رواية هو انت مين الفصل الواحد وعشرون والثاني وعشرون والثالث وعشرون والرابع وعشرون الأخير بقلم سحر السحرتى كامله

بدري مش بترد 
يمكن مكسوفه تواجهك
مين دي عنود هي عنيده لكن بتواجه اتصل عليها كده من تليفونك 
مش بترد علي انا كمان
انا رايح لها
يا ابني اهدى مش هترضى تفتح لك وممكن تزود الطين بله
معايا لسه المفاتيح انا قلقان ومش مستريح 
اسرع اياد اليها كالمچنون فقد شعر ان هناك شيء خاطئ 
وصل ورن الجرس فلم تفتح له ففتح الباب بمفتاحه وجدها ملقاه على الارض وتبكي وهي تتالم
ما هي اجابه عنود على طلبه وهل هذه لعبة ما تلعبها عليه
هو انت مين 
حلقة ٢
صعق اياد من منظر عنود الملقاه على الارض تتألم والعرق يملاء جسدها فاسرع اليها 
عنود مالك يا حبيبتي انا كنت حاسس ان فيكي حاجه
بمۏت يا اياد مغص فظيع 
يمكن زي بتاع المره اللي فاتت هعمل لك قربه 
لا ده في جنبي اليمين بقى له فتره بس النهارده زاد قوي لدرجه اني مش قادره اتحرك وحاسه اني ھموت 
طب ما ندهتيش على عم جاد ليه
الغرفه هنا بعيد عن الشارع محدش سمعني
طب تقدري تتسندي عليا وتقومي
لا مش قادره 
وصړخت بعلو صوتها ااااه الحقنييي
فاړتعب اياد عليها وحملها واسرع الى المستشفى
في السياره ارتمت على كتفه وهي تتنفس بصعوبة 
كان نفسي قوي اشوفك قبل ما اموت
ما تقوليش كده يا حبيبتي انت هتبقي كويسه وبخير
مش حاسه يا اياد انا اسفه سامحني على اي حاجه وحشه عملتها ارجوك تقدر انه كان ڠصب عني 
ما تقوليش كده انت عنود عنود فوقي خليك معايا فوقي قربنا نوصل 
دخل بها وهي فاقده الوعي وهو ېصرخ
حد يلحقني مراتي بتضيع مني 
اسرع اليه الطبيب ودخلت الى غرفه العمليات 
بعد مده خرج الطبيب 
طلع عندها الزايدة وكانت خلاص على وشك ټنفجر دي دخلت العمليات على اخر لحظه ليه سبتوها لما وصلت للحاله دي 
هي استحملت الۏجع وما كانتش بتقول يعني هي كويسه دلوقتي اقدر ادخل لها 
شويه وهتفوق بس بلاش تتعبها بالكلام 
بقلمي سحر السحرتي 
بعد ان استيقظت كان يجلس بجانبها وممسكا بيدها
حبيبتي عامله ايه دلوقتي 
بصوت واهن و ضعيف
الحمد لله هو ايه اللي حصل 
طلع عندك الزائدة وعملتي العملية على اخر لحظه 
شكرا انك انقذتني
تحدث بحدة ولكن بصوت منخفض 
انت ايه اللي بتعمليه في نفسك ده ازاي تبقي مهمله في صحتك كده كان ممكن ټموتي
اياد انا لسه فايقه بلاش دبشك و عتابك اما افوق عشان اعرف ارد عليك حقيقي لسه تعبانه 
پغضب وحده ولكن بصوت منخفض أكثر لانه منتبه أنه في المستشفى 
ما انا عايز اعرف هتردي تقولي ايه انا على اعصابي من ساعه ما لقيتك مرميه على الارض وكنت بسوق زي المچنون كام مره كنت هلبس في عربيه كل ده عشان اهمالك لنفسك
اياد انقذتني اشكرك مع السلامه تقدر تمشي 
هو ده اللي باخده منك
تماسكت حتى لا تبكي من اسلوبه
بقول لك استنى لما افوق انت مش عايز تفوت الفرصه وعايز تتخانق و تزعق و تلوم عليا 
وجدت الدموع تسيل من عينيه وصوته يختنق 
انت عارفه كان هيجرى لي ايه من غيرك في حياتي عارفه لما الدكتور قال انه لحقك على اخر لحظه حسيت بأيه هو ده اللي كنت خاېف منه نتيجه قعدتك لوحدك 
وهو مين اللي سابني لوحدي عموما كل شيء مقدر ومكتوب زي ماما ما كانت بتقول
كانت سوف توبخه اكثر لولا ان طرق الباب فمسح اياد دموعه بسرعة 
كانت هند صديقتها وحسن 
احتضنتها هند
الف سلامه عليك يا حبيبتي انا ما صدقتش لما باشمهندس حسن قال لي عامله ايه دلوقت 
انا كويسه يا هند دكتور اياد كتر خيره انقذني
ونظرت له بعتاب ولوم
هند شكرا يا دكتور بس انت عرفت منين 
كلمتها عشان اتاخرت على الشغل وسمعت صوتها حسيت ان في حاجه
حسن الف سلامه انا كنت جاي اطمن عليك وعرضت اوصل هند معايا هي كمان كانت عايزة تطمن عليكي 
اياد عرضت ولا اتلككت يا روميو
عنود دبش حد يقول كده 
دخلت الممرضه
عن اذنكم في ميعاد حقنه 
خرج كلا من اياد وحسن عاتبه
ايه يا اياد لازم تحرجني مع هند كده قدام عنود كمان 
اسف يا حسن انا مش عارف بقول ايه النهارده من اول ما فاقت وانا عمال بزعق لها مش طايق نفسي لما عرفت انها كانت ھتموت وما حدش يحس بيها 
يعني كانت هتعمل ايه اللي فيها نتيجه تصرفاتك 
مش عارف بقى انا كنت هتجنن و اعصابي فلتت مني 
خرجت الممرضه وقبل ان يدخل خرجت هند تمنعه
اسفه قالت انها هتنام وبتستأذن منكم تروحوا و بكره هبقى اجي اخرجها لو تسمح لي يا باشمهندس حسن في اذن عشان اوصلها البيت
قبل أن يجيب حسن رد اياد بحدة
انا هخرجها غير كده كمان هقعد مرافق معاها 
اسفه يا دكتور بصراحه هي بټعيط جوه وبتقول مش عايزه حد معاها حتى انا و و
في ايه يا هند ما تقولي على طول 
وانت بالخصوص رافضه وجودك وبتقول لك متشكره لحد كده وانها كانت ھتموت من الزائدة ونجت دلوقتي ھتموت من اسلوبك وكلامك
طب معلش اتفضلي روحي انت وانا هفضل معاها 
حسن بالراحه يا اياد دي لسه خارجه من عمليات و غلط اللي انت عملته حتى العياط غلط على الچرح 
حاضر هصلح اللي عملته اتفضلوا انتم وزي ما قلت انا اللي هوصلها بكره للبيت 
طب ممكن مفتاح البيت بتاعها
ليه
قالت لي اروح اجيب فلوس من هناك عشان ادفع حساب المستشفى 
هي معاها كيس جوافه ولة راجل مش مالي عينها
مش قصدها بس هي حتى رفضت اني ادفع وتبقى تحاسبني 
امسك اعصابه بالعافيه وهو يقبض على كفه بقوه 
روحي يا هند احسن مش طايق نفسي ولا طايق صاحبتك و عمايلها 
طب هدخل اجيب شنطتي واقول لها سلام 
جز على اسنانه 
خليكي انا هجيبها لك وسلامك وصل
دخل و اغلق الباب بقوه ونسى انه داخل مستشفى و قڈف بعد ذلك لهند حقيبتها 
التفتت عنود 
مشي يا هند انت لسه ما روحتش 
وهي تمسح دموعها فأكمل هو يجفف ما تبقى منهم بيديه وقال بحنية
ومش هروح زي ما جبتك هرجعك و هبات هنا معاك
تبات هنا بصفتك ايه
مرافق وحبيبك وقريب هبقى جوزك عندك مانع 
هو انت مش كنت مستني ردي النهارده على طلبك احب ابلغ  
بقلمي سحر السحرتي 
وضع يده على فمها
حقك على قلبي يا كل حته في قلبي انا كنت هتجنن عليك من حبي فيك بلاش تزعلي مني 
انت قاسې قوي يا اياد لسه فايقه من العمليه تقوم تزعق فيا و تلوم عليا اني تعبت وانا لوحدي يعني كنت هعمل ايه
ومين من الاول خلاني بقيت لوحدي 
انا السبب انا اللي سبتك مش ده اللي انت عايزه تسمعيه 
عايزه اسمعه مش الحقيقه يعني 
الحقيقه يا قلبي يمكن وانا بزعق لك كنت بزعق لنفسي لاني السبب
كويس انك انت عارف
ما انا بعترف اهو
طرق الباب ودخلت دينا وزوجها محسن واحتضنت عنود 
بكت عنود داخل حضنها بشدة فقلقت دينا 
في ايه مش بقيتي كويسه حمد لله على سلامتك 
ما فيش بس اصلك وحشتيني قوي 
وحشتيني ااااه طيب يا محسن ممكن انت واياد تجيبوا لنا قهوه من تحت
اياد لا انا هروح اجيب لها هدوم عشان تخرج بيها بكره خليك معاها مش هتاخر 
بعد ان ذهبوا
اهم خرجوا يا ستي بټعيطي ليه بقى وما تقوليش وحشتك من امتى بټعيطي عشان وحشاكي
عشان انا لوحدي وكنت ھموت لوحدي
يبقى ده يعلمنا ايه و يخلينا نفكر في ايه و