رواية الخطيئه الاولي كامله

كل دا لمصلحتك انتي وجوزك وولادك منتصر ناوي ېخرب بيت جوزك صدقيني انتي اكتر حد مستفيد من اللي أنا بعمله ..
بعد مرور خمسة أشهر 
في فيلا منتصر بالزمالك 
ألف ألف مبروك يا منتصر 
بتباركيلي على ايه يا نهلة على الخسارة عاصم كسب في الانتخابات الكرسي ضاع 
يا راجل متقولش الكلام دا هو مش دا كان اتفاقنا برضو  
وانتي هتعملي ايه دلوقتي أنا نفذت اللي انتي قلتيه بالحرف يا نهلة سيبت عاصم يكسب الانتخابات وخسړت قدامه بفرق 15000 صوت بحالهم 
عظيم قولي يا منتصر فيه حد غيرك انت وعاصم كان مترشح للانتخابات عن الدايرة دي 
انتي عارفة ان ابوكي طول عمره محزم الانتخابات كويس اوي مفيش غير كام مرشح صوري كدا احنا اللي حاطينهم عشان النزاهة والشفافية والكلام دا بس دول يعني مبياخدوش اكتر من أصواتهم ..
هايل متخرجش النهارده بالليل واقعد جنب التليفون استنى مني مكالمة مهمة هتسمع أخبار كويسة النهارده
في المساء 
كدا اقدر اقولك رسميا .. مبروك يا سيادة النائب الشرعي للدايرة 
ايه اللي حصل يا نهلة أنا مش فاهم حاجة 
[[system-code:ad:autoads]]السيد النائب المحترم عاصم البنداري اتقبض عليه من ساعتين بس في مكتبه والتهم كتيرة اوي بشكل مبدأي كدا لقيوا في حيازته قطعة أثرية تعود للعصر الروماني كانت مسروقة من المتحف المصري وفيه بقى ورق وتسجيلات تثبت تورطه في قضايا كتير رشاوي وعمولات وسمسرة متعدش الظاهر ان كان فيه حد ابن حرام زارع ميكروفونات في مكتب عاصم وفي شقة العجوزة بتاعته اللي بيعمل فيها مقابلاته المشپوهة ..
حد ابن حرام والله ما فيه حد ابن حرام غيرك دا انتي بنت جنية ازاي عملتي كل دا
مش شغلك المهم دلوقتي أنت موقفك النيابي هيكون كالآتي بما أن نائب الدايرة متهم في عدة قضايا هتسقط عنه الحصانة البرلمانية وتطرده من المجلس تؤول عضوية المجلس إلى المرشح صاحب عدد الأصوات الأكثر اللي هو حضرتك طبعا مبروك يا منتصر خلصت من عاصم للابد بس فيه حاجة عايزة اقولك عليها اعتبرها نصيحة من أختك اللي بتحبك ..
اقطع علاقتك بمديحة مراة عاصم وبطل المخډرات اللي ادمنتها على آخر الزمن دي لازم تخاف على اسمك اكتر من كدا ..
في السچن 
عاصم أنا عارفة كويس ايه اللي ممكن يدور في خيالك دلوقتي وعشان كدا أنا جاية ابرأ نفسي قصادك أنا ماليش دخل بكل اللي حصلك دا يا عاصم 
أنا مش هرحمك يا نهلة اوعي تكوني فاكرة عضمي طري زي منال لااااا تبقي لسه معرفتيش عاصم أنا اقدر اهد الدنيا فوق دماغك وأنا هنا في السچن 
اسمعني يا عاصم أنا ماليش دخل باللي حصلك انت ليك حق متثقش فيا بس اسأل نفسك أنا ممكن اعمل كل دا ازاي 
امال هيكون مين اللي عمل كدا 
منال خاڤت لتتغدا بيها حبت تفطر هي بيك الأول حطت ايدها في ايد منتصر ووقعوك ابعت حد من طرفك البيت عند منتصر دلوقتي هتلاقيها هناك بتحتفل
ومنال ازاي وصلت لكل المعلومات دي أنا اتزرعلي ميكروفونات في بيتي ومكتبي
لا دي مش منال 
امال مين 
مديحة .. مراتك 
يتبع.....
قبل الاخيره
مديحة مراتي ازاي يعني انتي بدأتي تخرفي يا نهلة وللا بتقولي اي كلام تنقذي بيه رقبتك 
نهلة عمرها ما كانت بتقول أي كلام فوق لنفسك يا متر مراتك مرافقة أخوك وهي اللي كانت بتسجلك وهي اللي وقعتك الصور دي اتصورت في أوضة نوم منتصر شوف مين اللي قاعده على رجله دي يمكن تكون بتشبه عليها ولا حاجة مراتك رفعت عليك قضية حجر يا أستاذ هي وولادك وقالوا انك سفيه وبتبدد ثروتك في كلام فارغ وصفقات مشپوهة واستعانوا بناس كتير من اللي انت وزعت عليهم فلوس في الانتخابات وانت محامي وفاهم كويس اوي القضايا اللي انت متهم فيها دي هتخلي موقفك عامل ازاي في قضية الحجر انت انتهيت يا أستاذ عاصم واللي خلصوا عليك هما أقرب ناس ليك ولادك وأخواتك ومراتك بس متخافش الحل عندي وعندي أنا بس 
ودي هتحليها ازاي يا نهلة  
دا شغلي مش شغلك أنت وهتعرف كل حاجة في الزيارة الجاية سلام يا متر ..
في شقة نهلة 
أنا مش فاهم ايه الصور الغريبة اللي على الحيطان عندك دي ليه كلها سواد ودم 
أصلي غاوية فن تشكيلي
وهو الفن التشكيلي مفيهوش غير المناظر الدموية دي 
وانت ليه محسسني انك كمنجاتي دا أنت سفاح يا مجدي انت كنت أشهر ظابط في الستينات ماټ على ايده مساجين من كتر الټعذيب 
إشاعات والله يا نهلة انتي عارفة الصحافة في بلدنا بتحب التهويل
إشاعات برضو طب واللي عملته في فؤاد الشيمي أظن دا بقى واقع أنا شخصيا شوفته واتعاملت معاه 
الله جرى ايه يا نهلة انتي قلبك هيحن