رواية موضوع عائلي الجزء الثاني البارت 14بقلم رحاب القاضي

من قربه منها ومن تصرفاته اللي ديما بتخليها تضعف قدامه وقالت بخجل..
شهد 
انت مش متربي اصلا اوعي يا يونس واصلا هنزل وهروح لوحدي..
ضحك يونس ورجع ساق العربيه وقالها 
ههههه اتنيلي يا شهد عشان انتي لا اتغيرتي ولا حاجه ولسه زي ما انتي وهتفضلي بتاعتي وليا لوحدي حتي لو عملتي ايه...
ادايقت من نبرته الواثقه وقالت بتحدي
مااشي يا يونس هنشوف..
_ وجات الظروف في صالحها لما رن عليها عدي جوز هاجر فابتسمت بخبث وردت عليم وقالت..
شهد 
الو ازيك يا عدي عامل ايه..
_بصلها يونس پغضب وهو سايق العربيه وهي ضحكت وقالت...
شهد 
ههههه والله وانتو كمان كلكم وحشتوني اووي..
وقف يونس العربيه للمره التانيه وحط ايده علي خده وبصلها پغضب وعصبيه وهي حاولت تداري قلقها منه وقالت..
شهد 
ماشي تمام الاسبوع الجاي هكون عنده ان شاء الله ماشي مع السلامه وسلملي علي هاجر وحامد..
_ قفلت معاه وبصت ليونس ببرود علي عكس خۏفها وقالت..
شهد 
في حاجه. 
يونس
من امتي بتكلمي الزفت ده..
شهد 
من اا... وانت مالك هو انا كنت بسألك بتكلم مين ولا ما بتكلمش مين وبعدين قولي هنا انا ابني كان فين ومين اللي خطفه..
يونس بضيق
غلطه في الشغل ومش هتتكرر وبعد كده السواق هيكون معاه وتنين حراس هيوصلو الولاد المدرسه ويرجعوهم..
شهد 
طيب يا يونس وصلني بقي ولا انزل اخد تاكسي..
_ ما ردش عليها وساق العربيه وڼار الغيره كانت بتاكله من لما شافها بتكلم عدي ومش عارف بتكلمه ليه...
بقلم_الكاتبه_رحاب_القاضي 
_ وعدي كل يوم علي ابطالنا.. 
كان الحال الاصعب لعمار اللي مش عارف ليه جميله بعدت عنه وعملت بلوك وبطلت تروح الشغل حتي وهي كانت اسوأ منه وهي علي طول قااعده لوحدها لان شهد مشغوله في ولادها وشغلها الجديد اللي بترتب نفسها عشان تقدمله وايتن مشغوله في امتحانتها وفيروز ما فيش بينهم العلاقه القويه انها تحكيلها مشاكلها...
_ وكانت قااعده بتتفرج علي التلفزيون مع مامتها اللي قالتلها....
فريده 
قوليلي يا جميله ايه رئيك في حسين ابن عمك..
جميله بحزن
كويس بس ليه بتسألي..
فريده بهدوء
ابدا اتقدملك من فتره وانا اا..
جميله پحده 
لا طبعا حسين ده اخويا يا ماما وانا مش عايزه اتجوز اصلا..
فريده پحده 
انا بقول خلينا نتكلم في الموضوع ده وقت تاني..
_وبعد شويه الباب خبط وجميله كانت سرحانه في موبيلها وهي بتتفرج علي صورها مع عمار لما كانو في شرم والفيديو اللي اعترفلها فيه بحبه هو احتفظ بيه رغم ان اخره بااظ وكانت عيونها كلها دموع...
فريده پحده 
جميله انتي اطرشتي..
جميله 
نعمم في ايه هو انا مش هعرف حتي احزن مع نفسي..
فريده 
روحي شوفي مين بيخبط وابقي ادخلي احزني في اوضتك يا تافهه..
_ قامت جميله وفتحت الباب وهي مدايقه. واټصدمت لما لقيت عمار واقف قدامها وهو مدايق جدا..
جميله پخوف
انت ايه اللي جابك هنا وجاي تعمل ايه..
عمار پغضب 
ليه بعدتي عني كده انا عملتلك ايه...
فريده من جوه 
مين عندك يا جميله...
بصت جميله لعمار پخوف وهو قال....
_ تفتكرو هيحصل ايه...
بقلم_الكاتبه_رحاب_القاضي 
عند جهاد.. 
كانت قااعده في صالة بيت نورا اللي كانت نايمه في اوضتها وهي قاعده لوحدها قدام التلفزيون وماسكه في ايدها اول صوره لجنينها اللي لسه عمره اقل من شهرين..
ابتسمت بدموع وقالت
انا مش عارفه انا هربيك لوحدي ازاي ومش عارفه اني اجيبك للدنيا دي هكون بظلمك ولا لا بس اما مبسوطه انك معايا دلوقتي واننا روح واحده...
_ وفضلت باصه للصوره بدموع من اول ما رجعت من عند الدكتور وهي مش عارفه تبطل عياط وجواها مليون احساس بس اكترهم الخۏف اللي بقي مالي حياتها مؤخرا...
_وفجأه قامت وراحت اوضتها وغيرت هدومها وطلعت بره البيت