رواية لخبطيطا الجزء الثاني الفصل 18

قلقانة وبتقولى كرم شكله بيفكر فى حاجة ھتأذيه
اسرعت نهال فى الرد قائلة
كرم ده كان كل يوم يجى يحكيلى كل حاجة كل صغيرة وكبيرة والمهمات اللى عملها فى شغله مكانش بيزهق من الكلام معايا عن كل حاجة لكن بعد مۏت كريم حسيته بعد عنى سنين ضوئية مبقتش أشوفه غير مرة فى الأسبوع بالكتير ولو كتر ممكن مرة كل يومين حتى بقيت اشوفه وأسلم عليه وملحقش اكلمه بقاله كتير أوى مجاش وأتكلم معايا زى زمان نفسى اعرف فى دماغه ايه أنا قلقانة زى ما رحمة قلقانة بالظبط ويمكن أكتر كمان
شعرت فريدة بالحزن فربتت على يد شقيقتها قبل أن تقول
حاولى تكلميه أول ما تشوفيه وقوليله اتصلى بيه فى شغله وكلميه حاولى تقربى منه كريم كان زى اخوه لا ده كان اخوه فعلا كانوا متربيين مع بعض واللى حصل ده شقلب حياته لازم تقفى جنبه قبل ما يدمر نفسه بنفسه.
في صباح اليوم التالي
كانت الفيلا مليئة برجال الشرطة الذين يقفون فى كل مكان وفى أحد الغرف الموجودة بالطابق السفلى توجد چثة وحولها العديد من رجال الشرطة يدونون أقوال العاملين وعلى رأسهم يوسف حتى حضر كرم وعلى وجهه علامات استفهام ونظر إلى يوسف قائلا
ايه التفاصيل!
بدأ يوسف فى الحديث قائلا
احمد كمال مهندس ميكانيكا 29 سنة ماټ برصاصة فى دماغه زى ما أنت شايف كدا
نظر كرم إلى الچثة ثم عاود النظر إلى يوسف قائلا
مين اللى بلغ عن چريمة القټل
أشار يوسف إلى الخادمة قائلا
مريم شريف بلغت عن الچريمة من حوالى ساعة
حرك كرم رأسه ثم اتجه إلى مريم بهدوء حتى وصل إليها ثم نظر إليها قبل ان ينطق قائلا
ايه اللى حصل يا مريم! لقيتى الچثة ازاى وكنتي فين وقت اللي حصل
بدأت مريم فى الحديث قائلة
بشمهندس احمد كان راجع بدرى من الشغل لكن المرة دى كان متوتر ومتعصب جدا واول ما شافنى زعق وقالى هاتيلى قهوة بسرعة على اوضتى اللى تحت أنا جريت على المطبخ اعمل القهوة وخلصتها وروحت اوديهاله ولسة هخبط على باب الاوضة سمعت صوت رصاصة اتضربت فصړخت ورميت القهوة من ايدى وعبدالتواب جرى على الفيلا وفتح باب الاوضة ولقينا المنظر اللى حضرتك شايفه ده
وضع كرم يده على رأسه قبل أن يقول
ومشوفتيش اللى ضړب عليه ڼار ده أو حتى شوفتيه وهو بيجري!
حركت رأسها بالرفض قائلة
لما عبدالتواب فتح الباب ودخلنا مكانش فيه حد فى الاوضة بس الشباك كان مفتوح
ضم كرم حاجبيه متسائلا
مين عبدالتواب ده
اسرعت مريم فى الرد لتقول
ده بواب الفيلا يا باشا
هز رأسه بالايجاب ثم وجه سؤال آخر
مش غريبة انه يعيش فى فيلا طويلة عريضة كدا لوحده!
هزت رأسها بالرفض لتقول
لا يا باشا أصله من شهر بالظبط