رواية لعبه القلوب المحرمه الفصل الحادى عشر بقلم امانى سيد

فى مكتب عابدين كان يجلس وأمامه جاسر 
ازيك يا معلم عابدين لما طلبتنى ماصدقتش نفسى 
طول عمرك ابن أصول يا جاسر وصاحب واجب وجدع عشان كده انا متعشم إنك توافق على العرض اللى هقولك عليه 
اتفضل يا معلم أنت تؤمر 
اولا أنا عارف أنى متقل عليكم بوجود شعيب ووالدته عندكم لكن مجرد ما العماره الجديدة تخلص بنى هيتنقلوا فيها بإذن الله 
يا معلم عيب احنا أهل وجودهم مش مضايقنى هما كده كده قاعدين فى ملحق منفصل 
ده من اصلك يا جاسر بس كل واحد فى بيته هيكون على راحته أكتر ومش هيحسوا أنهم تقال على حد وكده كده العماره قريبه منكم 
تانى حاجة ودى الأهم أنا عايز اشاركك 
يا سلام ده يوم المنى طبعا 
هنا بقى مربط الفرس زى ما بيقولوا انا هشاركك وهديك كل الفلوس اللى هتحتاجها بس مش هكون أنا الشريك 
مش فاهم حاجه ازاى هتشاركنى وازاى مش هتشاركنى 
أنا هشاركك بإسم شعيب 
بص يا جاسر انا هدخل معاك شريك بقطعه الارض اللى فى العاشر أنت عارف انى واخد كذا قطعه من زمان 
هدخل معاك شريك بواحدة منهم اللى انت هتختارها وتشوفها مناسبه وهدخل كمان معاك شريك فى المكن والالات اللى هنستوردها بس كل حاجه هتم بإسم شعيب يعنى فى الأوراق ورسمى هو الشريك وأنا الواصى عليه ولو جرالى أى حاجة وقتها هو يستلم منك الورق واى حاجه تخص الشراكة دى لما يكبر ويكون واعى ومش عايز أى حد يعرف حاجه عن الموضوع ده الورق كله هيكون فى خزنه بإسمه فى البنك ومافيش حد يعرف حاجه غيرك يا جاسر 
طيب ليه مش عايز ابوه يعرف 
أبوه ممكن يسحب كل حاجه لو بقى الواصى عليه عشان كده أنا مش عايز حد منهم يعرف حاجه خالص 
ولو أنا ربنا أدانى العمر وعشت انا بنفسى هسلمه كل حاجه ولو ربنا أخد امانته المفتاح هسيبهولك مع المحامى بتاعى تاخد شعيب وتعرفه كل حاجه 
والمحامى بتاعى عارف كل حاجه وعارف ايه اللى هيعمله بالظبطت أنا مش عايز حد يعرف عنهم حاجه غير لما أنا اعرفهم أو شعبب يكبر بالقدر الكافى اللى يخليه يقدر يحافظ على نفسه 
حاضر يا معلم ربنا يديك الصحه شوف أنت فاضى اماه ننزل نشوف الارض ونتفق مع مقاول يبنى المصنع وأنا بنفسى هسافر أجيب الاجهزه وكل حاجه ناقصه والحمد لله السيوله متاحه 
يبقى على خيره الله من بكره نبدأ أنا مش عايز تأخير انا عايز نسابق الزمن 
انتهى عابدين من الكلام مع جاسر وقرر إنه يروح البيت القديم يشوف حالتهم ايه ووصلوا لايه 
وصل عابدين البيت القديم لقى احفاده قاعدين بيلعبوا فى حوش البيت قرب منهم عشان يسلم عليهم بعدوا عنه 
فى إيه يا ولاد