سكريبت رووووعه

كده 
_هو اه يعني عادي وانا مش بركز في الشكل أوي
طيب ايه صفاته يعني لمه بتتكلموا بتحكوا ف ايه
_في حاجات كتير يعني هو دمه خفيف و كمان بيحب الشعر زيي و بيقولهولي علي طول 
تمام انا كده خلصت كلام عندك حاجه عايزة تقوليها 
_لا خلاص شكرا 
ابتسمت _العفو متنسيش تسلميلي علي مصطفي 
_ان شاء الله
أول خطوة في العلاج هو الاعتراف انه موجود وده هيخليها تتشوش
___________________________________
سلمي 
بعد ما روحت اتخانقت مع نور خناقة كبيرة و كالعادة بابا وقف ف صفها هي ف كنت متضايقه مصطفي اتصل
بقي كده تطنشيني اليوم كله
_معلش والله بس اتعاركت مع اختي عركة كبيرة 
ليه كده ايه اللي حصل 
_تخيل ودتني عند دكتور نفسي 
و عند النقطه دي تحديدا استغربت نفسي و ابتسمت لذكري الدكتور قد ايه كان هادي و شكله حلو اوي بالنضارة و مريح جدا في التعامل زي مصطفي كده
_مصطفي
معاكى 
_تفتكر ليه ودتني ل دكتور
يمكن عشان في حاجة مش طبيعية 
_زي ايه
زي كلامي معاكي
_مش فاهمة يعني ايه حتي انت بعد ما لقيتك حتسبني زيهم 
بس انا مش هسيبك طول ما انتي عايزة ده
_ايوة متسبنيش انا محتاجة ونس
هتلاقيه صدقيني هتلاقيه 
مفهمتش كلمته يقصد بيها ايه تحديدا بس مركزتش كتير و عدي أسبوع متكلمتش فيه معاه زي الأول مش عارفة ليه مش مرتاحة بس مهتمش و جه معاد الجلسة التانية
مازنيادي النور يادي النور أستاذة سلمي
_هو انا ليه حاسة اني رايحة قهوة بلدي مش عيادة دكتور نفسي لا
ضحك أنا مش بحب الرسميات و بحب الناس و بحب شغلي بشكل عام المهم انتي عاملة ايه دلوقتي
_بخير الحمد لله
و اخبار مصطفي
وهنا انا بدأت احس اني مش مرتاحة و _اه تمام
مالك انتي كويسة
_اه بس في حاجه غريبة من ساعة ما جيتلك
حاسة اكن راسك تقيلة و مصدعة و علاقتك بمصطفي مبقتش زي الأول
_اه بالظبط
ده عشان عقلك الباطن بدأ يستوعب انك رحتي لدكتور نفسي و بتبدأي تلتزمي
_ايوة بس ده ايه علاقته بمصطفي
قوليلي يا سلمي لو حبيت افكر معاكي بصوت عالي شوية تسمحيلي
_اتفضل 
يزيد فضلك انتي قولتي انك قابلتيه في الكافيه اللي بتحبي تروحي عليه و بعدين في الكلية اللي مقولتلهوش انك فيها و ف فرح جارتك اللي برده اتفاجئتي بيه هناك مش غريبة 
_اممم يمكن صدفة 
طيب و صدفة برده انه يكون بيحب الشعر اللي انتي حافظاه و بيضحكك لأنك بتنامي أوقات كتير متنكدة
_يعني عايز تقول ايه يا دكتور 
انتي مش تعبانة يا سلمي و حالتك مش صعبة للدرجة كل مافي الموضوع إنك متحملة فوق طاقتك ف عقلك بيحاول يهرب من الضغط ده بحاجة تغيرله موده 
_مش فاهمة برده
العقل البشري ذكي جدا و ربنا خالقه عشان يحافظ علي بقاء الإنسان ف لمه بنرهقه زيادة عن اللزوم هو بيلاقي طريقة يخفف بيها عن نفسه زي انه يخترع حاجة مش موجودة
بدأت ادمع_يعني يعني مصطفي مش موجود 
موجود جوه عقلك انتي بس إنما مش في الحقيقة 
_بس انا عايزاه ولو هو مرض ف انا مش عايزة اتعالج
أنا مش بحب كلمة مرض دي لأن كل شئ وله سبب و له علاج
ولو أنتي مش حابة يبقي مقدرش اساعدك 
_طيب عن اذنك 
اتفضلي 
مشيت لحد الباب و انا بفكر يعني مصطفي شخصية وهمية اخترعتها طب انا عايزة اتعالج فعلا ولا لا
جه معاد الجلسة اللي وراها و مرحتش لأني فعلا مش عايزة 
مصطفي الظاهر كده إنك مقدرتيش تقاومي سحر وجودي ف مش عايزاني امشي
_انا فعلا خاېفة ارجع لوحدي تاني
مش عايز اصدمك بس انتي لوحدك بالفعل انا مجرد صوت جواكي
الخطوة التانية في العلاج إننا نبقي من جوانا عايزين نتحسن محدش هيقدر يساعدك طول ما انتي مش عايزه تمدي ايدك
_و لمه انت تمشي انا هكمل حياتي ازاي 
الحياة عمرها ما بتقف علي حد و اه اقولك سر 
_قول
الدكتور ده شكله شاطر ادي لنفسك فرصة إنك تبقي أحسن 
اتنهدت_حاضر
و ف الجلسة اللي بعديها رحت
مازنده القمر نزل من السما عشان يقعد معايا انهاردة 
ابتسمت بتكلف
ف ضحك بإحراجاعذريني مع اني صغير ف السن بس دمي مش خفيف أوي من اللي بشوفه ف شغلي تحبي نتابع جلستنا ف مكان تاني بره العيادة 
رحنا كافيه جمب العيادة أول مرة اروحه و الظاهر ان ذوقه حلو
ها بقي اخبارنا ايه انهاردة 
_مكدبش عليك مفيش جديد ف حياتى وك كالعادة مش