رواية موضوع عائلي بيت الهنا الفصل 21 رحاب القاضي

موضوع_عائلي
بيت الهنا 
_الحلقه ال 21
ومضى كل منهما في طريق..والقلب يلتفت!
_ومسك يوسف رضوي من ايدها بقوه واخدها ووقفو في مكاان ما فيهوش حد وقال پغضب..
يوسف
انتي ايه اللي بتعمليه ده..
رضوي بعصبيه
عملت ايه وانت مالك اصلا..
يوسف پحده
لا مالي ونص مبسوطه اووي وهو بيقولك جسمك حلو بيعجبك الكلام ده..
حاولت كبت دموعها وقالت بقلق
انت مش عارف نفسك بتقول ايه ومالكش دعوه بيا...
_جات تمشي بس هو شدها من دراعها وقربها ليه جدا وقال بكل ڠضب وعصبيه...
يوسف 
حلو عرفت الطريقه اللي تنفع معاكي...
وبصلها بنظره مش كويسه وقال
جربي ليله واحده معايا وهقولهالك بطريقه احلي من كده..
_كان ردها عليه انها ضړبته بالقلم وفي اللحظه دي هو فقد عقله وذقها جامد علي الحيطه وراها وضغط بأيديه الاتنين علي اكتافها وقال پحده..
يوسف
انتي بتعملي فيا كده ليه انا الوحيد الصادق معاكي وبحبك بجد ولا انتو ما بتحبوش غير اللي بيلعب بمشاعركم وبس ليه مش عايزه تشوفي اني بعشقك. يا رضوي وبغير عليكي من نظرة اي حد ليكي..
_بصت رضوي للناحبه التانيه ودموعها نزلت پخوف وقالت بنبره غاضبه..
رضوي
ابعد عني بقولك بدل ما تبقي ڤضيحه بجد..
_اختفي غضبه اول ما شاف دموعها وبعد عنها فعلا وهو بيبصلها بندم وقلق وقبل ما يتكلم سابته ومشيت...
_في الوقت ده كانت ريناد قااعده في كافي بسيط بره الجيم وبتكلم مامتها في الموبيل وبتقولها..
ريناد
مااشي يا ماما طيب خلو بالكم منها انا مش هتأخر وراجعه البيت وما تخليهاااش تاكل كتير عشان ما ترجعش..
ليلي
انتي يا بت انتي هتعلميني ازاي اتعامل مع بنتك ولا ايه ده اقفلي واطمني تيا زي الفل اهي..
ابتسمت ريناد وقالت
ماشي يا ماما واحنا مش هنتأخر وجايين باي باي..
_قفلت معاها ريناد وفي الوقت ده وقف يزن قدامها وقال بأبتسامه بسيطه..
يزن 
ريناد مش كده..
بصتله ريناد بهدوء وقالت
ايوه ازاي حضرتك عامل ايه..
_اتسعت ابتسامة يزن انها لسه فاكرااه او حتي ما اتصنعتش نسياانه وقال بهدوء وهو بيقعد قدامها..
يزن 
انا الحمد لله كويس انتي عامله ايه..
ريناد بتوتر
تمام الحمد لله..
يزن 
لو هدايقك اقوم انا بس مش عارف حد. هنا اصل ما بجبش كتير ومستني يوسف جاي. من جوه ومش حابب اقعد لوحدي بس لو عايزاني اقوم هقوم...
ريناد بتوتر
لا عادي خلاص ما انت قعدت اصلا..
ضحك بهدوء وقالها
انتي بتشتغلي يا ريناد..
ريناد 
لا للاسف بس بدور علي شغل وان شاء الله اشتغل..
يزن 
انتي خريحة ايه اصلا ولا لسه بتدرسي..
ريناد بتلقائيه
ما انت عارف اني توأم رضوي اكيد يعني مخلصه درااسه..
يزن يجديه 
فااهم بس عادي ممكن تكوني بتدرسي برضو الدراسه متاحه في اي وقت ما علينا انتي خريجة ايه طيب
ريناد 
تجاره..
يزن 
كويس انا متخرج من هندسه بس مش من مصر انا حبيت اخد الشهاده من بره مصر افضل..
ريناد 
ااه فعلا..
يزن بتوتر
طيب تشربي ايه..
ريناد بقلق
ممكن تقوم..
يزن بعدم فهم
انا دايقتك في حاجه
ريناد بتوتر
لا خالص بالعكس انت شخص لطيف بس انا مش بحب اقعد كده واتكلم مع حد غريب ما اعرفوش كويس..
يزن بهدوء 
تمام ما فيش مشكله..
_قاام يزن وقعد علي ترابيزه تانيه قداامها وبعد لحظات حط العامل عصير قدامها وقال..
العامل
اتفضلي يا مدام ريناد..
ريناد 
بس انا ما طلبتش حاجه..
العامل 
ده يزن بيه طالبه لحضرتك بعد اذنك..
_بصتله ريناد بضيق وهو قااعد ملهي في موبيله وقالت لنفسها بصوت واطي..
ريناد 
وبعدين بقي في الراجل ده هو انا ناااقصه..
جات رضوي في الوقت ده وقالت بأنفعال
يلا يا ريناد هنمشي...
ريناد بقلق
في ايه انتي كويسه..
رضوي بدموع 
ااه كويسه يلا بينا نمشي من هنا اخلصي...
_قامت فعلا ريناد ومشيت معاها ويزن استغرب عصبيتها وطلع يوسف هو كمان قعد قداام يزن وهو مدايق وقال..
يوسف 
ما هو انا مش هسمع حد بيكلمها كده واسكت..
يزن 
وحد الله كده وقولي هببت ايه يا يوسف عشاان انا مش فاهم حااجه...
_وفي عربية رضوي كانت سايقه العربيه بتاعتها وهي بټعيط وجنبيها ريناد اللي قالتلها...
ريناد 
طيب ممكن تهدي شويه ما حصلش حااجه يعني..
رضوي بعصبيه
بني ادم حيوان وهمجي كل ما اجي اغير وجهة نظري عنه بيأكدلي اني غلطااانه..
ريناد 
والله انتي كمان غلطانه..
بصتلها رضوي پحده فقالت ريناد بسرعه
بصي انا معاكي هو غلطااان من ساسه لرااسه والكلام اللي قالو عيب جدا وما كانش ينفع يقوله بس انتي ليه تقبلي واحد يقولك جسمك حلو ويبصلك اصلا وتفضلي تتمايعي قداامه ما هو طبيعي هيتعصب يوسف ويغير عشان بيحبك لو كان بابا او طارق مكانه ده انتي كان هيبقي يومك اسود وعشان كده انا بقولك انتي غلطاانه وبتلومي علي تصرفاات روان وانتي بتعملي زيها..
رضوي بحزن 
انا كنت بتدرب مع واحده في المرتين اللي جيتهم قبل كده ووالله كنت هخلع منه المدرب ده انا مش عايزه اصلا كنت اخليه يبقي جنبي وانا هناك وهو يوسف يقولي كده ليه اصلا يبقي كلام ابن عمه صح انا اللي غبيه ومش بختار غير رجاله ما تسواش وافتحلها قلبي...
ريناد 
طيب اهدي خلاص وبعدين نتكلم..
وعند يوسف ويزن قاله يوسف كل اللي عملو ورد عليه يزن وقال بسخريه..
يزن 
والله حيوان وهمجي ومش بتفكر زي البهيم..
يوسف بغيظ
بقولك ما اقدرتش اتحكم في نفسي وانا سامعه بيكلمها كده وهي حابه الموضوع وحابه كلامه..
يزن 
الراجل قالها بنيه صافيه كبرت الموضوع ليه كنت ممكن تتحكم في نفسك وتبينلها انك بتغير بس بطريقه احسن من كده والله نفس تصرفاات بابا..
يوسف بضيق
لا لا مستحيل انا مش زي يونس الصاوي ولا عمري هكون زيه..
يزن بسخريه
طيب والله ده انت كلك علي بعضك كده يونس الصاوي شبهه جدا في كل حاجه حتي شخصيته وتصرفااته وبعدين انت تطول تبقي شبه بابا اصلا..
يوسف بضيق
مش موضوعنا دلوقتي المهم انا اصلح اللي عملته ده ازاي ما انا مش هسيبها يا يزن انا بحبها اووي..
يزن ابتسم ڠصب عنه وقال
اللهم لا شماته بس انا شمتان وبرغم كده هساعدك انت عشان تثبتلها انك ما كنتش تقصد كلامك ده وانك قولته عشان غيران عليها يبقي تروح تخطبها..
يوسف 
انت عبيط البنت مش طيقااني..
يزن 
بس لما الموضوع يبقي جد. ورسمي وكلام مع اهلها هتصدق انك ماكنتش تقصد حاجه بالكلام اللي قولته غير انك غيران..
يوسف 
انت شاايف كده
يزن
شايف كده جدا انا الكبير وعارف اكتر منك..
يوسف 
مش هرجع واندم انا خاېف امشي وراااك..
يزن 
خليك انت بس ورايا وانت عمرك ما هتندم وانا هقولك تعمل ايه..
بقلم_الكاتبه_رحاب_القاضي 
_وفي الصعيد في بيت القاضي كان قااعد عبدالله مع امه وهو مدايق وهي قالتله پحده..
علياء
يعني انت زعلان ان اخوك هيتجوز بنت عمك...
عبدالله
لا مش زعلان يا امي انا خاېف علي بنت عمي وانا وانتي عارفين كمال كويس وبصراحه كنت متوقع ان أسرار مش هتوافق..
علياء
ليه بس كده يا عبدالله ده اخوك وربنا يهديه ولما هيتجوز جنبنا هنا وبنت عمه هيتلم بقي ويعقل..
عبدالله بسخريه
ده اذا كان لما خلف وبقي اب ما عقلش انا فاهم انك عايزاااه يبقي مستقر في حياته وعنده عيله بس مش بالعافيه كمال طمااع شويه ومش بيبص غير لمصلحته وده اللي خاربه...
عليااء
هو قالي هيجي ويتكلم معاها الاول ونشووف بقي هيتفقو علي ايه..
عبدالله 
اللي فيه الخير يقدمه ربنا يا ست الكل هروح انا بقي اشوف مصالحي..
علياااء
طيب كمل. فطارك الاول انت ما اكلتش حاجه
عبدالله 
تقدري تقولي كده ما بقااش ليا نفس اكل غير اكل روان البايظ..
ضحكت علياااء وقالت
ههههههه ربنا يفرحكم يا ابني واهي