رواية موضوع عائلي بيت الهنا الجزء الثالث البارت 10بقلم رحاب القاضي

ينسي اللي ليه..
_وقعد علي الارض قدام روز وروفان وقبل ما يقول اي حاجه سابته روان وهي بټعيط ودخلت اوضة حسن اللي رفض حتي يطلع يسلم علي طارق بصلها طارق بحزن وبعدين قال لروز..
طارق 
هتوحشيني يا ملاك البيت..
روز پبكاء
خليك شويه ما تمشيش..
طارق بحزن
مانا هاجي بسرعه يا روز مش هتأخر عليكم المهم ما تعيطيش وما تتخانقيش مع روفان..
روز 
هي اللي بتتخانق معايا والله..
طارق 
في دي معاكي حق بس ناخدها علي قد عقلها معلش وقوليلها علي طول ان طارق بيحبنا اووي وان انتي وهي بناتي مش اخواتي وبس..
ليلي بدموع 
مش هتسلم علي ريناد..
طارق قام وقال
سلمت عليها وعلي عمتي علياء قبل ما اجي اخد الحاجه من هنا..
روان 
طيب وبابا مش هتسلم عليه.
نزبت دموعه ومسحها بسرعه وقال 
ابقو سلمولي عليه يلا مع السلامه..
_واخد الشنط بتاعته ومشي ووقف قدام العماره بتاعتهم تحت قبل ما يركب التاكسي وبص للبيت ودموعه نزلت بحزن والم وبعدين ركب التاكسي اللي اخده ومشي...
_في الوقت ده. طلع حسن من اوضته فبصتله ليلي بحزن وقالت بلوم وعتاب..
ليلي
لو كنت قولتله مره واحده ما تمشيش ابنك ما كانش هيمشي يا حسن...
حسن پحده 
يعني هو انا اللي قولتله يسافر يا ليلي..
ليلي پحده 
ايوه انت طول عمرك بتعامله اقل من اخواته وانا مليون مره اقولك في الحنيه ما تفرقش بين الولد والبنت لان كلنا ولد او بنت كبير او صغير محتاجين للحنيه والكلمه الحلوه وان حد يطيب خاطرنا وما يفرقش بينا وبين حد. تاني في المعامله بس انت عمرك ما سمعتني في الموضوع ده..
رضوي بقلق 
خلاص يا ماما بلاش الكلام ده دلوقتي معلش يا بابا انت عارف هي زعلانه ازاي علي طارق..
_سابهم حسن وطلع بره البيت كله وليلي كانت لسه بټعيط علي طارق..
بقلم_الكاتبه_رحاب_القاضي 
_وبعد شويه في المطار نزل طارق من التاكسي وقبل ما يدخل المطار وقف لما سمع صوت حسن ورااه اللي قاله..
حسن 
استني يا طارق..
بصله طارق بعدم تصديق ونزل حسن بسرعه من عربيته ووقف قدامه وطارق قال بجمود..
طارق
معقوله حضرتك جاي تودعني بنفسك..
حسن بهدوء
لا مش جاي اودعك جاي اقولك ما تمشيش...
طارق بسخريه 
كتر خيرك وشكرا تعبت نفسك بس انا زي ما انت قولت واخد قرار ومش هرجع فيه..
جه بمشي بس حسن مسكه من دراعه جامد وقال
انا محتاجلك وامك واخواتك محتاجينلك اديني اهو بقولك محتاجلك جنبي محتاج لابني معايا مش هقدر علي الحمل ده لوحدي وعايزك معايا..
_سكت طارق وبص للناحيه التانيه بدموع وحسن قال پحده وڠضب..
حسن 
هو انا بشحتك عشان تقعد معانا انا عملتلك ايه عشان تشوفني وحش كده فاكر اني بحب اخواتك اكتر منك تبقي غبي ده انا ما ارتحتش واتنهدت وقولت ربما بيحبني وعايز يريحني في الدنيا غير لما انت اتولدت عمك علي طول كان سايبني ومسافر وما كانش ليا صحاب ولما انت جيت قولت هتبقي صاحبي واخويا قبل ما تبقي ابني ليه بقي عايز تسيبني وتمشي..
طارق بدموع 
انا مش عايز اقعد هنا مش. مرتاح هنا مش هعرف انجح هنا انا اسف انا غلطان في حقك ومش قد ثقتك فيا بس انا لازم امشي..
واخد طارق شنطه ومشي فعلا من قدام حسن اللي موبيله رن برقم رضوي فرد بسرعه وقال..
حسن وهو بيمسح دموعه 
ايوه يا رضوي..
رضوي پبكاء
بابا الحقني ماما اغمي عليها ومش عارفين نفوقها..
_بص حسن بسرعه لطارق اللي مديله ضهره وقال بصوت عالي وخوف..
حسن 
طااارق الحق امك...
_وقف طارق ورجع بسرعه لحسن وقال بقلق وخوف..
طارق 
مالها ماما يا بابا رد. عليا مالها ماما..
 
_وبعد شويه وصل حسن وطارق المستشفي وكان عزالدين مع رضوي وروان هناك واقفين بره الاوضه اللي فيها ليلي..
حسن بقلق وخوف
مالها ليلي يا بنات مالها ليلي يا عز حصلها ايه..
عز 
والله ما اعرف انا كنت نايم وبناتك جم زي القضي المستعجل صحوني ولقيت ليلي فاقده الوعي طلبنا الاسعاف وجينا هنا علي طول وروز وروفان مع بنت عم سيد ما كانش ينفع نجيبهم هنا..
طارق بقلق وخوف
طيب حصل ايه ما انا سيبتها كويسه..
رضوي 
لا طارق ما كانتش كويسن ماما تعبت من زعلها عليك..
طلع الدكتور في الوقت ده وقال
فين طارق..
طارق 
نعم ايوه انا..
الدكتور
ادخل يا حبيبي لمامتك دي شكلها خاېفه عليك اووي..
_دخل بسرعه طارق عند ليلي اللي كانت نايمه علي السرير الطبي وشكلها تعبان فعلا وقعد جنبيها علي ركبته علي الارض وقال بدموع..
طارق
حقك عليا يا ماما انا اسف والله ما هبعد عمك ولا هسيبك انتي وبابا واخواتي وشالله حتي افضل طول عمري فاشل المهم اني افضل معاكي وما اشوفكيش تعباانه كده تاني..
ليلي بدموع
انت بتضحك عليا وهترجع تمشي تاني..
ابتسم طارق بهدوء وقال
والله العظيم ما همشي يا ماما وهفضل معاكم علي طول..
_دخل حسن في الوقت ده وعز ورضوي وروان وسألهم طارق بقلق وقال..
طارق
خير يا جماعه الدكتور قال ايه..
ابتسم حسن بهدوء وعز قال
والله يا ابني ما عارف ارد عليك بأيه ده انا مكسوفلك..
ضحكت رضوي هي وروان وليلي قالت پخوف
لا لا لا ما تقولوش انا عندي البواسير..
ضحكو كلهم جدا وحسن قعد جنبيها وقال بهدوء
مبروك يا حبيبتي انتي حامل..
طارق پصدمه
نعممممم..
عز بسخريه
مش بقولك مكسوفلك..
_تفتكرو بقي هيحصل ايه...
 
بقلم_الكاتبه_رحاب_القاضي