رواية لعبه القلوب المحرمه الفصل 21بقلم امانى سيد

كل حاجه قولتله أنا من عيله كبيره ومش حابب اقول هى مين دلوقتي وكل حاجه هتعرفوها مع الوقت وهو وافق يبقى كدبت إزاى 
خلاص يا شعيب أنا أسفه 
بس للأسف ده المفروض مايكنش ليه 
آمال مين 
أولا لماما ثانيا للبنت اللى جرحتيها بكلامك دى وهى مالهاش ذنب 
أنت بتهزر البنت دى عنيها منك 
البنت ماعملتش أى حاجة ولا لمحت ولا قالت كلمه غلط انتى اللى دخلتى وهاجمتيها بدون سبب افرضى لقيتى موظفه غيرها كنتى هتعملى كده برضو 
يا شعيب أنا بنت وافهم الحركات دى 
حركات ايه إنتى عارفه هى موجوده هنا ليه 
بصتله شرين بتفكير وقررت أنها تعمله اللى هو عايزه عشان ماتخسروش 
حاضر وانا نازله دلوقتي هراضيها وهروح لمامتك كمان ... ها لسه زعلان 
اللبس يا شرين عشان لو شوفت لبس بالمنظر ده تانى أنا مش هكمل انا مش بقرون هسمح بحاجة زى كده لبسك يبقى محتشم سواء قدامى أو من ورايا فاهمه 
حاضر يا سيدى فاهمه أول واخر مره ماتزعلش بقى 
ابتسم شعيب وفضلوا يتكلموا ويحكلها ليه كان مخبى بس محكاش كل التفاصيل احتفظ بيها لنفسه 
خرجت شرين من مكتب شعيب نزلت لمروه الاستقبال 
لقتها واقفه مركزه فى شاشه الكمبيوتر قدامها وسرحانه بصتلها بسخريه وقررت انها تعلمها درس عشان ماتفكرش أنها تتكلم مع شعيب مره تانيه وتستقيل كمان 
وقفت شرين قدام الباب وكان ظاهر انعكاسها فى زجاج الباب ونادت هلى مروه تجلها
قربت مروه منها ومسكتها شرين من كتفها وخلتها تبص على انعكاسها ووقفت جمبها وبصوا هما الاتنين لبعض فى انعكاسهم فى المرايه 
واتكلمت شرين بسخريه وتقليل من مروه 
شايفه ايه فى المرايه يا مروه 
انعكاسنا 
شايفه الفرق بينى وبينك عامل إزاى فرق كبير أوى أوى بصى الهلاهيل اللى إنتى لابساها اللى شرياها من على الرصيف ومش بس كده دى اتهرت من كتر اللبس 
ولا بشرتك اللى اشتكت من كتر مابتغسليها بالصابونه من عير ماترطبيها 
وياترى الطرحه دى تحتها ايه شعر هايش ومقصف 
ولا ريحه البرفان اللى حطاها اللى جايباها من على الرصيف دى صح اللى ريحه عرقك فيها ظاهر أكتر منها ولا جذمتك اللى بصى لزقها فك من كتر المشى يا حرام
تفتكرى شعيب ممكن يبص لواحده زيك فى يوم 
انتى شايفه الفرق اللى بينى وبينك يا مروه فرق كبير أوى حتى لو .. لو انا وهو مكملناش فعمره ما هيبصلك انتى بالنسباله زى الراجل بتاع الامن اللى واقف بره بيكلمه حلو وبيعطف عليه مش اكتر من كده وهو لسه قايلى الكلام ده فوق 
عشان كده نظراتك اللى شوفتها فوق لشعيب تلميها وياريت لو سبتى الشغل ومشيتى بكرامتك احسن 
شعيب ها تقدرى تقوليلوا شعيب زى ما انا مابقوله كده هههههه طبعا ماتقدريش هو بالنسبالك شعيب بيه ها