رواية هو انت مين الفصل الواحد وعشرون والثاني وعشرون والثالث وعشرون والرابع وعشرون الأخير بقلم سحر السحرتى كامله

فيكي مره تاني
ليا طلب عندك 
اؤمري امر
بطل قسوتك عليا مش بستحملها بس ممكن استحمل دبشك 
بس كده عيوني يا قلبي
في ظل سعادتهم دخلت بتول وهي تتصنع الحزن 
بابا حمد لله على سلامتك اول ما عرفت الخبر جيت بسرعه 
و ارتمت داخل حضنه فحضنها بفتور فخرجت وهي تقول
عايزاك تصالحني على عنود زعلانه مني عشان ما قدرتش اسيب جوزي و اقعد معاها هي وماما 
كانت تظن انه لا يعرف الحقيقه لكنه فاجئها هي والجميع بصفعه على وجهها و جذبها من شعرها بقوه
يا سافله يا جاحده بقى تعملي في امك اللي ربتك كده و اختك كل ده ليه عشان بتحقدي عليها عشر سنين مغرقينك حب وحنان ولما جت اختك ايه المشكله حبيناها زياده لانها الصغيره وعمرنا ما اهملناكي ده انا حكمت على فاطيما اول ما اتجوزتها انها ما تحملش غير لما تكبري عشان تقدر تهتم بيكي وفعلا قعدت ثلاث سنين على ما جابت احمد ورفضت بعدها تحمل وقالت الحمد لله عندي الولد والبنت وعمرها ما قصرت معاك ولما ربنا كرمنا فجأه بعنود قلبك يبقى حقود كده ليه فهميني
اسفه يا بابا الحقد عماني والشيطان ضحك عليا
و تساعدي جوزك انه يضحك علينا و يسرقنا
انا ما كنتش اعرف صدقني عرفت بعد الأزمة ما حصلت
ولما عرفتي عملتي ايه اخذتي مجوهرات اختك و سبتيها هي وامك من غير فلوس يا شيخه ده انت الشيطان متبري من عمايلك وبعد ده كله قال عايزه ورثك في امها و تتأمري على جوزها تخليها تغلط غلطه كبيره في حقه 
يحاول احمد ان ينجدها ويخلص شعرها من يده ولكنه يستمر بصفعها بقوة 
سيبها يا بابا دي بنتك برده سامحها هي غلطت اه بس لسه بنتك 
جذبها بزياده من شعرها
سامعه كلام اخوك من ابوك خاېف عليك وانت اللي قټلتي أمه 
خلاص يا بابا حرمت سامحني 
لم تحتمل عنود و ارتمت داخل حضڼ اياد وهي تبكي لانها تذكرت كل ما حدث لها
وطبعا انت جايه بعد جوزك ما اتقبض عليه وخسر كل فلوسه وبقيتي في الشارع
صح اعمل ايه اترمي في الشارع انا واولادي 
اتصرفي زي اختك ما اتصرفت
اختي ماما كانت معاها و مقوياها
قصدك كانت مريضه في المستشفى بين الحياه والمۏت عموما انت هتقعدي في الغرفه اللي في الجنينه و اولادك هيقعدوا معايا جوه الفيلا لان مش ذنبهم اللي عملتيه عشان تذوقي من اللي اختك داقته تشتغلي و تصرفي على نفسك ولو لقيتك اتعدلتي هبقى ادخلك جوه ودلوقتي تقومي تبوسي راس اختك وتعتذري لجوزها
عنود اسفه يا بابا انا مش مسامحاها انا خسړت امي بسببها وخسړت جوزي كمان غير اني كنت هخسر نفسي
عنود انا وافقت تتجوزي اياد بالرغم اني رافض يبقى تتصالحي معاها طلب قصاد طلب مفيش اب يحب يشوف أولاده متخاصمين و متفرقين
يا بابا بس 
مفيش بس كلمتي لازم تمشي ولا هتكسريها دي كمان 
حاضر 
وما تخافيش هي هتقعد في غرفة الجنينة فترة مش قليلة لما تتعلم الادب وانت عرفاني كلمتي واحده 
بعد ان تصالحا قالت عنود لبتول 
ولادك فين يا بتول
تحت بس قبل ما يطلعوا خدي دول يا عنود
ايه دول
مجوهراتك انا اسفه
من قلبك
بصراحه انا كنت جايه عايزه بابا يصالحنا بعد جوزي ما اتقبض عليه و اتفضحنا وما حدش رضي يقف جنبي و حسيت قد ايه كنت وحشه و عانيتي بسببي 
خلاص مش عايزاهم دول هديه مني لاولادك بس هاخذ السلسله دي لان ماما اللي كانت جايباها ولما فكرت ابيعها عشان افك زنقه ماما وقتها كانت معايا لكن دلوقتي محتاجه حاجه من ريحتها نادي على الولاد عشان يدوقوا اكلي و يتعشوا و يناموا 
والدها بكره هننقل على الفيلا الجديده و فرحك بعد شهر زي اياد ما طلب يكون والده ووالدته رجعوا من السفر مع اخواته 
عنود حاضر يا بابا يلا يا اياد شمر عشان في مواعين كثير مستنياك ومكافاتك محفوظه 
وغمزت له
بس كده عيني
والدها لا كده هيتاخر لازم يروح بقى
اياد لا انا بايت هنا يا عمي انا ما صدقت نرجع 
ايه اللزقه دي
انا طول عمري ببات مع مراتي 
دى لما كانت عايشة لوحدها 
ما يخصنيش
ماشي نام مع احمد 
نعم
امال بتول هتنام فين هي والعيال
ما البيت مليان غرف 
عايزين نظافه يا ابني والله انت عارف عنود قفلاهم
ثنى اكمام القميص 
عشر دقائق وتكون اتنضفت 
ضحك بشده ارجع خلاص بس مفيش حاجه قبل الفرح
انا متفق مع عنود على كده بس محتاج اخذها في حضڼي وحشتني قوي
عنود طب قدامي بقى المواعين تناديك 
انا سمعت احمد عايز يغسلها 
احمد احمد ما نطقش ولا هينطق خش يا حبيبي اغسل وانت ساكت مش عامل نفسك الحبيب المساعد خش خش للمستقبل هو انا رافض الجواز ليه 
طب نتعشى الاول عشان اخذهم كلهم غسله واحده مش كل شويه هقف 
ضحك الجميع عليه
ومرت الايام اقام اياد لعنود فرح كما وعدها وكان في غايه الابداع غير اللوحات التي رسمها لها 
عملت ام جابر في الفيلا مديرة المنزل ويتحملها احمد ووالده بالعافيه إكراما لوصية فاطيما 
جلست بتول فعلا في غرفه الجنينة وكانت تعمل وتتحمل مسؤولية نفسها تحت مراقبة والدها إلى ان شعر انها تغيرت وشعرت كم تعبت عنود بحمل مسؤولية المنزل ووالدتها ودراستها
مرت السنوات كان اياد يدفع عنود للامام و يشجعها على الاشتراك في المعارض لعرض لوحاتها 
غير انها قامت بتاسيس بازار صغير لعرض لوحاتها و اكسسواراتها لبيع اعمالها هي وزوجها غير عملها في مكتب الديكور 
بعد ست سنوات من الزواج يدخل اياد على اطراف اصابعه يسمع احد
بس بس بس بس 
فهمس بصوت هادئ
ايه يا حبيبي عامله ايه 
ادخل بالراحه اخيرا ناموا 
تنفس بهدوء 
الحمد لله 
تعلقت بعنقه و احتضنته 
وحشتني قوي بقالي يومين ما شفتكش
بس انا شفتك امبارح لقيتك نايمه على الكرسي الهزاز و حاطه كل واحد على كتف صعبت عليا قوي شلتهم نيمتهم كل واحد في السرير بتاعه و شلتك حطيتك في السرير ونمت جنبك شويه ونزلت لماما عشان معاد الدواء بتاعها 
تظاهرت بالحزن
معاد الدواء ولا بتشيل من على دماغك زنهم و عياطهم
ليه بتقولي كده هو انا سبتك من يوم ما حملتي فيهم
الحقيقه لا بس تعبت قوي مش بعرف انام خالص و مجهدة باستمرار
قلت لك اجيب حد يساعدك انت اللي رفضتي
اه وتفضل في الرايحه و الجايه تبصبص عليها وخصوصا ان وزني زاد ومش بلحق اسرح شعري حتى 
انت قمر في جميع حالاتك و بعدين انا بتاع كده ده انا حتى مش بحب الدقن و ربتها عشانك لما طلبتي مني عشان طالبات الجامعه ما تبصش عليا
وضعت يدها على ذقنه وهي تتلمسها برومانسية 
ما كنتش اعرف انك هتبقى وسيم بيها قوي كده 
طب اعمل ايه ثاني معروف عني اني ارخم دكتور و بقيت بدقن كمان 
هههههه انت كنت ارخم دكتور وحبيتك برده تعالى بقى عملت لك عشا النهارده انما ايه 
نظر للعشاء وجدها سندوتشات
ايه ده سندوتشات زي بتاعه حماتي هو ده العشا
اخص عليك اللي قدرت اعمله مش تحمد ربنا 
الحمد لله احنا بقى لنا سنتين من يوم ما حملتي واحنا بناكل اي كلام او من بره وحشني اكلك قوي 
اعمل ايه بعد ما عملت الحقن عشان احمل والدكتور قال انام على ظهري ولما ولدت الاولاد مش بيخلوني انام 
عارف يا حبيبتي انت بتتعبي قد ايه ورفضت تقعدي عند باباكي و الخدامين يساعدوكي عشان ما تبعديش عني وانا مشغول مع مرض ماما 
ابعد عنك بعد ما استحملتني كام سنه مش بخلف و شلتني وقت الحمل ولسه شايلني ومستحملني وانا كدة
انا اشيلك العمر كله بس بجد محتاجين نشوف حل انت بطلتي تشتغلي و فاتك كام معرض 
مش مهم يا حبيبي المهم انت وزياد و بيجاد تكونوا بخير عندي مفاجاه حلوة
اوعى تقولي حامل
هههههه لا انت نسيت أن حملي صعب يوم الجمعه بتول هتاخدهم ونقضي انا وانت اليوم كله مع بعض سوا و هطبخلك كمان 
ده احلى خبر سمعته تعالي بقى احسن انت وحشاني قوي 
و السندوتشات 
بعدين احسن العيال تصحى
لا ما تخافش مش هتصحى دلوقتي 
انت عملتي ايه قتلتيهم 
بعد الشړ بس ام جابر وانا بكلمها اسلم عليها قالت لي نيميهم جنب بعض بلاش كل واحد في السرير التوأم بيحبوا بعض و جربتها وجابت نتيجه 
طب يلا ھموت و اخدك في حضڼي 
وحملها بين ذراعيه و غابوا في عالم الاحلام 
وبعدها بدات تغني له اغنيتهم كما اسمتها عنود هو انت مين
عاشوا في سعادة بعد أن سامح كل منهم الآخر على خطأ غير مقصود فالحب اقوى من كل شيء 
ما اجمل الحب عندما يكون الحبيب الداعم والسند ولا يغير من نجاح محبوبته بل يدفعها للامام 
تمت
شكرا لكل الناس اللي قالت لي رايها سواء بالسلب و الايجاب اتمنى اعرف رايكم