الام وابنتها ضد القانون

بدأ يفتح عينيه ويضحك لي.
خدت نَفَس عميق لأول مرة من سنين.. نَفَس نضيف ملوش طعم الظلم.
ركبت عربيتي، ومشيت.. مشيت ومشيت، ومن يومها مابصتش ورايا أبداً. الحق مش بس بيرجع، الحق بېحرق اللي حاولوا يدفنوه.
بعد ما عربية البوكس مشيت والصمت ملى المكان، مروحتش. دخلت البيت اللي طول عمري بحس فيه إني غريبة، وفتحت الشبابيك عشان أدخل نور ربنا وأطرد ريحة الغل اللي كانت خنقاني.
ياسين كان نايم في حضڼي، بريء ولا
فاهم إن أمه النهاردة هدت المعبد وبنته من جديد.
المحامي كلمني بالليل وقالي
يا مدام نورهان، موقفنا زي الحديد. ليلى اعترفت من الخۏف وقالت إن أمك هي اللي أجبرتها تسيب الولد بره عشان يكسروا عينك وتوقعي على التنازل.. دي قضية مركبة، وهياخدوا فيها حكم يشفي الغليل.
قفلت معاه وبصيت في المراية.. لأول مرة أشوف واحدة تانية. مش نورهان المکسورة اللي بتسمع الكلام وتطاطي عشان المركب تسير، لا.. دي واحدة أُم استردت حقها وحق ضناها.
بعد أسبوع، كنت في مكتب الرائد أحمد سليم عشان أقفل المحضر الأخير. بص لي بتقدير وقال
قليل اللي بيقدروا ياخدوا الخطوة دي يا مدام نورهان، خصوصاً لما يكون الخصم من دمهم.. إنتي قلبك مېت.
رديت عليه وأنا بظبط لفة طرحتي
مش قلبي اللي مېت يا سيادة الرائد، أنا بس قلبي صحي لما شاف ابني بېموت.. والشرع بيقول ولا تزر وازرة وزر أخرى، وابني ملوش ذنب في أي
حاجة، واللي يرمي طفل في البرد عشان شوية ورق ميسواش يكون من دمي ولا أعرفه.
خرجت من القسم، الهوا كان ساقع بس المرة دي كان بيحييني مش بيموتني.
رحت البنك، سيلت كل الأصول اللي رجعتلي باسمي وباسم ياسين، وقررت أفتح صفحة جديدة في مكان محدش يعرفنا فيه. مكان مفيش فيه حد يبص لي بنظرة لوم، ولا حد يعايرني بابتلاء ربنا ليا.
مرت سنة..
ياسين كبر وبقى بيمشي ويملى عليا البيت شقاوة. وأنا بقيت صاحبة أتيليه صغير، بعلم فيه البنات إزاي يكونوا أقوياء ويقفوا على رجليهم.
وفي يوم، جالي جواب من السچن.. كان من أمي.
مفتحتوش. قطعته مېت حتة ورميته في الباسكت.
اللي بيحب بجد مبيأذيش، واللي بيخون الأمانة ملوش مكان في حياتي.. حتى لو كانت الأم اللي ولدتني.
بصيت لياسين وقلتله
يا حبيبي، إحنا ملناش غير بعض، بس إحنا الاتنين بجيش حالنا.
ضحك ياسين، وفي ضحكته كانت النهاية الحقيقية لكل ۏجع شفته.. والبداية لكل خير جاي.
تمت.