رواية مارد وكنزي الفصل 26

البارت_السااااادس_والعشريييين 
ديما بمرح ... كنزي!! أخيرا المارد فك الحظر عنك
... لا يختي دة أطلق سراحي ع طول
بغرابة ... ايه دة تقصدي ايه! وفين چيچي!
... تعالي وانا هفهمك
الاتنين قعدوا ف كافيه الجامعة وحكت لها اللي حصل
... يا لااااااهوي
حطت ايدها ع بوقها بسرعة ... ششش الله يخربيتك هتفضحينا
لطمت ع خدها ... اتطلقتي يا كنزي!
بملامح باكية ... عاااا الواطي مهانش عليه أرتاح من الخطوفة الأول وراح ملبسني الحلة ف وشي
... طب هو عمل كدة ليه!
... مش مهم أي تفاصيل دلوقتي
بحسرة ... خسارة والله چيچي هتوحشنا
... تعالي نحضر المحاضرة بتاعتنا ينعل أبو رخامتك
______
المارد قاعد ف أوضته ماسك تليفون كنزي وبيقلب ف صورها اللي عليه .. قد ايه وحشته واشتاق لمقالبها ونقارها معاه طول الوقت .. وصوتها اللي دايما عالي ف القصر
... ههههه يا مچنونة
ضحك لأوضاعها الغريبة والمضحكة ف الصور ... نفسه يروح يجرها من شعرها ويرجعها ڠصب عنها تاني القصر .. ويشفي غليله منها بسبب تصرفها المهين له مع فاروق .. اللي سببله ۏجع ف قلبه ... أو هو أقنع نفسه انه عايز يرجعها للسبب دة
تليفونه رن ورد
بملل ... أيوة يا ماسة!
بدلع ... وحشتني
بضيق ... مبحبش كدة وانتي عارفة!
... طب خلاص ايه رأيك أجيلك نتغدى ف اي مكان
... لا .. ولا اقولك أنا رايح النادي نتقابل هناك
بفرحة ... هوا هتلاقيني عندك
______
... محاضرة مملة أوف
ديما ... عشان تصدقي انك كنتي ف نعمة
... بطلي رغي يا بت وابقي ابعتي كل المحاضرات اللي فاتت عشان اذاكرهم
... محاضرات!! انتي تعرفي عني كدة
وقفت قصادها ... نعم يا روح أمك! يعني مكنتيش متابعة المحاضرات أول بأول
... مش كلها
مشيت قدامها بحنق ... بكلم مين ف تعليم ديما كعكات
_ كنزي!.
وهي ماشية واحد وقفها وبصتله بتعجب
حمحم بحرج _ أنا محمد عبد الصبور زميلك ف الدفعة
... وعايز ايه يا زميلي
جبينه عرق بتوتر _ أن.. أنا كاتبلك كل المحاضرات اللي فاتتك ف المذكرة دي وكنت هديها للآنسة ديما توصلهالك بس الحمد لله اني شوفتك
... يخويا تشكر والله فيك الخير
ابتسم لها وبعدين أداها المذكرة_ ربنا يوفقك لو احتاجتي حاجة أنا موجود ف الجامعة ع طول
... يا ضنايا يتيم ولا ايه!
حمحم _ لالا قصدي اني منتظم يعني
... أه ماشي يا سيد
_ محمد
... ما تخنقنيش بقا سلام
خدت ديما وخرجوا
____
... أنا خاېفة يا كنزي جوزك ممكن يخلص علينا لو شافنا
بشجاعة مصطعنة ... اجمدي يا بت أنا معاكي
بملامح باكية ... مهي المصېبة انك معايا
بصتلها بدهشة.. بعد شوية وصلوا ووقفوا جنب القصر
... يلا روحي قولي لهم انك عايزة المارد
ديما بزمجرة ... نعم يا عمر بقا عايزة تدبسيني وتخلعي يا بنت الڼصابة
ببراءة ... مش أنا صاحبتك الوحيدة وحياتي عندك
... أنا ممكن اتبرى منك وقتي ولا يهمني
بحنق ... طيب يا ديما ليكي يوم
اتقدمت