رواية لعبه القلوب المحرمه الفصل الرابع بقلم امانى سيد

صفا خلاص روحى على مكتبك ومتضايقيش نفسك بس آخر سؤال 
اتفضل 
أختك عايزه تطلق منه 
طبعا بس للأسف مش هتعرف لأنه زى ما شوفت مش عايز هو عايزها ترجع تخدم أهله وبناته 
تمام روحى 
خرجت صفا من المكتب ومسك شعيب الموبايل واتصل بماهر مدير أمن شركته  
ازيك يا ماهر عامل ايه 
الحمد لله عامل ايه يا شعيب 
بخير عايزك فى خدمه واطلب قدامها اللى انت عايزه 
إيه هى الخدمه دى 
فى واحد عايزه يتربى ومش أى تربيه 
من أمته بتطلب كده انت حقك دايما بتاخده بإيدك اشمعنى 
مايستاهلش اۏسخ أيدى عليه 
ايه المطلوب 
واحد اسمه ايمن شغال فى سوبر ماركت فى الحسابات عايزع تراقبه لحد ما يطلع بيته 
وبعدين 
هتطلع تجيبه من بيته بلفلنه والبوكسر وينزل كده قدام الشارع كله وتظبطوه الطريحه التمام وبعدها تاخده لعنوان هبعتهولك فى رساله فى واحده اسمها مروه تاخده عندها يوطى يبوس رجلها ويتأسفلها وبعدين يلبس هدومه و تجيب المأذون بعدها يطلقها فاهمين 
بس الموضوع ده صعب انت عارف بتقول ايه وليه اعمل كده 
ده واحد مستقوى على اتنين ستات غلابه عشان مالهمش راجل 
وبعد ما الطلاق يتم تروح تاخد عفش البيت كله 
اوديه فين 
هبعتلك مفتاح شقه المعادى تحطه فيها العفش 
طيب انفذ امته 
انهاردة 
أنت متأكد من اللى هتعمله ده 
أه متأكد صدقنى انت بترجع الحقوق لصحابها اوقات كتير لازم حقك تاخده بدراعك ... ماهر انت مش محتاج تسمع الكلام ده انت عارفه 
البيه ضړب مراته ونزلها بلبس البيت والجيران هما اللى ستروها ده من نوعيه الرجاله ال اللى امهم بتمشيهم مراته الاولى اكيد ماټت من عمايل اهله ولو سبنا دى من غير ماتسعادها هتحصلها 
تمام يا شعيب فهمت كده اقدر أقولك يستاهل 
وتصوره فديو عشان مايفكرش يعمل حركة كده ولا كده معاها ... بس عايز الفديو يرضينى يا ماهر 
ماتقلقش انا هاخد خمس رجاله ونروحله 
قفل ماهر مع شعيب وبعتله شعيب العناوين 
بعدها بساعه اخد ماهر رجالته وراح قدام السوير ماركت اللى قال عليه شعيب وسأل على ايمن وعرف شكله 
خرج ايمن من السوبر ماركت وركب الميكروباص وفضل ماهر ماشى وراه لحد ما طلع الشقه 
طلع ايمن وراه لحد ما طلع شقته ودخل 
خبط ماهر على الباب وايمن فتحله ولسه هيساله انت مين راح ضربه ماهر وخلى رجالته تكتفه 
حس ايمن بفزع وخوف من الموقف ومش عارف ده مين ولا دول مين اللى بيعملوا كده 
قلعوه 
اټصدم ايمن واټرعب 
هتعملوا ايه انا هصوت والم الناس 
بدأ الرجاله يقفلوا الشبابيك كويس عشان صوته محدش يسمعه وبداؤا يقلعوه زى ماطلب منهم ماهر 
انتوا هتعملوا فيه ايه ابعدوا ... انتوا عايزين ايه وانا هنفذ كل اللى انتوا عايزينه بس بلاش كده بلاش 
قرب منه ماهر وبدأ يضربه بغباء