زينة .. أنا بحبِك تتجوزيني؟

أي رد فعل .. فتحت عيني بالراحه ملقتوش قدامي ! بصيت حواليا لقيته واقف مع صحابه وبيضحك .. قلبي وجعني من الموقف وإضايقت بس محاولتش أبين حاجه وإتعاملت عادي لحد ما الفرح خلص طلعنا شقتنا كان قاعد ع الكنبة فقعدت جنبه
زين ! أنت كويس 
إبتسمكويس 
كنت بفرك ف إيدي بتوتر وببص ع إيده .. قربت إيدي من إيده بالراحه لحد ما مسكت إيده وإبتسمت كأني عملت إنجاز
تعرف إني بحبك من زمان أوي يا زين كنت بتمني دايما اليوم إلي هتبقي ليا فيه وهتكتب ع إسمك وهنتشارك حياتنا مع بعض لما قولتلي إنك بتحبني مكنتش قادرة أصدق علشان عمري ما شفت حبك ليا في عيونك .. بس لما عرفت إنك بتحبني كانت أحلي حاجه في حياتي أنا بحبك أوي يا زين 
كنت بتكلم وأنا باصة في عيونه .. تعابيره كانت بارده ومتغيرتش بعد كلامي لقيته فجأه سحب إيده من تحت إيدي جامد ودخل الأوضة وقفل الباب يعني إيه دا ! حسيت وقتها إن فرحتي إتكسرت وقلبي وجعني وأسعد يوم في حياتي إتحول لۏجع كبير .. هو زين ممكن ميكونش بيحبني ويكون مڠصوب عليا الفكرة لوحدها كانت ۏجعاني .. إحساس الرفض إلي حسيته من الموقف وجعني سندت جسمي ع الكنبه وأنا بعيط .. بعيط ع نفسي وع كرامتي لحد ما نمت مكاني شعاع الشمس جه ع وشي من الشباك ففتحت عيني بالراحه وأنا بحاول أستوعب أنا فين ! عيني كانت شبه مقفوله بسبب العييط جسمي كله كان وجعني من نومة الكنبة .. إتحاملت ع نفسي وقمت بصيت ع بابا أوضته كان لسه مقفول إتنهدت بتعب ودخلت غسلت وشي وقعدت ع الكنبة أستناه يصحي علشان أغير الفستان قعدت كتير وأنا بفكر في سبب تغيره .. مش هو إلي قالي إنه بيحبني ! هو إلي طلبني للجواز ! قطع تفكيري صوت فتح الباب فجريت بسرعه ووقفت قدامه
ممكن أعرف في إيه
مفيش 
يعني إيه مفيش إلي عملته إمبارح دا طبيعي يعني ! زين أنا غلطت معاك ف حاجه
بصلي ببرودلا 
صارحني .. أنت مڠصوب ع الجوازه دي
إتعصبمحدش يقدر يغصبني ع حاجه وأنت عارفه دا كويس ! 
لا يا زين .. إلي أعرفه إن زين ممكن ييجي ع نفسه علشان إلي بيحبهم يعني ممكن تكون إتجوزتني بطلب من حد صارحني ومتخبيش عليا وأنا هستحمل الحقيقه والله بس مش هقدر أستحمل إني أحس إنك مش عايزاني ! مش هقدر أستحمل الۏجع ولا الإحساس دا !
قولتلك محدش غصبني ع حاجه وإقفلي كلام في الموضوع دا 
زعقتلا مش هقفل .. من حقي أعرف إيه المشكله ! وليه كل دا بيحصل ! 
نبرتي هدت وحطيت إيدي ع خده ودموعي نزلتزين أنا بحبك ومحبتش في حياتي أدك .. متوجعنيش متجرحنيش في كرامتي ولا تجرحني ف حبك علشان متقسيش قلبي عليك 
فجأه مسك إيدي فإبتسمت وقولت أكيد عرف غلطه .. إتصدمت لما مسكها وزقها لبعيد وزقني أنا كمان ودخل الحمام وقفل الباب ! وقفت مكاني مصدومه .. ليه كل دا بيحصل أنا مش فاهمه حاجه ! الدنيا كانت بتلف بيا ... الأوضة كانت بتدور حواليا وعيوني بتقفل ومحستش بحاجه بعد كده ... فتحت عيني بالراحه وأنا حاسه بإيده ماسكه إيدي .. بصيتله بۏجع .. ماهو السبب في حالتي هو السبب في ۏجع قلبي .. حاولت أسحب إيدي من بين إيديه بس مسكها جامد
أنا آسف سامحيني .. أنا بحبك والله .. أنا ...
قاطعت كلامهخلاص يا زين محصلش حاجه
إبتسم وساب إيدي وأنا قومت غيرت فستاني ولبست عباية بيتي علشان لما عيلتنا تيجي بعد شوية جرس البيت رن فقمت فتحت .. كان ماما وبابا وعمي وامراة عمي .. سلمت عليهم وبعدين زين جه وسلم عليهم ماما حطتلنا الأكل ع السفرة وقعدوا شويه ومشوا
زين .. يلا علشان ناكل 
تمام 
إبتسمتإيه دا .. ماما عملالك الحمام إلي بتحبه تعرفي إني حبيت الحمام بسببك .. حبيته علشان أنت بتحبه 
بصلي بضيقمعتش بحبه .. أنا هاكل فطير 
بس أنت مبتحبوش !
حبيته 
إستغربت من رد فعله .. زين مكنش بيطيق حاجه إسمها فطير إزاي حبه كده فجأه ! بس عادي الأكل أذواق وممكن هو داقه وحبه .. كلنا ودخلت الأطباق جوا .. خرجت من المطبخ قعدت ع الكنبه جنبه ولقيت جايلي رسايل ع الواتس .. كان صاحبتي بعتالي الصور إلي صورتهالنا في كتب الكتاب والفرح .. إبتسمت وأنا شايفه الفرحة ع وشنا .. بس ليه الفرحة إتبدلت لحزن كده .. ليه الدنيا إتغيرت فجأه كده وكإني إتجوزت حد معرفوش !
إيتسمت بحماسبص يا زين .. صور فرحنا صور أحلي يوم في حياتي .. اليوم إلي بقيت فيه حرم الأستاذ زين الألفي .. أحلي زوج ف الدنيا 
بص للصور بعدم إهتمامحلوين 
إحنا البنات بنتوجع من النظرة باردة ومن الكلمة الباردة .. بنكره المشاعر البارده بنكره إن حماسنا يتقابل ببرود وإن