رواية موضوع عائلي بيت الهنا الجزء الثالث البارت 10بقلم رحاب القاضي

مش قالت انها هتبات هنا النهارده راحت فين..
روفان بغيظ 
ما انتي اخدتي عبدالله ومشيتي والبيت ۏلع بعد كده..
روان بقلق
ۏلع ازاي في ايه يا رضوي..
رضوي بدموع
بابا وطارق اټخانقو وطارق ساب البيت وحالف انه يساقر النهارده..
روان پخوف 
ليه كده طيب ويسافر النهارده ازاي..
رضوي 
بابا بصراحه زودهم اووي معاه هو ايوه الولد وبابا عايز يشد عليه بس مش بالطريقه دي برضو..
روان بدموع
تصدقي ان ده اكتر وقت محتاجه فيه طارق ياريت ما فيش المشاكل دي كلها معاه كنت هقدر اتكلم معاه واشيله همي كان هيفهمني اكتر من بابا..
طلعت ليلي في الوقت ده من المطبخ وقالت پحده 
في ايه يا بت انتي منك ليها بقي ابوكم وحش دلوقتي..
روان 
يعني مش شايفه اللي بيعمله مع طارق يا ماما..
ليلي 
عادي اي اب وابنه بينخانقو وهو مش قايد عليه پالنار يعني عشان تتكلمو عليه بالطريقه دي ولو انتو بتحبو طارق قراط فابوكم بيحبو اربعه وعشرين..
رضوي
يا ماما احنا اا..
ليلي پحده 
بلا يا ماما بلا زفت اتنيلو كملو باقي تنضيف المطبخ انا حيلي اتهد وعايزه انام واول واخر مره اسمعكم بتتكلمو عن ابوكم كده انتو فاهمين ولا لا..
رضوي 
انا اسفه يا ماما ووالله ما كنت اقصد حاجه وحشه علي بابا..
روان
انا داخله انام انا عروسه ومش هعمل حاجه هو فين طارق دلوقتي..
روفان 
راح مع ريناد وسيف عشان يتكلمو معاه ويهدي وما رضيوش ياخدوني معاهم..
ليلي پحده
انتي ايه اللي مصحيكي يا مقصوفة الرقبه منك ليها وتيجو الصبح تطلعو عيني عشان تصحو للمدرسه اتنيلو غورو نامو يلااا..
بقلم_الكاتبه_رحاب_القاضي 
_وتاني يوم الصبح في بيت سيف وريناد طلعت من اوضتها ولقيت طارق قاعد في الصاله ومدايق جدا راحت ريناد وقعدت جنبيه وقالت..
ريناد
ما نمتش ليه..
طارق
نمت عادي يا ريناد..
ريناد
ما هو باين علي عينيك ليه بتعمل كده يا طارق.
طارق بدموع
انا عملت ايه هو حرام اتكلم حرام احلم بحاجه وابقي عايز احققها انا ليا احلامي مش مفروض علية اعيش عشان احقق احلامكم انتو وفي الاخر ابقي في نظر ابوكي فاشل..
ريناد
سيبك من بابا خالص انت ناجح وكلنا عارفين انك ناجح ونجحت في اختيار بابا ليك وبقيت دكتور جامعي ومتفوق كمان عايز تحقق حلمك في حاجه تانيه ما تحققه هنا ليه تسيبنا وتسافر يا طارق والله كلنا هنا محتاجينلك انت بالنسبالنا انا واخواتك اب تاني قبل ما تبقي اخ لينا..
طارق
والبلد دي. حد. هيعرف يحقق فيها حلمه يا ريناد انا كل حاجه هنا مش. عجباني شايفه الحړب اللي حوالينا دي في غزه ولبنان ومعظم الدول العربيهاحنا هنا في حرب اكبر منها...
ريناد 
فين بس ما احنا اهو في امان والدنيا تمام بطل بقي تعلق اعذر علي شمعات دايبه..
طارق بجمود
الحړب مش بس رشاش وقنابل الحړب اللي بتستعمل دلوقتي حرب تخريب أسس و قيم و حضارات و اخلاق و دين كل حاجه ممكن نمسك فيها وسط طوفان الابتذال و القرف اللي عايشينه احنا في اقذر مرحله من حرب الاخلاق يا ريناد كل واحد يحافظ علي اللي باقي من الاخلاق دي وبلدك بقي اللي يمسك بمكارم الاخلاق فيها بتطرده اقعد ليه انا هنا بقي..
ريناد بهدوء
فهمتك بس مش امريكا اللي فيها الاخلاق والمبادئ اللي بتدور عليها طيب اسألك سؤال وترد بصراحه..
طارق بأهتمام 
اسألي ويا اقنعك يا تقنعيني..
ريناد
بيت بابا حسن مش اجمل بيت في الدنيا طبعا بس افتكر كده ضحكة ماما واهتمام بابا وشقاوتنا عليك وهزارنا وخناقتنا وهات اجمل بيت في العالم بس البيت ده هتكون فيه لوحدك هتختار تكون فين..
سكت طارق وريناد قالت بهدوء
قبل كده قرأت مقوله بتقول يهون العمر وانت وحيدا ويكون عزيزا مع احبابك احنا محتاجينلك ومش هقولك اقعد تاني انت اختار وانت حر يا طارق انت مش صغير انت راجل اهو وبتعرف تفكر كويس ودكتور جامعي بتدرس لطلاب والمفروض انك قدوه للاجيال اللي بتدرسلها دي فمش انا اللي هقولك. تعمل ايه...
_سكت طارق وما ردش عليها والباب خبط في الوقت ده وقامت ريناد عشان تفتح فقالها طارق پحده..
طارق
رايحه فين يا بت انتي بمنظرك ده..
ريناد
في ايه طارق مانا قاعده في البيت هلبس ايه يعني..
طارق
هدوم البيت ما حدش غريب يشوفك بيها وسيف بيسيبك تفتحي الباب كده..
ريناد بسخريه
سيف ما بقاش واخد باله من حاجه خالص قوم افتح اللي بيخبط زمانه خلل..
_قام سيف وفتح الباب وكانت عمتهم عليااء اللي دخلت علي طول وحضنت طارق وقالتله..
علياء
ما تزعلش يا قلب عمتك حقك عليا انا..
طارق 
مش زعلان يا عمتي والله بس انتي سيبتي ابويا وجيتي عندي..
علياء
لو ابوك اخويا فانتو كلكم ولادي..
طارق
ربنا يخليكي يا عمتي تعالي اتفضلي..
دخلو جوه وريناد
اهلا وسهلا يا عمتو ايه المفجأه الحلوه دي..
علياء
ما فيش احلي منك يا قلب عمتك بصي بقي انا هقعد معاكي هنا لحد فرح عبدالله انا ماليش في الدوشه اللي هتعملها امك هناك دي..
ريناد 
طيب والله ياريت علي الاقل انا كمان اتحجج انك قاعده عندي وارتاح معاكي هنا من الدوشه بتاعت الفرح اللي هناك دي..
طارق 
طيب صحو سيف وانا هنزل اجيبلكم فطار من تحت وجااي بقالك اد ايه يا لولو ما اكلتيش طعميه..
علياء
لا لا طعميه ايه ادخل يا واد انت انا جايبه هنا سمنه بلدي لاختك وبيض وجبنه من البلد عشان تتغذي كويس هي واللي في بطنها هدخل اجهزلكم انا بأيديا..
طارق 
طيب هي هتتغذي بالاكل ده عشان اللي في بطنها احنا نتغذي معاها ليه..
ضحكت ريناد وعلياء قالت
يا واد بطل لماضه وانتي ادخلي صحي جوزك وانا هجهزلكم الفطار..
ريناد 
حاضر يا عمتي من عينيا..
دخلت ريناد اوضتها وعلياء قالت لطارق
يلا قوم نجهز الفطار..
طارق
لا يا عمتو انا باكل بس..
علياء
يا واد قوم انا مش بقدر اقف في المطبخ لوحدي..
بقلم_الكاتبه_رحاب_القاضي 
_وفي بيت يونس الصاوي وبالاخص في شقة يزن كان واقف في اوضة اللبس وبيلبس هدومه ودخلت عنده سدره وقالت بهدوء..
سدره
انت لسه مصمم تنزل تفطر تحت معاهم..
يزن 
ايوه وياريت تعقلي وتنزلي تفطري معانا..
سدره 
المهم انا عيد ميلادي بعد اسبوع من دلوقتي وكنت عايزه هديه معينه كده..
يزن بسخريه
ومين قالك اني هجيبلك هديه اصلا..
سدره 
ما بهزرش يا يزن انا بجد نفسي في حاجه وانت هتجيبهالي..
قرب منها وقال بهدوء
انا عينيا ليكي نفسك في ايه..
سدره ببراءه مصطنعه
بيت..
يزن 
بيت ايه..
سدره
بيت نعيش فيه انا وانت لوحدنا..
يزن
ليه هو حد هنا دايقك في حاجه..
سدره
ايوه باباك واخوك مدايقني ومش حابه اقعد معاهم في بيت واحد..
يزن بقلق
طيب بابا ومن يوم الفرح وانتي وهو مش متفقين تمام عرفناها مال يوسف بيكي بقي..
تصنعت الحزن وقالت
مم ما فيش بس مش مرتاحه ولا واخده راحتي وهو هنا..
يزن پحده 
هو بيجي هنا اصلا ده من لما اتجوزنا ما طلعش هنا ولا مره..
سدره بغيظ
ما علينا من يوسف انت شايف باباك عمل ايه اصلا راح وجاب مرات ابويا اللي. مدت ايدها عليا وقعدها هنا في البيت وكأنه قاصد يستفزني ولولاك انت انا كنت سيبت البيت ومشيت..
يزن پغضب
يا بنتي دي عمتي ومالهاش غيرنا ومتخانقه مع ابوكي نرميها في الشارع يعني..
سدره بدموع
بتدافع عنها يا يزن ده بدل ما تروح وتهزأها عشان مدت ايدها عليا..
يزن 
وانتي بقي عملتي ايه عشان هي تعمل كده..
سدره بغيظ
انت ليه مش عايز تصدق اني مظلومه..
رد عليها وهو بيسرح شعره قدام المرايه
انا