رواية موضوع عائلي بيت الهنا الفصل 36 و37 بقلم رحاب القاضي

هاجي اديهولك..
روان 
ميرسي يا أسرار كلك ذووق مش زي البأف اللي عندك..
كمال 
تصدقي البت دي طلعت رخمه فعلا بيحب فيها ايه عبدالله..
بقلم_الكاتبه_رحاب_القاضي 
_وفي بيت خلف كان قااعد جنب مراته وشعبان واقف قدامه وهو متعصب جدا وقاله..
شعبان
خدها ورجع بيها القاهره قولتلك يا ابوي نخلصو عليه وهو في المستشفي انت ما رضيتش...
خلف 
ولما نخلصو عليه وهو في المستشفي ونلبسو قضية قتل هيبقي زين يعني اكده
شعبان
عزالدين الهواري لسه في البلد ناخدوه ونهدد كمال انه يرجع اسرار يااخد عمه
خلف پحده 
انتي مخك ده مخ حمار يا واد انت عايز تلبسنا في مصېبه مع عيلة الهواري ناقصين احنا وبعدين لو سمعت حديتك وخدت عزالدين كمال هيرضي يجيبلك مرته لحد اهنا
فتحيه
اومال ايه العمل يا حج خلف
خلف 
الارض كلها ملكي هزرعها واخد محصولها واللي ليه حاجه يجي يطلبها وكمال ما هيقدرش يجي البلد تاني ابدا وعبدالله فده حبسته مطوله قووي
شعبان 
واسرار انت وعدتني انك هتخليني اتجوزها..
خلف 
هو اللي خلقها ما خلقش غيرها يعني البلد ملياانه بنات نقي اللي عايزها ونجوزوها ليك
شعبان
انا مش هسكت يا ابوي وهرجعها واللي يحصل يحصل..
بقلم_الكاتبه_رحاب_القاضي 
_وبعد شهر عدي علي ابطالنا وفي بيت يونس الصاوي كانو قاعدين بيتعشو كلهم ويونس قال بهدوء ليارا...
يونس
باركي لمرات اخوكي يا يارا حامل جديد..
ابتسمت يارا وبصت لريناد وقالت
الف مبروك يا رورو كده ابقي انا اخر واحده اعرف..
كتم. يزن ضحكته وريناد بتوتر
لا والله مش انا..
يونس 
اقصد نيلي يا بنت الهبله..
يارا بضيق 
امم مبروك يا نيلي..
نيلي بهدوء
الله يبارك فيكي..
يارا
مبروك يا يوسف مش متخيله شكلك وانت اب هتبقي عامل ازاي
يزن بسخريه
والله ولا انا..
يوسف بغيظ 
طيب بس يا ظريف منك ليها وما ابقاش ليه اب طيب ده انا اتفرجو علي ابني هيبقي ازاي..
شهد 
اكيد هيطلع زي القمر بس مش ليك لمامته..
نيللي ابتسمت بهدوء وقالت
ميرسي يا طنط ده من ذوقك..
بص يونس لريناد وقال
وانتي يا ريناد مش ناويه تفرحينا انتي كمان
ريناد بهدوء
ان شاء الله يا عمو بس تكبر تيا شويه الاول..
يونس ضحك بسخريه وقال ليزن 
عقل مراتك يا يزن..
ريناد بضيق 
انا عاقله علي فكره وبخطط لحياتي صح..
شهد 
اكيد طبعا يا حبيبتي اصلا هتيجي تشتغل معايا يا يونس
يزن 
لا يا ماما معلش ريناد مش هتشتغل..
وقام وقف وقال
انا هسبق حضرتك علي المكتب يا بابا عشان نكمل باقي شغلنا 
ومشي يزن وريناد بصتله بحزن وقامت هي كمان وقالت
انا كمان شبعت بعد اذنكم..
_ومشيت هي كمان وطلعت شقتها واخدت تيا بنتها معاها ويونس بص ليوووسف وقاله..
يونس
ايه يا افندي بقالك شهر متجوز ونايم في البيت مش ناوي تيجي تشوف شغلك او حتي تروح الكليه بتاعتك عشان تتخرج بقي وتخلصنا..
_شوح يوسف بأيده وما ردش عليه فيونس اتعصب وقال پحده لشهد..
يونس
شايفه بيشوحلي ما هو تربيتك
شهد 
اتلم يا يوسف ورد علي ابوك كويس..
يوسف 
ما شوحتش يا بابا ده انا كنت بهش دباانه معديه..
ابتسمت نيلي بهدوء ويونس قاله
هتنزل الشغل من بكره تصحي بدري وتروح مع اخوك الساعه سبعه
يوسف
ليييه هنروح نبيع لبن الساعه عشره حلو
يونس
زي ما اخوك ملتزم في شغله تبقي زيه وتصحي بدري فااهم..
يوسف بضيق
حاضر..
شهد 
نيلي معاد الدكتوره بتاعك امتي يا حبيبتي
نيلي
كمان ساعتين كده يا طنط
شهد 
طيب انا هجهز واروح معاكي
يونس 
وتروحي انتي معاها ليه جوزها هو اللي يروح معاها مش ابنه يروح مع مراته يطمن عليه وتخلي مراتك تغير جو بدل قعدت البيت فاهم
يارا 
بابا اروح معاهم انا كمان عايزه اخرج
يونس 
هبقي انا اخرجك انما هتروحي معاهم ليه دول رايحين لدكتور...
يارا
خلاص وعد انت هتخرجني يا بابا..
يونس بهدوء
من عينيا يا روح بابا..
_وبعد شويه في شقة يوسف كانت نيلي واقفه قدام المرايه وبتحاول تلبس حاجه واسعه عشان بطنها ما تباانش كبيره 
نيلي
وبعدين بقي الناس تقول عليا ايه دلوقتي..
فتح يوسف الباب وقال
خلصتي ولا لسه
مسكت البلوزه بسرعه ولبستها وقالت پحده 
ما تتنيل تخبط الاول..
يوسف 
لا مش هخبط انتي مراتي وام ابني هتداري ايه عني..
نيلي پحده 
خلاص هبقي انا اعمل حسابي واقفل بالمفتاح..
قرب منها يوسف وقال 
بطلي الشويتين اللي بتعمليهم دول وبعدين البسي حاجه اوسع من كده مش ناقصين فضايح..
نيلي 
ما تيجي نطلق انا بجد تعبت من القعده معاك هنا واصلا مش طيقاااك..
يوسف 
قال وانا اللي ھموت عليكي مثلا بس مش هطلقك غير لما اخد ابني وبعدها هطلقك من غير ما تقولي..
نيلي پحده 
ما تهزرش يا يوسف انا اكيد مش هسيبلك ابني وامشي..
يوسف 
مش وقته دلوقتي نتكلم في الموضوع ده اخلصي واجهزي عشان نخلص من الحوار ده عندي شغل الصبح..
_قال كلامه وخرج من عندها وهي حطت ايدها علي بطنها وبصت لنفسها في المرايه ولدموعها اللي بقيت تنزل حتي من غير ما تحس بيها فمسحتها بسرعه وفضلت تدور علي حاجه واسعه تلبسها..
بقلم_الكاتبه_رحاب_القاضي 
_وفي الوقت ده في شقة يزن كانت ريناد قااعده بتنيم في تيا ودخل يزن وقال..
يزن 
منيماها ليه هنا
ريناد
كانت بتتفرج علي الكرتون ونامت هدخلها جوه اهو سيف رن عليا كتير علي فكره وما ردتش عليه وكلمت بابا عشان هو اللي يكلمه...
يزن 
طيب كويس نيمي تيا وتعالي عايز اتكلم معاكي..
ريناد شالت تيا وقالت 
حاضر ثانيه واحده...
_ودخلت تيا لاوضتها ورجعت قعدت جنب زين وسألته بهدوء وقالت..
ريناد 
خير يا حبيبي في ايه
يزن 
هو انتي ليه ما قولتليش علي موضوع انك مأجله الخلفه ده دلوقتي
ريناد 
انت ما سألتش..
يزن 
ما سألتش عشان كنت فاكر انك مش رافضه الموضوع ولو في تأخير ده عشان لسه ربنا ما ارادش..
ريناد 
انا مش رافضه الموضوع انا بس بأجل شويه لحد ما تيا علي الاقل تدخل المدرسه عشان ما اقصرش معاها ولا مع البيبي الجديد..
يزن 
لسه هستني كام سنه كمان..
ريناد بضيق 
هو في ايه يا يزن بالظبط
يزن 
انا بجد مش فاهم في ايه اشمعنا دلوقتي عايزه تأجلي موضوع الخلفه ولما كنتي مراته هو كنتي حامل وكانت تيا صغيره اكتر من كده كمان..
ريناد بتوتر 
مم مالهاش علاقه علي فكره الحمل في الاول كان غلطه وو....
قطع يزن كلامها وقال بجديه 
لو بتاخدي اي حاجه تمنع الحمل وقفيها والموضوع ده يتقفل يا ريناد مش كل يوم والتاني هتبقي في بينا مشكله..
ريناد 
علي فكره قبل ما نتجوز انت ما كنتش كده كنت مفهمني ان اي قرار يخص حياتنا هناخده مع بعض..
يزن 
وانتي ما عملتيش كده انتي قررتي من نفسك مس عايزه تخلفي دلوقتي وما اهتمتيش لرغبتي انا..
ريناد 
قال وانت بتهتم اووي لرغبتي انا عايزه ايه ومش عايزه ايه انا من لما اتجوزتك وانت مش بتعمل حاجه غير انك بتعمل الحاجه اللي تريحك وبس مش فارق معاك انا ولا بنتي ولا اي حاجه جاي دلوقتي تتخانق معايا علي موضوع الخلفه وانا اصلا مړعوبه وحاطه ايدي علي قلبي من رد فعل سيف لما يعرف ان تيا قاعده معانا هنا انت بقي فكرت في الموضوع ده اكيد لا عشاان تيا مش بنتك فمش مهم بقي اللي يحصلها او تتربي معايا ولا لا..
يزن 
انا داخل انام واللي عندي قولته يا ريناد وانا عند وعدي معاكي ما حدش هيقدر يحرمك من بنتك فمټخافيش وشكرا اووي علي كلامك يا هانم..
_قال كلامه وسابها ودخل اوضته وهي فضلت قااعده مدايقه وبعد شويه دخلت عنده لقيته نام فراحت نامت جنبيه فقرب منها وحضنها وقال..
يزن 
هنقضيها كل يوم نكد
ريناد 
سيبني يا يزن وبعدين هو مين اللي بيجيب النكد
يزن 
انتي طبعا ده انا غلباان والله..
_ولسه هيقرب منها سمعو صوت تيا بټعيط فبعدت عنه بسرعه وقالت..
ريناد 
معلش بقي وقت تاني تيا لسه ما اتعودتش علي المكان هنا..
يزن بضيق
براحتك انا كده كده كنت هنام..
_ما ردتش عليه ورااحت بسرعه لتيا وهو حدف المخده علي الارض وقال بغيظ..
يزن 
اقسم بالله حد باصصلي في ام الجوازه دي..
بقلم_الكاتبه_رحاب_القاضي 
_وفي الوقت ده في العياااده عند يوسف ونيلي كان يوسف ماسك موبيله وملهي فيه وهي قااعده جنبيه وبتكلم ريم صاحبتها علي الوتساب وقالتلها...
نيلي
اعملي زي ما بقولك يا ريم شوفيلي اقرب حجز لكندا انا خلاص قررت هسافر ومش هرجع تاني
ريم
طيب مش المفروض تطلقي الاول
نيلي
يوسف مش موافق ولو فضلت قااعده هو ممكن فعلا ياخد ابني مني انا لازم اهرب منهم كلهم مش هستني لحد ما يحرموني من ابني كمان
ريم
خلاص هشووف امتي اقرب حجز وهقولك
يوسف
بتكلمي مين
قفلت نيلي الموبيل وقالت
بكلم ريم..
يوسف 
تفتكري اسمي ابني ايه
نيلي 
اي حاجه..
يوسف
هسميه علي اسم بابا ولا اقولك كفايه يونس الصاوي واحد بس احنا نسميه حذيفه علي اسم ابو عبيده الحقيقي وبرضو اسم حلو...
نيلي 
هو انت مبسووط اوي انك هتبقي اب...
يوسف 
بصراحه دي احلي حاجه في الموضوع اني هبقي اب مش عارف ازاي كنت هستغبي واسيبهولك او ما اعترفش بيه..
نيلي بدموع 
هو ابني اناوكمان علي فكره وانا امه يعني بحبه اكتر منك ومن اي حد في الدنيا ازاي بقي عايز تاخده مني..
اتنهد بضيق ورد. عليها وقال
قولتلك وقتها نبقي نتصرف..
نيلي بسخريه
اممم مااشي يا يوسف بس انا مش هسمحلك تاخد مني ابني مهما كلفني الموضوع..
الممرضه 
نيلي الجرجيري اتفضلي..
لسه يوسف هيقوم فنيلي قالتله پحده 
ما تجيش معايا لو سمحت هبقي اقولك الدكتوره قالتلي ايه..
_وسابته ودخلت لوحدها عند الدكتوره وهو فضل قااعد مستنيها وحس بالندم انه خۏفها منه وهددها انه هيااخد. ابنها منها...
_فتفتكرو يوسف بيخطط لايه
بقلم_الكاتبه_رحاب_القاضي 
_وتاني يووم الصبح كانت طالعه هنا اوضتها وطارق كان لسه هيخرح من البيت بس لما شافها وقف وقالها..
طارق
رايحه فين ما عندكيش محاضرات النهارده
هنا 
رايحه لاسرار وروان هقعد معاهم شويه..
طارق
طيب تعالي هوصلك في طريقي
هنا بقلق
لا عشان ما قولتش لبابا حسن..
قرب منها طارق ومسك. ايدها وقال
دبلتي في ايدك ومخطوبين قدام الناااس كلها مش هاكلك يعني..
هنا بالم 
طيب سيب ايدي يا طارق..
ساب ايدها وقال 
يلا يا هنا وبعدين عايز اتكلم معاكي في موضزع جوازنا..
هنا بضيق
طيب...
_ونزلت معاه هنا وهما في الطريق كانت ساكته وباصه من الشباااك وقالها طارق بهدوء..
طارق
بقالك شهر واكتر بتفكري ايه يا هنا للدرجه دي الموضوع تقيل عليكي..
هنا 
لا هو مش تقيل بس مسؤليه كبيره وانا عندي مسؤلية الجامعه كبيره ومش عايزه اضغط نفسي..
طارق
هو ايه الضغط. انتي بدل ما قااعده تحت. هتطلعي تقعدي معايا فوق واحنا متجوزين بالعكس الجو هيبقي اهدي انا وانتي وبس ما فيش اي حاجه تانيه ووالله وعد مني ما هنخلف غير بعد ما تخلصي الجامعه بتاعتك وتشتغلي كمان..
سكتت هنا وهو مسك ايدها وقال
انا بحبك يا هنا وعايزك معايا النهارده قبل بكره وعمري ما هاجي عليكي ولا هظلمك معايا خليكي بقي واثقه في كلامي وما تخافيش مني..
هنا بهدوء
انا موافقه يا طارق..
ابتسم بسعاده وبااس ايدها وقال 
النهارده هكلم بابا في الموضوع واول اسبوع في الاجازه الجايه هنتجوز علي طول..
اخفت هنا قلقها وخۏفها وقالت
ان شاء الله اللي فيه الخير يقدمه ربنا..
بقلم_الكاتبه_رحاب_القاضي 
_وفي مركز الدكتوره سلوي للعلاج النفسي كانت رضوي قااعده في الجلسه النفسيه اللي حجزت فيها مع الدكتوره سلوي وكان قااعد معاها ست اشخاص ما تعرفش حد منهم خالص والدكتور سلوي بصت لرضوي وابتسمت