رواية لعبه القلوب المحرمه الفصل 21بقلم امانى سيد

وقفت شرين قدام مروه وسلمت عليها بتكبر وكيد
أنا شرين خطيبه شعيب مين إنتى 
ثم بصتلها بتقييم
شكلك مش عميله خالص إنتى موظفه هنا 
أه أنا مروه موظفه فى الاستقبال 
ابتسمت شرين بسخريه من ثقتها وهى بتعرف نفسها
طيب وايه اللى بيطلع الريسبشن هنا انتى مكانك تحت عند الباب تستقبلى اللى داخل واللى خارج إنما ايه جايبك هنا 
معرفتش مروه ترد عليها تقول ايه اټصدمت من هجوم شرين ليها مره واحده 
خطت نفسها فى مقارنه سريعه معاها من حيث الشكل واللبس والاهتمام بالبشره لقت المسافه بينهم بعيده أوى بعيده لدرجه أنها مش قادره ترد عليها وتاخد حقها 
بصت مروه للأرض ومعرفتش تقول ايه 
تقول إنها فعلا بتتحجج عشان تقابل شعيب عشان حاسه ناحيته بمشاعر وواخده مرض اختها حجه 
شرين عندها حق هى فين وهو فين 
رفعت راسها وبصتلهم بسرعه 
أنا أسفه عن ازنكم
وقفها شعيب قبل ما تخرج 
إنتى بتتأسفى على ايه وانتى عملتى حاجه غلط 
وأنتى يا شرين انتى جايه تقللى من الموظفين بتوعى قدامى 
أنا مقصدش اقلل من حد بس من أمته يا شعيب بتقابل موظفين فى مكتبك 
كل قسم ليه رؤساء عشان لو حصل مشكله يرجعولهم هى تخطت كل ده وجتلك على طول 
وأنتى عرفتى منين انها عملت كده وعرفتى منين أنها اللى جاتلى مش يمكن انا اللى بعتله 
سكتت شرين معرفتش ترد عليه هى اتسرعت من انها اتكلمت كده قدامه بس حمقه شعيب ليها ده بيأكدلها احساسها وهى مش هتسيبها 
استاذنت مروه وخرجت ووشها كان شاحب 
وقابلتها صفا وسالتها ليه وشها شاحب كده اتحججت مروه بضغطها أنه واطى وسابتها ومشيت
وشرين قعدت قدام شعيب على المكتب وبدأت تلطف معاه 
وحشتنى على فكره وانا زعلانه منك ... من يوم العزا وانت مكلمتنيش خالص وحتى لما بكلمك مش بترد عليه 
مافكرتيش أنا بعمل كده ليه 
فكرت طبعا وبسال نفسى كتير انا عملت ايه يزعلك منى لكن ملاقتش سبب عشان كده جتلك انهارده 
تمام إنتى فاكره يوم العزا جيتى لابسه ايه 
فستان اسود 
فستان اسود قصدك قميص نوم أسود من أمته يا شرين وانتى بتلبسى كده 
أنا مكنش عدغيره للأسف وجيت من الساحل عليك على طول مكنش عندى وقت اشترى 
أه معنى كده إنك بتلبسى المنظر ده عادى 
مش قصدى اصل انا اخدته من مى خطيبه هشام 
طيب واسلوبك بالكلام اللى ماليان تعالى لمروه ده طبيعى 
وتجاهلك لماما فى العزا لما استكبرتى إنك تروحيلها ده عادى برضه 
أنا ماشوفتهاش 
لأ يا مروه شوفتيها أول ما دخلتى ولما عينك جات فى عنيها بصيتى فى الموبايل ومشيتى انا شوفتك على فكره ماتكدبيش 
انت بتحاسبنى اوى كده ليه مانت كمان كدبت لما ماقولتش إن باباك لسه عايش وأحنا فاكرينه مېت 
انا ماكدبتش انا قولت لابوكى