رواية الخطيئه الاولي كامله

برضو  
لا دا بيتشرب منه مرة واحدة بس الواين دا اسمه لعڼة الحب اشربي يا مديحة وقوليلي فكرتي في اللي قولتلك عليه 
فكرت بس .. صعب صعب أوي
وأنا مقدرة صعوبته يا مديحة وعشان كدا انتي الوحيدة اللي اديتك اوبشن التفكير بس برضو للصبر حدود 
أنا عارفة بس انا عمري ما اتخيلت اعمل كدا 
طب ما انتي بتسرقي جوزك يا مديحة الصفقات اللي بتعمليها من ورا ضهره دي ايه والشركات اللي كتبها باسمك عشان الضرايب وانتي مقلبة ارباحها اول باول ومحولاها على حسابك في البنك 
الحكاية مش كدا بالظبط بس انتي عارفة اني مبقيتش صغيرة 
قومي اقفي 
حاضر 
اقلعي هدومك
حاضر 
لا لا مش البالطو كله 
أمرك
لفي .. عظيم تقدري تقعدي لا لا متلبسيش هدومك دلوقتي انتي حلوة يا مديحة محافظة على جمالك ورشاقتك هتعجبيه أوي أنا عارفة اخويا كويس ..
انتي عارفة منتصر أصغر مني بكام سنة عشرين سنة دا أبني 
دي حاجة في صفك كل راجل بيحتاج لست اكبر منه في التجربة والحكمة دا بيحسسه بالأمان اكتر كل راجل تقريبا بيدور على عشيقة وأم في نفس الوقت وانتي هتدخليله من شباك أنا فتحته جواه بإيدي 
شباك ايه 
حقده على عاصم اوطى حتة في النفس البشرية مش هيلاقي طريقة يثبت بيها لنفسه تفوقه على أخوه اكتر من إنه يشاركه في مراته ..
يتبع
الحادى عشر
في شقة نهلة 
منال حمدلا على السلامة يا حبيبتي مبروك البراءة 
دي مش براءة يا نهلة أنا خارجة بكفالة ولسه التحقيق شغال 
متقلقيش انا مش هسيبك 
مصطفى رجع من السفر يا نهلة وعرف اني متهمة في قتل فؤاد الشيمي
طب وإيه يعني متهمة ظلم والمحكمة هتثبت براءتك
ازاي بس حتى عاصم اللي كنت معتمدة انه هيخرجني من القضية دي طلع هو اللي ورا كل حاجة حصلتلي
أولا دي غلطتي أنا أنا اللي استعنت بعاصم على اعتبار أنه محامي كبير وعلاقاته واسعه بالناس اللي فوق واللي تحت وروحت طلبت منه واحد معدم وظروفه المادية واقعة عشان فيه واحدة من زباين عيادتي جوزها مبيخلفش ومفيش قدامها حل غير أنها تستعين براجل مجهول مرة واحدة بس وتحمل منه مجيبتلوش سيرتك طبعا لكن عاصم كان ديب فضل ينخرب ورانا وقدر يوصل لفؤاد ويقدمه ليا على أنه الراجل دا واتفق معاه من ورانا ان كل حاجة تحصل بعلمه كان عايز يبتزك انتي ومصطفى بالصور 
طب ما الكلام دا معناه يا نهلة ان لسه الخطړ موجود حتى لو خرجت من القضية عاصم مش هيسيبني في حالي أنا مش فاهمة ليه عاصم بيعمل معايه كدا أنا عمري ما أذيته
عاصم عينه على الشركة اللي ابوكي كتبها زمان باسم مصطفى جوزك ايام التأميم والحراسات شايف ان الشركة دي من حقه 
ياخدها يا نهلة أنا مش عايزة شركات بس يسيبني في حالي 
متبقيش عبيطة شركة ايه اللي ياخدها عاصم مش هياخد منك حاجة سيبهولي أنا عاصم باللي عمله معاكي دا دق أول مسمار في نعشه وهو اللي ابتدى بالشړ والبادي أظلم خديلك كاس من الواين دا الأول وبعدين نكمل كلامنا دا صنف مستورد هيعجبك اوي اسمه الخطيئة الأولى ..
طعمه غريب زي اسمه 
ركزي بقى معايه في اللي هقوله دا كويس اوي عشان دي فرصتك الوحيدة في الخروج من الأزمة دي كلها فيه حرب شرسة دلوقتي دايرة بين عاصم ومنتصر أخواتك على الانتخابات من مصلحتك دلوقتي تنضمي لفريق منتصر هو اللي هيساعدك تخلصي من عاصم وأنا كمان معاكو كدا عاصم بقى لوحده واوعدك كل حاجة هتخلص قريب أوي بس انتي تمشي ورايا وتعملي كل اللي هقولك عليه وانتي مغمضة اتفقنا يا منال 
أنا من ايدك دي لايدك دي يا نهلة بس خلصيني من اللي أنا فيه دا أرجوكي
متقلقيش يالا دلوقتي روحي بيتك ومصطفى انتي هتعرفي تكسبيه في صفك اتمسكي قدامه بالكلام اللي قلتيه في النيابة وحاولي تلعبي بكارت البيبي اللي هتجيبهوله دا كارت كسبان وبكرا الصبح هنروح أنا وانتي الشهر العقاري نلغي التوكيل اللي عملتيه لعاصم وهنعمل توكيل لمحامي تاني صاحبي محامي شاطر اوي وهيعرف يخرجك من القضية دي ويردلك اعتبارك قدام جوزك كمان مش عايزاكي تخافي من حاجة 
اوكيه يا نهلة
تخرج منال وبعد قليل تدخل مديحة 
طمنيني
كل حاجة ماشية زي ما انتي خططتي بالظبط بقيت بقابل منتصر دلوقتي بشكل منتظم والحبوب اللي انتي اديتيهالي كمان بقيت احطهاله في الاكل أو العصير 
بياخد الحبوب دي بقاله قد ايه 
3 أسابيع دلوقتي 
عظيم محتاجاكي تكملي لمدة 3 أسابيع زيهم وبعد كدا تستني مني اوردر
أنا خاېفة نكون بنضر منتصر كدا
مش شغلك منتصر دا اخويا وانتي مش هتخافي عليه اكتر مني بس أنا في الأول وفي الآخر بعمل