رواية لعبه القلوب المحرمه الفصل السادس بقلم امانى سيد

فضلت مروه واقفه واتممت الارض تنشق وتبلعها وشعيب قاعد هادى مش باين عليه أى تعابير زى مايكون حابب يشوف احراجها 
اتكلمى يا مروه أنا مستنيكى 
بصراحه كنت عايزه أسألك انت اللى بعت الرجاله امبارح لايمن 
رجاله ايه 
اللى ضړبوه وخلوه يجيى يعتذرلى وبعدها طلقنى 
إنتى مكنتيش حابه ده 
مش ده السؤال انا بسال حضرتك انت اللى بعتهم 
واشمعنى انا اللى فكرتى أنى اعمل كده 
كلام شعيب معاها كان بيزود حيرتها ماكدش ومنفاش كلامه عايم وبيرد بسؤال 
لأن انا معنديش حد يجبلى حقى منه وصفا كانت قايله انها حكا لحضرتك وبالتالى محدش يعرف حاجه غير حضرتك 
طيب اتفضلى اقعدى الأول 
قعدت مروه على الكرسي أمام المكتب ونظر لها شعيب بتفكير 
هل يقولها الحقيقة ولا يخبى عنها 
قرب بجسمه على المكتب وسند بكامل ذراعيه على المكتب
لو أنا هتزعلى ولا هتشكرينى 
هشكر حضرتك
قالتلها بوضوح وبصراحه 
قرب شعيب بجسمه لقدام أكتر 
تشكريني
هزت راسها
أيوه. علشان أيمن عمره ما اعتبرني زوجة.
كان بيهددني طول الوقت كل ما أقول مش راجعة يقوللي هيروح لمامتي ويتخانق معايا ومعاها وهو عارف وضعها الصحي تعبان.
كان بيستغل خۏفي عليها مش حبي ليه.
سكتت لحظة وإيديها بترتعش وهي بتحاول تخبيها في حجرها
فلو حضرتك فعلا اللي بعت الرجالة يبقى أنقذتني من حاجة أنا مش قدها ومكنش هعرف اتصرف معاه وكان يمكن فى النهايه ارضخ ليهم 
ورجعتلي حقي اللى كان استحالة ان. اجيبه
فضل شعيب يبصلها مفيش تعبير واضح بس في شرارة خفيفة لمعت في عينه.
كأن الكلام لمس حاجة عنده حاجة مش حابب يبينها.
حاجه خلت غروره بنفسه كراجل تزيد واحساسه بالمسئوليه اتجاهها يزيد اكتر 
ومع ذلك نبرته فضلت هادية تقيلة موزونة
كويس إنك شايفة الموضوع كده.
سكت وعيونه لسه معلقة بيها.
وعموما انا اللى بعتله الرجاله يعملوا فيه كده ومش عايزك تخافى. من إنه ممكن يتعرضلك مره تانيه فى حياته لان وقتها هيكون بيقف قصادى أنا 
طيب حضرتك ليه عملت كده 
سكت شعيب ومردش عليها وسرح فى الماضى 
شافت مروه سرحانه عادت سؤالها مره تانيه 
حضرتك ليه عملت كده 
شفت واحده مظلومه حبيت اساعدها ولو أى واحده مكانك هعمل معاها كده 
تمام شكرا جدا لحضرتك عن ازنك 
خرجت مروه وحست باحراج من جواب شعيب وأنه حاسس اتجاهها بشفقه وقررت انها تتجنبه وتتجنب إن يشوفها 
فى منزل أيمن 
كان قاعد مع مامته وبيهز رجله بعصبيه 
يعنى خلاص طلقتها 
أه طلقتها مكنش ينفع اكمل معاها بعد ما جابت رجاله ټضربنى فى أى خڼاقه بعد كده ممكن تهددنى بيهم 
شوف وقال انا كنت فكراها غلبانه ومابتعملش حاجه طلعت مش سهله انا بفكر اخد اخواتك ونروح نرنها علقھ محترمه 
ابعدى عنها بدل ما تجبلك ناس يعملوا فيكم زى ما عملوا فيا
وهى جابت فلوس ناس زى دى منين اكيد ناشيه مع