رواية موضوع عائلي بيت الهنا الفصل 21 رحاب القاضي

اللي تفتح الباب في البيت..
ليلي بصوت عالي من جوه المطبخ 
اهو بستفاد منك بأي حاااجه يا قدري المهبب..
بصت روفان ليوسف وقالت
اتأخرت ليه..
يوسف
هو انتي مستنياني ولا ايه..
روفان بصوت واطي
ايوه مستنياااك من زمااان من لما كنت بتيجي لرضوي المستشفي وهي تعبااانه وانا بقول امتي هيجي يخطبها ويتجوزها عشان انا مستنيه اي مناسبه البس فيها فستاني الجديد اللي جبهولي زيزو..
يوسف 
هو زيزو بتاع الزمااالك ساب الكوره وبقي يجيب فساتين..
روفان 
مش حلوه ما ضحكتش ما تخفش دمك معايا تاني..
طلعت ليلي من المطبخ وقالت
واقفه بترغي مع مين يا مقصوفة الرقبه انتي..
يوسف ابتسم وقال
ده انا يا طنط حضرتك عامله ايه..
ليلي بابتسامه واسعه 
اهلا وسهلا يا ابني اتفضل ايه النور ده كله..
دخل يوسف وقال
ده نور حضرتك يا طنط والله.. اتفضلي..
ليلي اخدت منه الورد والشوكلاته وقالت
شكرا تعبت نفسك ليه..
يوسف بتلقائيه
يزن قالي هما بيجيبو كده في المواقف دي..
ليلي بعدم فهم
نعم!..
يوسف
قصدي لا تعب ولا حااجه.. دي حااجه بسيطه يعني..
ليلي 
طيب دقيقه واحده..
وقالت بصوت عالي
وااااد يا طااااارق.. طااااااااااااارق..
طلع طارق من شقة عز وقال
نعم يا ماما.. يوسف معلش والله نسيت انك جاااي عامل ايه يا اسطا..
يوسف سلم عليه وقال
لا ولا يهمك انا كويس هو اونكل حسن هنا..
طارق 
اااه هنا تعالي اتفضل معايا ماما صحي بابا..
ودخلت ليلي وقال هو بصوت عالي
زييين سك علي الشاااي..
روفاان 
لاااا اعمله يا زين هاااجي اشربه انا معاااااك..
_وجريت روفااان علي شقة عز ويوسف بصلهم بتفاجئ من تصرفاتهم العفويه قدااامه وقال بفضول..
يوسف
هو انتو عايشين في شقتين قدام بعض..
طارق
لا ده بيت عمي.. ما تشغلش في بالك ده انت لسه ياما هتشوف وافتكر انك انت اللي دخلت بنفسك اهوو..
يوسف ابتسم وقال
يا عم انا علي قلبي زي العسل بس ننول الرضا..
طارق
ان شاء الله يا اخويا اتفضل معايا..
ودخلو وقعدو في الصاله وطارق قالو بهدوء
علي فكره رضوي ما تعرفش انك جااي..
يوسف بقلق
احسن برضو ما كنتش هتوافق اني هاجي بصراحه كده حصل موقف بيني وبينها في الجيم النهارده وانا رخمت عليها شويه..
طارق
رخمت عليها ازاي يعني..
اتنهد يوسف بضيق وقال
اقسم بالله انا بحبها بجد. والنهارده لقيت حد بيحاول يستظرف معاها وهي ما اخدتش بالها بس انا ڠصب عني غيرت عليها وقولتلها كلام سخيف وهي زعلت..
وحط ايده علي وشه وقال
زعلت اوووي وما فيش اي حاجه ممكن تثبتلها ان اللي قولته ليها غلط واني بحبها غير اني اجي اتقدملها..
طلع حسن في الوقت ده من اوضته وقال
اهلا وسهلا يا ابني..
قام يوسف وسلم عليه وقال
ازاي حضرتك يا اونكل..
حسن 
الحمد لله يا ابني اتفضل اقعد..
قعد يوسف وحسن قعد جنبيه وقال بابتسامه واسعه 
تشرب ايه بقي ولا اقولك احنا لسه ماحدش اتعشي ايه رئيك تتعشي معانا النهارده..
يوسف 
لا والله شكرا مره تانيه ان شاء الله انا كنت جااي بس لحضرتك في موضوع تاني..
حسن 
خير يا ابني ان شاء الله موضوع ايه..
يوسف بجديه 
اكيد حضرتك عارف ان انا وانسه رضوي بنشتغل مع بعض..
حسن 
امم اكيد طبعا عارف..
يوسف 
وانا بصراحه من اول لحظه شوفتها فيها وانا اعجبت بيها جدا ومع الوقت انا حبيتها واتعلقت بوجودها في حياتي جدا وجاي دلوقتي اطلب منك اتجوزها وتبقي مش حبيبتي وبس تبقي شريكة حياتي وعمري كله ده بعد اذن حضرتك طبعا وبعتذر جدا لو كانت صراحتي معاك دايقتك..
ابتسم حسن بهدوء وقال 
طارق ادخل انده اختك.. وانت بقي يا سي يوسف كلمني عن نفسك شويه بتشتغل ايه وايه خطتك للمستقبل وبتشجع الاهلي ولا الزمالك وده اهم سؤال في الموضوع..
_ضحكو هما التلاته بهدوء وقام طارق دخل عند رضوي اللي كانت قاعده عندها ليلي وهنا وشكلها متدايق جدا وقال طارق بأبتسامه واسعه..
طارق
ايه يا بت انتي عامله ايه في الواد ده قال شوية كلام عنك بره حاجه كده هاله فاخر من الاخر..
ليلي بغيظ
وهي دي بتحس ولا بتشوف اصلا بدل ما تفرح ان ولد زي ده اتقدملها لا قاعده تاكل في ضوافرها وتهز في رجلها لحد ما هتخليني اقوم اديها باللي في رجلي..
طارق 
اهدي يا ماما هي تلاقيها متوتره بس من الموقف يلا يا رضوي غيري هدومك وتعالي معايا عشان تسلمي عليه وتشوفي بابا عايزك في ايه..
رضوي پحده 
وانتو صدقتوه ولا فاكرين ان انا هرضي اتجوز العيل ده..
قامت هنا قفلت الباب وطارق قالها بضيق
وطي صوتك يا بت انتي صوتك عالي والراجل لسه قااعد بره..
رضوي بعصبيه 
هو ده بيحس ولا بيفهم بس انا بقي هخليه يعرف اني مش عايزااه بطريقه هو يعرفها كويس..
_وسابتهم وطلعت بسرعه ورااح وراها طارق وليلي وهنا ووقفت هي قدام يوسف اللي كان بيتكلم مع حسن وقالت پحده..
رضوي 
انت ايه اللي جابك هنا..
بصلها يوسف پصدمه وحسن قالها بضيق
في ايه يا رضوي اهدي يا بنتي وادخلي جوه دلوقتي..
رضوي پغضب
لا مش هدخل وهقولك راي قداامه يا بابا عشان انا بجد. زهقت. البني ادم ده انا مش بطيقه ولا عايزااه في حياتي لا في شغل ولا في اي حاجه تانيه ومن اول يوم شوفته فيه وانا مش طيقاااه ولولا ان باباك هو اللي عرض عليا الشغل بمرتب كويس مقابل انك تتغير وتبقي شخص ملتزم انا ما كانتش في حاجه هتجمعني بيك..
_اتملت عيون يوسف دموع ووقف قدامها وقبل ما يتكلم حسن قالها بعصبيه...
حسن 
خلصتي كلامك اتفضلي بقي ادخلي اوضتك..
بصت رضوي ليوسف پغضب وقالت بكل قسوه
انا قولت اللي عندي انا مش عايزااك قولتهالك قبل كده بالذوق وما فهمتش واهو قولتهالك بمنتهي قلة الذووق ياااريت تفهم اني مش عايزااااك..
_حاول اخفاء دموعه بصعوبه وبص لحسن وقال بهدوء عكس الحړب اللي قامت جوه قلبه من كلام رضوي..
يوسف
اسف جدا علي.. اني عطلتكم واتشرفت جدا بيكم بعد اذن حضرتك..
_قال كلامه وسابهم ومشي وطارق مسك رضوي من دراعها وقال پحده..
طارق 
ايه اللي انتي عملتيه مش في رجاله واقفه وبتتكلم معاه...
حسن پحده 
سيب اختك يا طارق واول واخر مره تمد. ايدك عليها او علي اي واحده في اخواتك فاهم ولا لا...
طارق بعصبيه 
ما هو ما فيش حاجه خربتهم غير كلامك ده اصلا..
_وسابهم وطلع بره الشقه كلها وطلعت ريناد من اوضتها وقالت بقلق...
ريناد 
في ايه يا جماعه صحيت علي صوتكم العالي في ايه
ليلي بعصبيه
البجحه اللي فاكره نفسها عايشه في عالم تاني جالها ابن مديرها في السغل يوسف الصاوي عشان يتقدملها رفضته وهزأته خليها كده لحد. ما خلاص بارت وهتقعد في أربيزنا....
بصتلها رضوي بدموع وحزن وقالت
شكرا يا ماما...
ودخلت اوضتها وهي بټعيط وريناد قالت بحزن
ليه يا ماما بس تقوليلها كده علي فكره يعني يوسف الصاوي ده مش العريس اللقطه اووي اللي يستاهل كل الزعل ده عليه..
هنا 
انا هدخل اقعد معاها مش هسيبها لوحدها...
حسن بجمود
استني يا هنا انا هدخل اتكلم معاها..
وبص ل ليلي وقال پحده 
ما بنقولش كده علي فكره البني ادم جيشه وقوته في اهله وانا وانتي ما اتعودناااش نقطم ولادنا بالكلام الۏحش ده يا ليلي..
ليلي بدموع
يعني انت عاجبك اللي بتعمله في نفسها. ده وعشاان مين عشاان كمال اللي هي ولا فارقه معاه اصلا..
حسن. 
اهدي وانا هتكلم معاها بس اوعي تقوليلها كده تاني الجواز ده نصيب وهي لسه نصيبها ما جاااش...
_وسابهم حسن ودخل اوضة رضوي اللي كانت قاعده وقافله نور الاوضه وبتعيط فتح حسن النور