رواية قيود تنتظر الغفران الفصل الثامن الأخير بقلم آيه طه

على كتفه 
ما تضعفش يا يوسف. طول ما أنا والولاد جنبك إحنا مش خايفين..... احنا بنستقوى بيك.... وحاسين بالامان لانك معانا وواقف جمبنا....
يوسف بص لها عينيه دموع لأول مرة مقدرش مقدرش.....انا مخبرش هو بيعمل معاي اكديه ليه......طول عمري شايفه اخوي وابن عمي وقلبي صافي من ناحيته....انما هو قلبه كله سواد وحقد عليا ومخبرش ليه.....تعرفي حاجه! إنتي اللي مخلياني واقف.... وقوي لحد دلوك...
قربت أكتر وبصت له من غير ما تقول حاجة.
اللحظة كانت مليانة صدق وۏجع لكنها جمعت قلبين لأول مرة من غير حدود.
هاجر قاعدت قصاده حاطة سليم في حضنها ووليد نايم على حجرها.
هاجر بصوت واطي وبعدين يا يوسف هتعمل إيه دلوك
يوسف شد نفس طويل وقال مخبرش يا وليه... بس اللي بدأ الڼار لازم ينطفي بيها.... وانا مش هسكت تاني ولا هعمل حساب لحاجه واصل.... توصل لمرتي وعيالي يبقى لازم واقفه ورد فعل البلد كلها تتحدت فيه.....
هاجر قلبها وقع تقصد حسين بس يا يوسف مريداش يصيبك حاجه.... احنا ملناش غيرك يا اخوي.... بالله عليك متتهورش وتاذي نفسك معاه....
يوسف بعصبيه ايوا ومين غيره ديه ماشي في البلد يقول عليكي حديت يخلي الراس في الأرض ولسه ما شبعش.
هاجر دمعت قربت منه بس أنا مش رايداك تخسر نفسك عشاني..... يوسف انا خاېفه عليك...
يوسف بص لها نظرة عميقة صوته هادي لكنه قاطع إنتي والعيال أنا ماليش غيركم. لو خسرتكم يبقى أنا خلاص انتهيت..... ولو سكت على عملته الله العالم هيعمل ايه تاني....
يوسف خرج من بيته الصبح شايل عصاية التقيلة اللي ورثها من أبوه.
قال لوليد قبل ما يسيبه خليك راجل واحمي أمك وأخوك...... انت الكبير وراجل البيت وانا مش موجود....
وليد عيونه دمعت متتأخرش يا ابوي.... وانا هحمي امي واخوي واضرب اللى يجي اهنيه زيك بالظبط.... بس انا خاېف يا ابوي... انت هترجع مش اكديه..
يوسف مسح على شعره ما تخافش إلا من ربنا.... وانا راجعلك يا بطل......
هاجر وقفت على الباب قلبها بيرتعش يوسف أوعى ترجع لي وأنا لابسة أسود تاني..... ارجع بالف خير سلامه.... احنا ملناش غيرك دلوك....
يوسف وقف لحظة بص فيها نظرة طويلة وقال مټخافيش... انا مليش غيركم كمان... بس المرة دي أنا راجع ليكي بالحياة.... ونعيش خلاص مفيش زعل ولا خوف تاني....
السوق كان زحمة الشمس في نص السما.
يوسف دخل وسط الرجالة رفع صوته
يا ناس أنا رايد كلمة قدام الكل.... واللى غلطان معايا هيتحاسب اهنيه قصاد الكل....
الناس التفتت له.
حسين قام ضحك بسخرية خير يا ولد العم..... جاي تعترف إنك ضعيف يا يوسف مقدرش تحمي غيطك ولا بيتك ولا قادر حتى تسيطر على مرتك اللى ماشيه تغوي الرجاله وهى على زمتك وفى قلب دارك....
يوسف شد نفسه وقال أنا ضعيف أنا اللي شايل بيت وأولاد وأنت اللي بتجري ورا الحريم