رواية لخبطيطا الجزء الثاني الفصل 18

انفصل هو ومراته وسابت الفيلا هى وابنها الصغير ومن ساعتها وهو قاعد لوحده
هز رأسه قائلا
اممم طيب شكرا يا مريم بس هنحتاجك تدلى بأقوالك دى فى القسم
هزت رأسها بالايجاب لتقول
تمام يا باشا اللى سعادتك تؤمر بيه
تحرك كرم واتجه إلى عبد التواب حتى وصل إليه ونطق قائلا
قولى يا عبد التواب انت سمعت ضړب الڼار امتى
أجابه على الفور قائلا
من بعد ما رجع البشمهندس بربع ساعة جريت على الفيلا ولقيت مريم بتصرخ فدخلت لقيته واقع يا باشا
امممم ومشوفتوش!
حرك رأسه بالنفي قائلا
لا يا باشا خرجت علطول على برا علشان لو فيه حد الحقه بس ملقتش حد برا خالص ولما رجعت لقيت مريم بلغت
هز رأسه بالإيجاب وردد بتفكير
اممم
ثم نظر إليه وسأل مجددا
بشمهندس أحمد كان ليه أعداء اټخانق مع حد آخر فترة
هز رأسه بمعنى لا قبل أن يجيبه بجدية
بالعكس يا باشا ده محبوب جدا بس من ساعة ما طلق مراته وأحواله اتغيرت وبقى يسهر كتير ويشرب حتى بقى يزعق فينا بطريقة غريبة بدون سبب
لوى ثغره ثم تحرك أمامه وهو يقول
مضطرب نفسيا يعني
رفع الحارس كتفيه وهو يقول
حاجة زي كدا يا باشا
الټفت إليه مرة أخرى وقال بجدية
طيب يا عبد التواب هنحتاج أقوالك دي في القسم بس قبل ما تتحرك عايز عنوان مراته دي
نظر إلى الأسفل للحظات قبل أن يقول باعتراض
بس دي يا باشا والدها راجل مهم وعضو مجلس الشعب صعب تحقق معاها
ابتسم كرم واقترب منه حتى وقف أمامه مباشرة ليقول
أنا طلبت منك عنوانها مطلبتش أصلها وفصلها سؤالي مكانش مفهوم
هز رأسه على الفور وقال بقلق
لا سعادتك أنا آسف هكتبلك العنوان
بالفعل قام بكتابة عنوان زوجة المجني عليه وفرد كرم ذراعه ليأخذ منه الورقة وهو ينظر إليه نظرة ثاقبة بثت الړعب في قلبه. تركه واتجه إلى صديقه يوسف قبل أن يقول
كمل أنت أنا هروح مشوار كدا تبع القضية بردو
ضيق الآخر ما بين حاجبيه وردد متسائلا
رايح فين
وجه نظره إلى چثة المجني عليه وأجاب على سؤاله
رايح لمراته هستجوبها
رفع أحد حاجبيه بتعجب قبل أن يقول
وتروح ليه! نعملها استدعاء
هز رأسه بالرفض ووضح وجهة نظره
لسة عارف إن أبوها راجل مهم وحوار زي ده علشان يتم رسمي هياخد وقت هطب عليهم زي القضاء المستعجل
ابتسم يوسف وعقد ذراعيه أمام صدره وهو يقول
طالما أبوها راجل مهم ممكن يؤذيك في شغلك
هو يعلم أن ابن خالته لا يستطيع أحد فعل هذا الفعل به لكنه قال ذلك ليستفزه فكان رده
تمام يجرب ونشوف مين هيشيل التاني من منصبه
ضحك ونظر إليه قائلا
ما شاء الله سهل جدا حد يستفزك ويخرج أسوأ ما فيك
نظر إليه بعدم رضا ثم مال بجوار أذنه قائلا
تابع القضية