رواية لعبه القلوب المحرمه الفصل السادس بقلم امانى سيد

المواقف كلنت بتطلع هيا الغلطانه 
Flash back 
بقولك ايه يا عامر هى مراتك هتفضل تشاكل الكل ليه 
يا ماما منا قولتلك اعملى فيها ما بدالك اللى تحبيه اعكليه فيها انا زهقت وكل أما اكلمها تحلف أنها معملتش حاجه 
طيب بصى بقى اعمل حسابك انها لو متعدلتش معاها أنا هجوزك عليها أنت فاهم اللى يكسر الست ويقهرها إن جوزها يتجوز غيرها والحمد لله إنك ماحبتش منها غير واد واحد بس 
انا هخلى ابوك يدورلك على واحده بنت تاجر من اللى ابوك بيشتغل معاهم 
خليه يدور انا أصلا قرفت منها ومن شكلها بقت زنانه وطول الوقت بټعيط ونكديه 
خلاص يا ماما اتفقنا كلمى ابويا وأنا كمان هكلمه 
فى المطبخ امه كانت واقفه بتحضر الاكل وفى نفس الوقت بتغسل المواعين وبتروق المطبخ وكان الشغل كتير عليها لانها بتخدم فى بيت عيله وكل شغل البيت عليها
وقت ما كنت بكلمها كانت بتمسح دموعها وتضحك ووشها محمر من العياط وأنا صغير مكنتش فاهم هى بتضحك ولا بټعيط ولما بسالها 
بتتلكك أنها بتقطع بصل 
دخلت حماتها المطبخ هى وسلفتها وهما بيضحكوا وبيبوصلها بشماته 
ادينا بكره هنفرح بجوازه تملى العين مش الشحاته اللى جتلنا بوشها اللى عامل زى البومه
بصراحه يا حماتى انا مش عارفه ازاى رضيتوا بيها من الأول دى 
معلش ادينا بنصلح الغلط 
كانت راضية امه واقفه وسامعه كل كلامهم قربت منها وكلمتها بشك
هو مين اللى هيتجوز 
عامر جوزك يا ختى هيتجوز واحده بنت حسب ونسب حاجه تشرف وتملى العين 
طيب وأنا ذنبى ايه ليه تعملوا معايا كده هو طايقنى دلوقتي لما تجوزوه واحده تانيه 
طيب حفيدك ده مالوش خاطر عندك 
أهو هتبدأ زن أهو هو انتى ايه مابتعرفيش تعملى غير انك تعيطى 
يا حماتى ابوس ايدك ماتعمليش فيا كده ابوس رجلك انا عايزه اربى أبنى بينى أنا وأبوه 
بلاش يا حماتى بلاش اقنعيه مايعملش كده 
بصى يا راضيه من أول يوم هنا وأنا مش معتبراكى أكتر من خدامه وسمحت بجوازك من ابنى فى الاول خالص عشان كده لان حماكى كان رافض يجبلنا شغاله انتى عارفه هو دقه قديمه 
فانا قولت اخليكى تتجوزى عامر ابنى الصغير منها مقطوعه من شجره ومنها تشتغلى خدامه من غير فلوس ومنها واصل حماكى مايتكملش إنما دلوقتي خلاص مش هستحمل اكتر من كده وجودك كزوجه لابنى قدام الناس انتى هتفضلى هنا خدامه وهو يتجوز واحده تانيه تبقى مراته قدام الناس 
وقفت راضيه ټعيط من كلام حماتها وقسۏتها عليها وعلى ابنها اللى مش عارفه مصيره هيكون ايه 
ياترى شعيب وصل لمكانته دى ازاى 
ياترى شرين هتعمل ايه 
لعبه_الحب_المحرمه
امانى_سيد