رواية لعبه القلوب المحرمه الفصل الحادى عشر بقلم امانى سيد

لو ماشتغلتوش واتعدلتوا هتبقوا فى الشارع ووقتها مش هساعدكم مره تانيه 
بصوا كلهم لبعض بقله حيله ووافقوا على كلام ابوهم 
يلا ادخلوا لموا حاجتكم واستعدوا بكره للنقل وياريت تعلموا عيالكم كويس التربيه وانهم يطلعوا رجاله يعتمدوا على نفسهم 
كل واحد منهم راح لاوضته عشان يبلغ مراته وانهم أخيرا هينقلوا 
بص عابدين لقى جملات قاعده وحاطه اديها على خدها 
مالك يا جملات 
كل عيل هيكون ليه شقه وانا خلاص مكانى هنا هفضل هنا لواحدى ولا هروح اعيش معاكم وكل واحد مراته تتنى وتتفرد عليه 
لأ مكانك بيت جوزك وعلاقتك بولادك ومراتتهم هيكون لها حدود عايزين يجوا يزرومى يجوا براحتهم وانتى وقت ماتحبى روحى زوريهم 
عندك بناتك متجوزين وعايشين مع اجوازتهم عيشه زى الفل ترضى واحده منهم حماتها تعاملها زى مانتى عاملتى راضيه 
اتقى الله يا جملات وبلاش نغضب ربنا فى آخر ايامنا 
وجوازك عليا ورميتى هنا دى ايه 
بفكرك بأيام زمان يمكن ترجعى لعقلك وجوازى ده شرع ربنا واعتقد أنك كنتى واقفه فى صف ابنك عشان يتجوز على مراته معنى كده إن موضوع الجواز التانى بالنسبالك عادى مش حاجه وحشه ولا مكنتيش نصحتى ابنك يعملها 
سكتت جملات ملاقتش رد وخاڤت تتكلم تانى يرجع يقلب عليها 
طيب انا هعيش فين 
فى عمارتى الجديدة واخدلك شقه فيها هتعيشى فيها وهتكون معاكى فى نفس العماره صفاء مراتى الجديدة 
وياريت يا جملات مالكيش دعوه بيها لأنها فى حمايتى وزى ما هى مش هتضايقك ولا تيجى جمبك انتى كمان اجتنبيها لانى وقتها هحكم بالعدل يا جملات وبلاش تبقى فى السن ده وتركبى نفسك الغلط 
سن ايه يا عابدين انت ناسى الفرق بينا كام سنه 
خمس سنين يا جملات 
لا يا بابا دول ١٥ سنه يعنى لو حسبتها هتلاقينى اد المعدله الجديدة بتاعتك 
ضحك عابدين فى سره عليها الست هتفضل ست ربنا يستر 
كيب يلا هاتى حاجتك عشان تيجى معايا
والولاد 
مالكيش دعوه بيهم وقت مايحبوا يشفوكى يبقوا يجولك سبيهم يعتمدوا على نفسم 
طلعت جملات لمت هدومها وراحت فى بيت عابدين الجديد وهى مقرره أنها مش هتسيب صفاء فى حالها وهتطفشها 
فى بيت صفاء كان ماهر قاعد بيزاكر ووقته كله قافل عليه الاوضه 
دخلت عليه صفاء وملست على ضهره
ماتسيب المزاكره يا حبيبي وتيجى تتفرج معايا انا واختك على التلفزيون 
لأ يا ماما انا عايز ازاكر كويس واطلع من الاوائل 
بإذن الله يا حبيبي انت ايه قررت تطلع دكتور 
لأ عايز ابقى ظابط 
ضحكت صفاء فى داخلها ده حلم اغلب الاطفال وقررت تمشى معاه للآخر 
وعايز تبقى ظابط ليه عشان تمسك المجرمين 
لأ المجرمين معروفين ومكانهم معروف السچن وأى ظابط يعمل كده
آمال عايز تبقى ظايط ليه 
عشان اجبلك حقك من بابا ومراته 
ومين قالك انى عايزه حاجه منه