رواية لعبه القلوب المحرمه الفصل الحادى عشر بقلم امانى سيد

زعلانين ليه 
عشان انت جبتنا هنا وخلتنا نسيب بيتنا والمكان هنا وحش 
المكان ده أنا عشت فيه سنين وكل واحد فيكم ابوه اتولد وعاش هنا 
افرض أنا فضلت فقير زى منا ماوقتها برضوا كنتوا هتعيشوا هنا
بس أنت مش فقير هتلنا بيت تانى 
طيب ليه ماتطلبش من أبوك يجبلك انا لما ابوك كان صغير جبتله بيت عشان وقتها كنت أنا المسئول عنه إنما دلوقتي هو كبر وبقى مسئول عنك اطلب منه يجبلك بيت 
تفتكروا مين بقى الولد ده  
دخل عابدين البيت لاقاهم كلهم متجمعين فى الصاله منتظرين دخوله 
وقف إبنه الكبير قدامه 
الحمد لله إنك لسه فاكر إنك ليك ولاد وبيت تسأل عنهم جبتنا هنا ورمتنا ومسالتش فينا رميت ولادك عشان تربى ولاد غيرك 
ضحك المعلم عابدين على كلامه بعلو صوته 
وأنت يا صغنن عندك كام سنه يلى مستنى ابوك يصرف عليك 
وانا اصغر منك كده كنت بشتغل وبنحت فى الصخر عشان اعيشكم عيشه كريمه كنت سايبكم مسئولية لامكم فى غيابى فاكر أنى هلاقى ست فى ضهرى تعلم الصح والغلط إنما للاسف طلعت غلطان ولقتها ربيتكم على الدلع قولت لنفسى معلش يمكن مش عايزاكم تدوقوا اللى دوقناه انا وهى قررت اخدكم معايا الشغل تتعلموا وتنشفوا وللأسف كل أما ادى ضهرى لحد فيكم يلعب بديله أصل طلع ديلكم مايل ودلوقتي بتحاولوا تربوا عيالكم زيكم عايزين اللى يأكلهم ويشربهم 
واحد غيرك منك ليه كان نزل محله وفتحه واخد ابنه فى ايده زى ما كنت بعمل معاكم عشان يعلمه الشغل 
لكن للأسف انتوا شبعوا بدرى بدرى والغلط منى للأسف 
عشان كده من هنا ورايح مافيش حاجه بدون مقابل 
قصدك ايه هتسبنا هنا
ضحك بحسره عابدين فى سره على ابنه الطفل الصغير نزل لما شاف امه بتشقى صعبت عليه والفطره خلتوينزل يشتغل عشان يصرف على أمه واخته ودول لسه مش عارفين يفكروا يعملوا ايه معتمدين أنى هحن واجى افتحلهم البنك تانى 
وأنت صغير انت واخواتك مافكرتوش تشتغلوا وتصرفوا على مراتاتكم وعيالكم 
وأنت عايزنا نشتغلىايه صبيان فى محلتنا 
وانا لو مكنتش كبرت واشتغلت عشان أعمل المحلات دى كنتوا هتشتغلوا ايه 
اتكلم عامر محاولا أن يلين قلبه 
أنت عندك يا بابا بس خلاص إحنا كبرنا على كده وهنحاول نتغير واعتبرها اخر مره ولو حد فينا اثر في شغله تانى اعمل فيه اللى انت عايزه 
بص شعيب للباقى يعرف رأيهم ايه على كلام اخوهم 
وانتوا رايكم ايه فى كلام اخوكم 
موافقين بس خلينا نمشى من هنا
بص منك ليه هنزلكم تانى تمسكوا محلاتكم وهجيبلكم شقق إيجار لكل واحد وكل شقه هتكون فى مكان مختلف وانتوا اللى هتبقوا ملزومين تدفعوا الايجار بتاعها كل شهر 
وجدعنه منى هدفعلكم ايجار أول شهر ونقل العفش والفرش هبعتلكم ناس تنقل 
يعنى ايه 
يعنى