رواية بنات السطوح كامله بقلم آيه طه
المحتويات
مش مناسبة والبنت مالهاش خصوصية.
محامي نوال
يا سيادة القاضي ما جابش إذن المحكمة وده اسمه اختطاف قاصر.
وإحنا معانا شهود بيأكدوا إنه أخدها بالعڼف وكسر حضانة الأم.
كمان معانا تقرير من المدرسة إن البنت حالتها النفسية تدهورت بعد النقل. ودي تقارير بمستوى التعليمي طول فترة إقامة البنت عند موكليتي دايما متفوقه ودراجاتها عاليه ومن الاوائل بمقارنة بمستواها التعليمي بعد النقل منخفض يا سيادة القاضي... واذا كان كلام الاستاذ حمدي صح ليه ماخدتش منى اخت ملك التؤام لو كان مصلحته البنات ومعيشتهم ودراستهم ليه اخد ملك بس!
نوال بدموع
أنا كنت قاعدة في بيت أمي مش مقصرة في حاجة..
بناتي متعلمين وملك كانت الأولى في المدرسة.
هو ما فكرش ييجي يسأل عنها إلا لما سمعتها بقت حلوة.
أنا اللي ربيت.. وأنا اللي سهرت..
ما ينفعش بعد كل ده ياخدها ڠصب ويحبسها عند أمه اللي عمرها ما طبطبت على حد علشان يعرف يرد على طليقته واهلها انه فاشل ومش نافع فى حاجه وابنه طالع فاشل ومش نافع بس دلعهم الزايد فيه هو وامه علشان كانو بيفرقوا بين البنت والولد فاخد بنتي علشان ينسب نجاحها لنفسه وانه عمل حاجه كويسه ويرجع يرفع راسه تاني ويتفشخر بيها ادام الناس..
القاضي يبص لحمدي
حضرتك ليه ما سعيتش لضم البنت بشكل قانوني وليه بس فعلا اختارت ملك وما ضمتيش البنتين
ليه خدت قرار فردي
هل كانت في خطړ حقيقي
حمدي بيتلكك
أنا خفت عليها..
البيئة اللي حوالين أمها مش مريحة. ومش مناسبه لبنتي تتربى فيها وانا كنت هاخد ملك وبس شويه وارتب اموري وهاخد مني كمان وانا مقصدتش اخطڤ بنتي هو فى حد يخطف بنته بردو يا سيادة القاضي بس زي ما قولت لحضرتك البيئه اللى عايشه فيها وشغل امها مش كويسين ولا مريحين دي واحده بتخدم فى البيوت وبترجع بالليل وبتطلع من اذان الفجر ازاى اسيب بنتى معاها...
نوال بصوت عالي لأول مرة
إنت خفت
فين كان خۏفك لما كنت سيبنا أبات جعانة هي وأختها
ولا لما طردتني من فوق السطوح وأنا لسه نازفة
لو بتحب بنتك كنت ربيتها مش استخدمتها.
صفية بتقوم من مكانها بتزعق
ده كلام يتقال في محكمة
البنت دي مش بتاعتك لوحدك!
أنا اللي شلتها وهي صغيرة! دي حفيدتي كمان وبنت ابنى ولينا حقوق فيها ولا انتي زرعتيها شيطاني يا نوال
القاضي بهدوء
لو سمحتي يا حاجة الجلسة مش مكان للمقاطعة.
القرار النهائي بعد الإطلاع على المستندات.
بيت حمدي بعد الجلسة
ملك قاعدة في أوضتها الإضاءة خاڤتة وشها شاحب عينيها فيها ۏجع كتير الباب بيتفتح صفية تدخل ومعاها طبق فيه شوية عدس
صفية
كلي..اكلك قطر
شدي حيلك للمدرسة مش عايزين فضايح.
وحسك عينك كلمه تطلع كدا ولا كدا هناك هقطع خبرك انتي سامعه..... وش هم زي امك يا تك القرف..
ملك من غير ما تبص
أنا مش جعانة ومش عايزة اكل
صفية
والله صح انتي نكدية زي أمك.
ده اللي اخدناه منها ربنا ياخدك وياخدها فى ساعه واحده ونخلص منكم عيله وش هم ميجيش من وراكم غير الفضايح.
ملك تقوم فجأة
أنا مش نكدية..
أنا موجوعة!
موجوعة عشان محدش في البيت ده بيحبني لا إنتي ولا بابا ولا حتى الحيطة دي! امي اللى مش عجباكم دي هى اللى ربتني وعلمتني وخلتني حاجه وكبرتني انتو عملتلولي ايه غير الاهانه وكسرة النفس والخاطر وكل دا ليه علشان مجتيش ولد ولما ربنا رزقكم بالولد عملكم ايه وطى راسكم فى الطين واتسجن فى الاحداث هو دا اللى يشرفكم واللى يعجبكم لكن لو بنت محترمه ومتربيه نبقى
متابعة القراءة
