رواية لعبه القلوب المحرمه الفصل 25 بقلم امانى سيد

مر يومين ووصل شعيب الفرع الرئيسي ومر على كل الاقسام ودخل بعد كده المكتب اللى موجوده فيه مروه
أول ما دخل اتفاجئ بيها بتكلم واحد زميلها وبتبتسمله 
من غير مايحس فضل واقف على الباب يفكر الابتسامه بتاعتها كل يوم الصبح لما كانت بتشتغل معاه 
الابتسامه دى مش زى اللى كانت بتبسمهالوا صحيح لكن ليه تبتسم لغيره  
وليه تقعد أصلا مع راجل فى مكتب لواحدهم اي نعم الباب مفتوح بس برضوا 
دخل شعيب واتوجهه للمكتب بتاعها مباشره وقعد قدامها 
قامت مروه مفزوعه من دخلته لكن رجعت تانى وقعدت مكانها 
حس زميلها فى المكتب پخوف من شخصيه شعيب طول الوقت بيسمع عنه لكن دى أول مره يشوفه فى الحقيقة 
بيتمنى لو الوقت يمشى بسرعه ويخلص من القاعده دى 
قام رامز الموظف الجديد وسلم على شعيب وعرفه بنفسه وسلم عليه شعيب وبعدها بص لمروه بغيظ
كانت مروه قاعده مش فاهمه حاجه ولا هو ليه بيبصلها كده ولا بيكلمها كده بس قررت تتجاهل كل حاجه وتهتم بالشغل فقط 
قام الموظف سأل شعيب لو يحب يشرب حاجه لكن شعيب رفض وبعت رساله لماهر انه يبعت للموظف اللى فى المكتب ومايخليش أى حد يدخل المكتب عشان الحسابات سريه 
بعت ماهر بحسن نيه للموظف وكلفه بشغل تانى والموظف ما صدق وخرج من الغرفه 
فضلت مروه مركزه في الشغل بتاعها وبتراجع كل الملفات وهو مش مركز غير معاها وكلام شيرين اللى بيتردد فى راسه وليه حس بغيره لما ابتسمت لغيره واسئله كتيره فضلت تدور جواه واهمها ليه عايز يقعد معاها لواحدهم 
رفعت مروه عنيها لقيته باصصلها 
تجاهلته كل ما تفتكر وقفته مع شرين فى محل المجوهرات فى المول تفتكر الفرق اللى بينهم وأنه خاطب فتحاول تشيله اكتر من دماغهت 
رجعت مروه تكمل شغل لكن قام شعيب وقفل الباب وقرب من مكتبها 
ممكن أفهم بقى 
زقته مروه وقامت بخضه 
انت بتعمل ايه
ولا حاجه عايز افهم فى ايه بالضبط مالك اتخضيتى ليه فاكرانى هبوسك مثلا 
أنت بتقول ايه 
بسالك مالك متغيره ليه وليه سبتى الشغل مره واحده وليه لما قولتلك استنى هوصلك مشيتى عايز افهم ليه بتهربى منى 
أنا مش فاهمه انت تقصد ايه 
لأ فاهمه يا مروه فاهمه كويس ليه سبتى الشغل فى الشركه 
مكنتش مرتاحه
اشمعنى مارتحتيش غير بعد ما شوفتى شيرين 
سكتت مروه وقررت أنها ټنفجر فيه خلاص زهقت واتوجعت بما فيه الكفاية 
أنت عايز ايه وليه بتعاتبنى أصلا . انا حره اشتغل امشى حره 
لأ مش حره وماترديش على سؤالى بسؤال 
انت عايز ايه منى بالظبط 
سكت شعيب مش عارف هو عايز ايه او خاېف يقول هو عايز ايه 
عايزك انتى يا مروه عايزك ماتضحكيش لحد غيرى عايزك لما تحتاجى حاجه ابقى انا اول واحد عايز افضل معاكى لوحدنا مش عايزك