رواية لعبه القلوب المحرمه الفصل 21بقلم امانى سيد
يا حلوه
يلا غورى كملى شغلك
سابتها شرين ومشيت ومقدرتش مروه تتمالك نفسها ودموعها نزلت علة وشها حاولت تهدى نفسها لكن ماقدرتش وكلام شرين وصورتها عمال يتكرر فى دماغها وفعلا فضلت تقارن نفسها وفوق كل ده ازاى نسيت انها مطلقه ..وقررت انها تكمل الشهر وتسيب الشغل
هى. غلطت من الأول المفروض كانت هى اللى قالت لنفسها الكلام ده قبل ما حد يقولهولها
خلص اليوم ونزل شعيب وبص لمروه بطرف عنيه لقى وشها شاحب ومرفعتر راسها تبصله زى كل يوم
مر من جمبها ومداش أى رد فعل
وصل شعيب الفيلا ولقى أعمامه كلهم منتظرينه بره البيت بما فيهم عامر أبوه ومعاهم كان واقف هشام اللى ساكت وسايبهم يتوعدوا لبعض
وصل شعيب ووقف بعربيته قدامهم ونزل منها وبصلهم بسخريه
خير متجمعين فى الجنينه بتاعت الفيلا بتاعتى ليه ماعندكوش مكان تقعدوا فيه تتكلموا
اتكلم مراد بعصبيه من اسلوبه خصوصا لما راضيه رفضت تستقبلهم
لأ إنت عارف احنا هنا ليه وانا واثق انك مستنى زيارتنا وعارف اننا هنجيلك
ولما انا مستنيكم هاجى من بره دلوقتي
المهم عايزين ايه
عايزينك ترجع البطاقات وتدينا صلاحيتنا ونقعد نتحاسب وكل واحد ياخد نصيبه
واضح انكم فاهمين غلط خالص الشركات دى مش هتتقسم لا دى هتنضم لبعض وهيكون ليها فرع رئيسى وانت اللى هديره بنفسى وباقى الفروع والمصانع أنا اللى هختار مين يديرها
اتكلم محمد بخبث
وياترى بقى الشركات بتاعتك هتننضم ليها برضوا
ضحك شعيب بعلو صوته
واضم شركاتى ليها ليه كنتوا شركا معايا مثلا وأنا معرفش
لأ شركاتى أنا اللى هديرها بنفسى ودى ماليش فيها شريك
إنما شركات جدوا انا هكون فيها رئيس مجلس الإدارة يعنى اكبر موظف فيكم لأنها مش هتبقى ملك حد اللى موافق يقول انا موافق ووقتها هنعمل إجتماع مجلس اداره ونوزع الأعمال
واللى هيرفض
هيقعد فى البيت وكل شهر هيدخله نصيبه بس مش هيكون ليه لا كلمه ولا رأى ولا امضه هيكون منظر بس
إنما تقسيم شركات لأ انا جدى حطنى فى المكان ده عشان احافظ على اللى اتبقى وكفاية اللى بعتوه واللعب اللى بيتعمل فى الحسابات وكل واحد فيكم عارف هو كان بيعمل ايه
انا بقالى شهر براجع كل الحسابات لحد امبارح وشوفت كميه سرقه مش طبيعيه
والغريب انكم اللى بتسرقوا نفسكم كل واحد عايز يلحق يحوش أكتر من التانى وتو..لع الشركات على المصانع أهم حاجة مين اللى يبقى اغنى فيكم صح
بصوا لبعض پصدمه وماقدروش يتكلموا لأن واضح إنه معاه كل التفاصيل
ها الاجتماع هتحضروه ولا اعتبركم بره
رد عليه عامر بالموافقة هو وهشام وبعدها محمد واخر واحد مراد وقرروا انهم يبقولوا زى اللقمه فى الزور
رفض شعيب أنه يدخلهم الفيلا وكان بيكلمهم وهو قاعد معاهم فى الجاردن بتاع الفيلا
وحدد معاهم معاد كمان اسبوع فى الفرع الرئيسي هيكون
ليهم ولكل رؤساء الأقسام وقرر إنه يبدل بعض الموظفين فى كل فرع خاصه الحسابات و السكرتاريه عايز ناس تبقى ولائها ليه ومايلعبوش بالحسابات ويكون واثق فيهم
وهما رضخوا لطلبه لأن مافيش بإديهم حاجه تانيه
فى اليوم التالى
وصل شعيب الدخل ودخل وهو لابس النضاره وبص لمروه من ورا النضارة وكانت ملامحها نفس ملامح امبارح ومرفعتش وشها تبصله بابتسامه زى كل يوم
قرب منها شعيب وقرر إنه يبدأ كلام معاها ممكن تكون متضايقه من كلام امبارح بتاع شرين
صباح الخير ازيك يا مدام مروه
ردت مروه من غير ماتبصله
الحمد لله بخير
وقف شعيب مش عارف يقول ايه يسالها مالها ولا يعمل ايه هو عمره مراضى حد قبل كده وخاېف يتكلم عن شرين تانى ېجرحها
سابها شعيب وطلع بيفكر فيها وقلق إن ممكن تكون حصلتلها مشكله تانيه غير شرين هى اللى مخلياها كده
نادر شعيب على صفا اللى دخلتله فورا وطلب منها
تفتكروا طلب ايه
هل مروه هتمشى من الشركه ولا شعيب هيكون ليه رأى تاتى ويقربها منه أكتر
لعبه_القلوب_المحرمه
امانى_سيد
عشق
