سكريبت رووووعه

مبسوطه 
كلميني عن علاقتك بعيلتك
حزنت لمجرد التفكير بس قولت _والدي كان متجوز والدتي اللي أهله اجبروه عليها ف دايما كان شايفني غلطة لحد ما اتجوز تاني و كان بيحبها جدا و جاب منها نور اللي بقت كل حاجة ف حياته و انا مجرد صفر علي الشمال وجودي او عدمه مش هيفرق كتير 
أما بقي نور ف هي بتمثل انها بتحبني بس انا عارفة و حاسة بكرهها ليا عشان انا من أم تانية هي طول عمرها عندها داء التملك ده مرة وأنا صغيرة وقعت من الدور التاني ف بابا اهتم بيا قامت راحت رمت نفسها هي كمان لمجرد ان بابا يبقي ليها هي بس و طبعا لانه بيحبها اكتر مهتمش ليا و بقي جمبها علي طول 
الظاهر كده ان نور كمان المفروض تجيلي بس انا هقولك علي حاجه انتي مش واخدة بالك منها 
انتي عندك أب و أخت حتي و هم مش بيحبوكي غيرك يتيم عندك بيت غيرك في الشارع بتدرسي غيرك مش عارف يكمل يومه وهو شبعان و قيسي علي ده كل حاجة في حياتك
مشكلتنا اننا بنركز علي اللي بيضايقنا و ناقصنا و بس و مش بنبص علي النعم التانية لمجرد انها موجودة عارفة أول ما تروح بنحزن أكتر 
انتي شايفة إن علاقتك بيهم مش هتتحسن يبقي نشوف حلول تانية أختك مش عايزاكي تشاركيها ف باباكي يبقي روحي قضي آخر سنة ليكي في الكلية ف سكن للطالبات ساعات الهجران بيخلينا نكتشف قد ايه احنا بنحب
وفعلا قضيت سنة كاملة بعيدة عنهم مكنش في غير مكالمات كل فترة و التانية حسيت فيهم بنبرة اشتياق ف صوت أبويا و الأغرب نور و طبعا مازن كان بيكلمني دايما لدرجة اننا بقينا أصدقاء مقربين
و لمه رجعت 
باباوحشتيني يا بنت أبوكي مكنتش متخيل إن سنة هتعمل فيا كل ده سامحيني يا بنتي 
نور بدموع في عينيها أنا أسفة يا سلمي مش هزعلك تاني والله
حضنا بعض في مشهد عائلي مليان دموع وحب و أخيرا.... ونس كنت مفتقداه من زمان 
لمه موبايلي رن 
مازن خلصتي دراسة و عارفين بعض بقالنا فترة مش يلا بينا علي الخطوة الجاية حضري حالك الخميس الجاي جايلكم أشرب شاي 
_مش كانت قهوة
لا لا الشاي أحلي.
و نظن أنها نهاية العالم و ماهي إلا البداية! 
تمت
روان_حسن