رواية موضوع عائلي بيت الهنا الفصل 39

#موضوع_عائلي
’’بيت الهنا ’’
_ الحلقه الـ 39
ـــــــــــــــــــــــــــــــــــــــــــــــــــــــــــــــــــــــ
أصبحتُ أسيرةَ عشقه، لا مهربَ منه ولا أمانَ في الاقتراب

ـ صحي يوسف علي صوت خبط علي باب شقته ولقي نفسه نايم علي الكنبه في الصاله ، فقاام وهو ماسك راسه پألم ومش فاااكر اي حاجه من اللي حصلت بينه وبين نيللي امبارح ، وفتح الباب وكان يزن واقف قدامه وقاله بضيق

يوسف 
في ايه علي الصبح جاااي عندي ليه ؟؟

ذقه يزن ودخل وقفل الباب وقاله پحده 
انت ايه البروود ده يا ابني ، وبعدين معاك يعني لا بتساعدني في الشغل ولا مراضي ابوك وامك ولا زوج كويس وعايش كده حياتك بدون هدف واخرتها يا يوسف ؟

-قعد يوسف علي الكنبه وبدأ يفتكر اللي عمله في نيللي واذيته ليها لما كان مش في وعيه ، وبص ليزن پصدمه وقال ...

يوسف 
نيللي فين ؟؟

يزن بحزن 
في المستشفي خسړت ابنها وابنك بسببك وحالتها وحشه جدا

يوسف بدموع 
انا ما كنتش اقصد والله

يزن بسخريه 
كالعاده التبرير بتاعك ما كنتش اقصد ما كنتش في وعيي ، انت كنت بتلومها علي ايه وعلي طول معاقبها علي انها حامل منك ليه هي دي غلطت مين انت هتكدب وتصدق ، البنت دي من لما ظهرت في حياتك وانت بتأذيها  وبتأذي رضوي حتي احنا اللي اهلك مش مريحنا ، فوووق لنفسك يا يوسف ابوووك شال ايده من الموضوع خلص وسايبك لفتحي الجرجيري اللي مش هيسيب حق بنته

يوسف بضيق 
هو ماله اصلا نيللي مراتي وانا وهي حرين ما حدش يتدخل في مشاكلنا ، وهي هتقدر اني ما كنتش في وعيي

يزن بغيظ 
انت مستفز والله طيب الاول وخليتها تشيل الغلط لوحدها وعدت وكانت حجتك انه بمزاجها زي ما بتقول ، دلوقتي بقي هي قالتلك اضربني لحد ما ابني ېموت وهي تبقي في خطړ ؟؟؟

يوسف بنبره غاضبه 
سيبني في حالي يا يزن اعمل زي ابووك وانا هحل مشاكلي لوحدي

يزن پحده 
طيب اسمع بقي عشان الموضوع ده بقي بايخ اوووي،انت مالكش دعوه برضوي تاني فاهم ولا لا؟

وقف يوسف قداامه وقال 
وانت مالك ومال رضوي واللي بيني وبينها

يزن 
انت ما فيش بينك وبينها حاجه حياتك اعمل فيها اللي انت عايزه احنا فعلا ما حدش ليه دعوه بيك تاني بعد كده ، انما رضوي تبقي اخت مراتي وحكايتك معاها انتهت والاستاذ حسن كلمني وقالي ابعدك عن حياة بنته وهي مش واقفه عليك وقريب اووي هتتخطب وانا مش عايز مشاااكل مع نسايبي يا يوسف

يوسف بحزن 
انت اكتر واحد عارف انا بحب رضوي قد ايه يا يزن

يزن پحده 
وهي ما بقتش بتحبك وانت نفسك ما بتحبهاااش يا يوسف بلاش نضحك علي بعض ، لو عايز تعمل حاجه كويسه في حياتك ياريت تصلح علاقتك بنيللي وتعوضها عن اللي عملته فيها واعتبر دي اخر نصيحه مني ليك عايز تعمل بيها براحتك مش عايز انت حر

_قال يزن كلامه وكان لسه هيمشي بس رجع وقف قداامه وطلع موبيله وقال ليوسف بسخريه....

يزن 
بص كده دي رضوي بقيت شغاله مع حامد وبقي بينهم صحاب ، عارف ده معنااه ايه مش بتسفزك ولا بټنتقم منك لا ، هي خلاص انت