر ياسين شفتيه في صدمة واتسعت عينيه في ذهول شديد وابتلع ريقه بصعوبة و...
ياسين پخوف خد يا عز .. استنى .. آعز !!!!
................................................................................. يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات تفاعلكم هو اللي بيشجعني اكمل
