رواية موضوع عائلي بيت الهنا الفصل 36 و37 بقلم رحاب القاضي

اوضة اخوكي يلااا..
رضوي بغيظ وهي خارجه من الاوضه
هو انا ما ينفعش ارتاح خالص يعني ايه ياربي ده
ليلي
بطلي برطمه بدل ما اجيلك يا بت..
وقامت لكمت هنا اللي كانت بتضحك في كتفها بقوه وقالت
وانتي يا تذااكري يا تطلعي تساعديني بره في شغل البيت..
هنا پألم 
حاضر والله بذاكر اهو....
ليلي قفلت الباب وقعدت جنبيها وقالتلها
قوليلي فكرتي في موضوع جوازك انتي وطارق
هنا بحزن 
ما ينفعش يا ماما والله..
ليلي
ليه طيب ما ينفعش هو حلفلي انه مش هيخليكي تسيبي الجامعه ولو حصل غير كده كلنا هنقف في صفك وكمان هتأجلو الخلفه لحد ما تخلصي دراسه هو بس مش عايز يقعد لوحده في شقته وعايزك معاه في اسرع وقت عشان بيحبك ده انا ابني وعرفااه
_اتنهدت هنا بضيق وما ردتش عليها وليلي طبطبت علي كتفها بهدوء وقالت..
ليلي
علي العموم القرار ليكي ما حدش هيغصب عليكي ولو قولتي مش عايزه تتجوزي دلوقتي انا اول واحده هقف في صفك ومش هخلي حاجه تحصل ڠصب عنك انا بكلمك دلوقتي وبنصحك كأم بتنصح بنتها وفي الحالتين انا معاكي ومع قرارك..
هنا 
هفكر يا ماما حاضر وهقولك..
ليلي ابتسمت وقالت 
براحتك خالص معاكي شهر شهرين احنا اهو قاعدين..
ابتسمت هنا وقالت 
حاضر ان شاء الله خير
ليلي
ان شاء الله يا حبيبتي كملي بقي مذاكره و....
_سمعو في الوقت ده صوت حاجه بتتكسر فقامت ليلي وقالت پحده وهي خارجه من اوضة هنا..
ليلي
كسرتي ايه يا همي التقيل..
بقلم_الكاتبه_رحاب_القاضي 
_وفي بيت يونس الصاوي كانت نيلي قااعده بتتفرج علي التلفزيون والباب خبط فقاامت فتحت وكانت شهد ومعاها الشغاله اللي ماسكه صنية الاكل...
نيلي
اهلا وسهلا يا طنط اتفضلي..
خلت شهد وقالت بهدوء
بعتلك انتي ويوسف عشان تتعشو معانا ما نزلتوش فقولت اجيبلكم العشا لحد هنا..
نيلي
يوسف لسه نايم وانا اكلت حاجه خفيفه عشان ماليش نفس للاكل ده خالص..
شهد بصت للشغاله وقالت 
دخلي الاكل في المطبخ وانزلي..
الشغاله 
حاضر يا هانم..
ودخلت الشغاله المطبخ وشهد مسكت ايد. نيللي وقالت 
تعالي بقي نقعد مع بعض شويه وبلاش تقعدي لوحدك كتير انزلي اقعدي معايا انا ويارا وريناد مرات يزن هتحبينا وتحبي قعدتنا جدا علي فكره...
قعدت نيلي جنبيها وقالت
حاضر..
شهد 
هو انتي حامل في الشهر الكام بالظبط
نيلي بأحراج 
تلات شهور تقريبا..
شهد 
هو انتي مش متابعه الحمل مع دكتور..
نيلي
لا ما اهتمتش بصراحه اروح لدكتور..
شهد
ما ينفعش يا حبيبتي انا هحجزلك عند دكتور كويس وهقولك علي المواعيد..
خرج يوسف من اوضته في الوقت ده وقال
دكتوره يا ماما انا مراتي ما تروحش عند. رجاله..
اتنهدت نيللي بضيق اول ما شافته وشهد ابتسمت بهدوء وقالت
ايه بتغير يا حبيبي
يوسف قعد جنب شهد وقال
ويوم ما اغير اغير علي دي انا بتكلم علي المبدأ ازاي يعني تتكشف علي راجل مش اسمها مراتي..
شهد پحده 
طيب اتكلم كويس مع مراتك...
قامت نيللي وقالت بحزن 
بعد اذنكم انا داخله انام...
يوسف پحده 
ايه قلة الذوق دي امي قاعده معانا يبقي تترزعي لحد ما هي تنزل وبعدين ابقي ادخلي اتخمدي براحتك
شهد 
انت بتكلمها كده ليه يا زفت انت ادخلي يا حبيبتي نامي حقك عليا انا ده هو اللي عديم الذووق هو وابوه..
وكانت لسه هتدخل اوضتها هي ويوسف فزعق فيها وقال پحده
عندك. يا سكر شوفي اوضه تانيه اقعدي فيها اكيد مش هقعد معاكي في اوضه واحده..
_اتملت عيونها دموع بعد اهانته ليها وردت عليه بنبره مهزوزه وقالت...
نيلي
انا اصلا كنت داخله اخد حاجتي من جوه وهقعد في اوضه تانيه ما تقلقش..
ودخلت الاوضه وقفلت الباب وشهد قالتله بنبره غاضبه 
في حد يعمل كده كسفتها قدامي..
يوسف 
فكك يا ماما هي تستاهل
شهد پحده 
هي تستاهل كده وانت بقي تستاهل ايه والغلط الاكبر غلطك انت 
يوسف 
انتو مش خلتوني اتجوزها واسيب رضوي يبقي اتعامل معاها بالطريقه اللي تريحني
شهد 
بس كده حرام عليك انت بتظلمها وبعدين دي بنت ناس مش واحده من الشارع عشان تعمل فيها كده
يوسف 
والله بعد اللي حصل بيني وبينها هي وبنات الشارع ما فيش فرق بينهم بالنسبالي
شهد 
لا طبعا في فرق كبير نيلي بنت متعلمه وكويسه وبنت ناس ڠصب عنك والاهم من ده انها ام ابنك علي فكره لو فضلت تعاملها كده ابنك ده هيتولد وهو بيكرهك ومش طايقك...
يوسف بقلق
انتي بتتكمي بجد!
شهد بخبث
اومال... تخيل بقي ابنك يتولد وهو بيكرهك احساس وحش اووي
يوسف 
لا انتي بتحوري عليا عشان انتي كنتي حامل في يارا وكنتي بتتخانقي مع بابا كتير هل هي بقي پتكره بابا دلوقتي ده بتحبه اكتر منك..
شهد 
ومين قالك اني كنت بكره ابوك يا حبيبي ابوك مهما يعمل فيا هفضل بعشقه وما فيش راجل غيره يملي حياتي حتي بعد ما خلفتك انت واخواتك برضو هو ليه حته لوحده كده جوه قلبي
يوسف بسخريه
بيعرف يثبتك اقسم بالله بيخليكي تبيعي كرامتك برخص التراب..
شهد 
اتلم يا ولد انت واتعدل مع مراتك والا والله هقول لابوك وهو يتصرف معاك البنت شكلها غلباانه حرام تظلمها وتوجعها بكلامك ده..
يوسف بلامبالاه
طيب..
شهد 
ربنا يهديك يا يوسف انا نازله وانت تدخل تصالحها فاهم ولا لا
يوسف 
حاضر يا ماما والله هصالحها عشان خاطرك..
_وسابته شهد ونزلت وهو دخل اوضته لقي نيلي مطلعه كل هدومه ورميااهم علي السرير وقالتله پحده..
نيلي
انا هقعد هنا خد هدومك واقعد في اي حته تانيه زي ما تحب..
يوسف بخبث
لا انا وانتي هنقعد هنا خلاص..
نيلي پحده 
هو بمزاج اهلك ولا ايه ولا انت فاكرها جوازه بجد
يوسف 
ايوه هي جوازه بجد لحد ما تولدي..
نيلي
بتحلم هو بالكتير شهر شهرين وهمشي من هنا ونتطلق قال اقعد معاك لحد ما اولد كمان انا ناقصه..
يوسف 
لا ما هو انا مش هسيبلك. ابني علي فكره انتي هتقعدي معايا هنا وبالطريقه اللي انا عايزها لحد ما تولدي وبعد ما ابني يجي تاخدي بعضك وتمشي لوحدك..
نيلي پحده 
انت بتحلم اني اسيبلك ابني وامشي..
يوسف 
ده ڠصب عنك انا ابني مش هيتربي مع واحده زيك بأخلاقك دي..
نيلي بعصبيه
لا وانت حوش الاخلاق اللي عندك يا شيخ يوسف..
يوسف 
انا معايا ماما واختي ومرات اخويا هيااخدو بالهم منه انما انتي اهلك بايعينك وقاعده لوحدك اسيبلك ابني او بنتي ازاي انا بقي..
نيلي بحزن 
انت مش محترم وعلي فكره لا انت ولا اهلك تقدرو تحرموني من ابني يا يوسف..
يوسف بسخريه
هنشووف لمي الحاجات دي في الدولاب وعاجبك تقعدي معايا هنا اهلا وسهلا مش عاجبك في داهيه شوفي اي اوضه تانيه اقعدي فيها..
_سابتله الاوضه كلها وخرجت وراحت قعدت في اوضه تانيه لوحدها وحطت ايدها علي بطنها وقالت بدموع..
نيلي
مش هيقدر ياخدك مني انا اصلا ماليش غيرك..
بقلم_الكاتبه_رحاب_القاضي 
_وبعد شويه في المستشفي اللي فيها كمال كان مااسك موبيله وبيتكلم مع حد وبيقوله..
كمال
تمام انا هجيلك حالا بس انت ظبط الوضع زي ما قولتلك بالظبط..
_وقفل الفون وقاام من علي السرير وهو ماسك كتفه پألم وفتح الشنطه اللي فيها الهدوم بتاعته وطلع قميص وبنطلون وغير هدومه بسرعه واول ما خرج من الاوضه اللي كان نايم فيها لقي عز في وشه وقاله..
عز 
انت رايح فين
كمال
انت اللي بتعمل ايه هنا يا خالي وسايبهم لوحدهم في البلد
عز 
لا ما امك وبنتك وروان هنا في المستشفي
كمال
هنا بيعملو ايه
عز
بص خلف وابنه يقدرو يعملو اي حاجه جوه البلد بره البلد ما يقدروش فانا عشان الامان يعني حجزتلهم اوضه هنا جنب اوضتك وخليتهم يباتو هنا..
كمال بغيظ
هو فندق دي مستشفي كنت خد. اي شقه ايجار وخليهم يقعدو فيها
عز
لا هنا امان اكتر انت بقي رايح فين.
كمال 
رايح اجيب مراتي..
عز 
تمام يا حبيبي وهاتلي معاك اتنين كيلو مانجا انت عبيط يا ابن الهبله خلف وابنه عايزين يخلصو عليك هتروحلهم بنفسك
كمال
انا مظبط كل حاجه ماهر اللي كان شغال مع عبدالله مكان عمر الله يرحمه كلمته وخليته ظبطلي ناس من اللي شغالين عند خلف وهدخل وهاخد اسرار وهمشي من غير ما حد يحس بيا
عز 
وانت فاكرها بالسهوله دي وانت تعبان يا كمال خلف ده مايه من تحت تبن ممكن يكون عاملك كمين..
كمال
ما تقلقش انا عامل حسابي ولو حسيت باي خطوره هعرف ارجع
عز 
طيب انا هاجي معاك مش هسيبك تروح لوحدك..
كمال
لا خليك معاهم هنا لاحسن يبقي فعلا كمين ويعملو حاجه في امي او روان او بنتي وما تقلقش عليا يا خالي
عز بقلق
ازاي ما اقلقش بس ده انت رايح لشياطبن برجليك طيب استني عبدالله قرب يخرج وو..
قطع كمال كلامه وقال پحده 
انا مش هستني اخويا يطلع عشان يرجعلي مراتي وانا ابقي قااعد. متداري زي النسوان انا يا اجيبها من عندهم واحميها منهم كمان يا هبقي مش راجل يا خالي..
قال كمال كلامه ومشي وعز طلع موبيله وكلم الظلابط وقاله
ايوه يا علاء باشا انا طالب مساعدتك في موضوع مهم دلوقتي..
_ وبعد. شويه كان واقف كمال هو وماهر جنب بيت خلف وماهر قاله بجديه..
ماهر
ده الباب اللي هندخل منه يا كمال بيه وجوه في حد هيكون مأمن الطريق..
كمال
طيب يلا بينا ندخل..
ماهر
استني اكده ده صوت الشرطه..
_بصو الاتنين لبعض بقلق وراحو وقفو علي مساافه قريبه وشاافو الشرطه وهي بتقبض علي خلف وابنه...
_وعلاء بص لكمال بطرف عينه وكأنه عارف الخطه بتاعته وبيسااعده فيها..
ماهر
الظااابط شافنا يا كمال بيه والله بصلنا وما اتكلمش..
كمال
تعالي ندخل بسرعه دلوقتي ما حدش هيبقي واخد باله من حاجه يلا..
_ودخل فعلا كمال ومعاه مااهر وكان مستنيهم واحد من رجالة خلف اللي قال..
خشو من الناحيه دي في واحده من الشغالين هتطلعكم لاوضة اسرار ما تقدرش تخليها تنزل لحالها عشان خاېفه حد يشوفها
كمال 
تمام خليك انت يا ماهر هنا ولو حصلت حاجه كلمني..
_ومسك كمال المسډس بتاعه ودخل لبيت خلف وكان المطبخ كله ضلمه ولقي ست واقفه وقربت منه وقالت..
اطلع لفوق علي طول من السلم ده اول اوضه في وشك فيها الست أسرار..
كمال
انا شوفتك فين قبل كده
انا نعيمه اللي كنت شغاله عندكم بس الظروف اللي حصلت خلتني اجي اشتغل اهنا بس ڠصب عني والله وانا والله اخدمكم بعنيا ده خير عبدالله بيه والست علياء مغطيني..
كمال
طيب خليكي واقفه هنا لحد ما اجيبها وانزل
نعيمه 
بس الاوضه مقفوله بالمفتاح وانا ما عرفتش اجيب المفتاح والحجه فتحيه مرت الحج خلف معاها نسخه منه بس ما اعرفش مخبياها فين
كمال مسك سکينه من جنبيها وقال
لو حد كان طالع فوووق صوتي اعملي نفسك شوفتي فار او اي حاجه
نعيمه 
تمام..
وطلع فعلا كمال فووق ومسك كتفه پألم واول ما وصل عند اوضة أسرار فتح الباب بالسکينه اللي في ايده وهي كانت قااعده علي السرير وباين عليها الخۏف لحد ما شافته واقف قدامها ابتسمت باتسااع وقاامت بسرعه وحضنته وقالت پبكاء..
أسرار 
انت عايش وكويس صح
ابتسم بهدووء وهو بيضمها ليه بقوه
ايوه طبعا اومال هيكون عفريتي اللي واقف قدامك ده..
أسرار بعدت عنه وقالت بقلق
انت ازاي دخلت هنا لو شافوك مش هيحصل كويس
كمال 
ما تخافيش خلف وابنه اتقبض عليهم وانا دلوقتي هاخدك وهنمشي وما حدش هيقدر يوقفني يللا..
_ومسك ايدها بكل قوه واخدها ونزلو تحت واول ما