ابن جوزي اهني حكايات صافي هاني

وأنا بمسح إيدي في الفوطة، مكنتش متعصبة، كنت هادية لدرجة تخوف.. الهدوء اللي بييجي بعد ما العاصفة تخلص وتكحت كل حاجة وراها.
قلت له بابتسامة خفيفة والله يا خالد، مش إنت دايمًا بتقول إنك بتحب تشتري دماغك؟ أنا كمان قررت
أشتري دماغي.
اټصدم وبدأ يعلي صوته ده وقته؟ ابني بيضيع يا هبة! إحنا أهل، وإنتي اللي شايلة الحسابات والاتصالات، إنتي اللي عارفة كل خرم إبرة في البيت ده وفي حياتنا!
قربت منه خطوة واحدة وقلت له أنا كنت الأهل لما كنت بتهان على سفرتك وإنت باصص في كوبايتك.. كنت الأهل وأنا بدفع القرش على القرش عشان أصلح البيت اللي إنت وابنك عايشين فيه.. لكن النهاردة، أنا مجرد ولا حاجة زي ما ابنك قال بالظبط.. والولا حاجة دي، ملهاش يد في حل مشاكل الستات الحقيقية ولادهم.
خالد حاول يمسك إيدي وهو بيقول حقك عليا، كان عيل وغلط، وأنا سكت عشان مأكبرش الموضوع..
سحبت إيدي بالراحة وقلت له لأ يا خالد، إنت سكت عشان كنت فاكر إن صبري ملوش آخر، وفاكر إن مالي وكرامتي حق مكتسب ليك ولابنك. النهاردة، أنا مش بس مش هحل المشكلة.. أنا هخرج نفسي بره الحسبة خالص. الشنطة بتاعتي جاهزة، والبيت ده أنا اللي مأجراه وكاتبة عقده باسمي، وقدامك أسبوع واحد بس تلم فيه كرامتك إنت وابنك وتدوروا على مكان هادي
تشتري فيه دماغك بعيد عني.
سبته واقف مذهول، مكنش مصدق إن الست اللي كانت بتلم الفتافيت وراه ووراء ابنه، هي نفسها الست اللي قفلت باب حياتها في وشه بكلمة واحدة.
خرجت من البيت وأنا حاسة بوزن جبل انزاح من على صدري.. اتعلمت إن اللي مبيعملش لنفسه حدود، مفيش حد هيعملهاله.. وإن السكوت ساعات مبيكونش رضا، ده بيبقى مجرد وقت مستقطع عشان نجهز فيه لرمية 
نزلت السلم وأنا سامعة صوته بينادي عليا من ورا الباب، صوته اللي كان فيه نبرة تعود إنه دايمًا بيلاقي حل عندي، بس المرة دي مكنش فيه رجوع. ركبت عربيتي ووقفت دقيقة أتنفس.. لأول مرة من سنين أحس إن الهوا اللي داخل صدري نضيف، ملوش طعم الندم ولا ريحة الاستجداء.
رحت قعدت عند أخويا، وطبعًا خالد مكنش متخيل إن الموضوع بجد. فضل يبعت رسايل
يا هبة استهدي بالله، البيت هيتخرب، الولد ملوش ذنب في عصبيته، إحنا ملناش غيرك.
رديت عليه برسالة واحدة بس
البيت مبيخربش لما الست بتمشي.. البيت بېخرب لما الراجل بيبطل يبقى راجل ويحميها في بيته. إنت اللي خربته بسكوتك، وأنا اللي عمرته بصبري.. وصبري خلص.
مر الأسبوع، وحاول يدخل ناس كبار من
العيلة يتدخلوا. قعدت مع الحج منصور كبير عيلته، اللي قالي يا بنتي معلش، ده جوزك وده ابنك برضه، والست الأصيلة بتستحمل عشان المركب تمشي.
بصيت له بكل احترام وقلت له يا حاج، المركب اللي تمشي على