رواية لعبه القلوب المحرمه الفصل 14 بقلم امانى سيد

ويمشى عشان ماينساش المكان لكن انهارده قرر إنه يدخل ويعرف وضع والده ومراته 
دخل ماهر الحاره واتفاجئ إن أغلب الشقق الأرضى اتقلبت محلات وتحت البيت فتح دراى كلين 
وقف يبص للحاره ووقف قدام البيت المتهالك اللى عفا عليه الزمن وبقى شبه قايل للسقوط 
حمد ربنا فى سره على وضعه الحالى نزل من العربيه ووقف قدام البيت ودخل المغسله وبدأ يسأل عن اسم والده 
مساء الخير 
مساء النور يا باشا اتفضل 
هو ده بيت متولى 
أه يا بيه هو عمل حاجه ولا حد من ولاد مراته عمل حاجه دول 
أنت بقالك هنا كتير 
أه حوالى ٤ سنين 
قرب ماهر من المحل ووقف قدام الراجل اللى بيشتغل جوه وطلع من جيبه ١٠٠٠ جنيه وادهاله 
ايه ده يا باشا 
عايزك تحكيلى كل حاجه عنهم 
كل ده عشان متولى ولا حاجه تانيه 
على حسب 
هو عملك حاجه يا باشا 
انت بترغى كتير هتتكلم ولا اشوف حد تانى 
لأ ساعدتك اتفضل اتفضل 
دخل ماهر المحل وفضل الراجل يتكلم معاه عن كل التفاصيل 
اللى اعرفه يا باشا انه متجوز واحده اسمها وفاء محدش بيحبها هنا وليها ولدين والاتنين فاشلين ومكملوش تعليم وهو بېخاف منهم ومش بيقدر عليهم 
والولدين حالتهم زى الزفت بيشربوا الهباب ده ودماغهم ضايعه وأغلب أهل الحارة بيتجنبوهم 
وهو عايش معاهم مكسور مش بيقدر يتكلم والوليه هى اللى ليها الكلمه الاولى والاخيره وتشوف لبسه اخر طقم اشتراه من حوالى خمس ست سنين كده وكل فتره يجيى يسالنى عن هدوم قديمه لو حد مش عايزها تنفع ليه 
اټصدم ماهر من الكلام للدرجه دى وضع ابوه مزرى ابوه اللى كان عايش لنفسه 
بس يستاهل عقاپ ربنا ليه وأثناء كلامه مع المكوجى وصل ابوه 
الحق يا باشا متولى جاى أهو 
بصله ماهر بعيون مافيهاش ذره شفقه زى مايكون شايف الكارما وهى بتتنفذ 
راجل بسيط هدومه دايبه وشعره كله ابيض وجسمه انحنى لقدام من الزمن 
مر متولى من جمبه من غير مابصله او ياخد باله منه او يرفع راسه حتى 
بعد ما مر متولى من جمبهم كان المكوجى هيبدأ يكمل لكن ماهر وقفه 
بص يا ..... اسمك ايه
محسوبك شعبان 
العيال دى اسمها ايه 
الكبير محمود والصغير سعيد 
خد دول لما تشوفهم نازلين عايزك تحطهم فى جيب من جيوبهم من غير مايحسوا ووقتها هديك اد دول خمس مرات 
بص شعبان للفلوس وبص لماهر. وبينه وبين نفسه 
هما عيال ضايعه أصلا وشكلهم عاملين عامله بصراحه يستاهلوا يروحوا فى داهيه أهو المنطقة تنضف منهم ومن اشكالهم  
تمام يا باشا يعنى لو عملت كده هتدفعلى ٥٠٠٠ جنيه 
بالظبط كده وعايزك تنفذ بكره مش انهارده واول ماتنغذ ترن على الرقم ده وداله رقم وهمى يرن عليه منه لما يخلص 
عند شعيب كان بيراجع اوراق