رواية هو انت مين الفصل الواحد وعشرون والثاني وعشرون والثالث وعشرون والرابع وعشرون الأخير بقلم سحر السحرتى كامله

هي 
كفايه كده انا بقيت كويسه ممكن تروحني بقى انت بقالك يومين سايب شغلك وقاعد معايا ليل نهار مش بتفارقني
انا اصلا ما كنتش بروح المكتب هناك كثير
امال الفتره اللي فاتت مداوم معانا ليه 
عشانك طبعا هو انا كنت اقدر اعدي فرصه اشوفك فيها و افوتها
طب خلاص رجعني و هخلي ام جابر تقعد معايا طول اليوم وتروح بالليل انا بقى معايا فلوس كويسه اقدر ادفع لها 
ام جابر بقت بتشتغل تفتكري جبتك هنا ليه يعني 
انت كنت كلمتها
اه واعتذرت وكانت زعلانه 
طب روح الشغل انت الجامعه حتى مش بتروحها 
احنا في الصيف ودكتور عزيز بيخلينا نزوغ عادي مش مشكله شدي حيلك عشان في معرض عايزك تشتركي فيه 
حاضر اللي تشوفه يا حبيبي بس همشي برضو 
مش هتمشي قبل ما تكملي اسبوع
مش هينفع يا اياد انا زهقت من القعده 
طب يومين لما تخلصي المضاد الحيوي ينفع 
حاضر مش هكسرلك كلمة
قبلها في خدها وحضنها 
شطورة هي دي عنود حبيبتي 
اياد وبعدين 
دي مجرد مكافأة عشان بتسمعي الكلام 
لو كده هقول لا مش عايزه مكافآت من النوع ده
خلاص بقى يا دودو عديها اعتبريها مكافاه ليا انا 
كانوا اسعد ايام حياتها باهتمام اياد بها
هل ستعود علاقتهم إلى سابقها
هو انت مين 
حلقة ٢
عادت الى العمل بكل حب وتفاهم مع اياد وكانت علاقتهم جيده الى حد كبير 
بعد اسبوعين كان اياد يتحدث مع عنود عن عودتهم مره اخرى او اعلان خطوبتهم
عنود اياد انت كده بتضغط عليا سيبني انا من نفسي اجي واقول لك موافقه 
انا عايز افهم هو انت مستنيه ايه
مستنيه يحصل خلاف بينا
نظر لها باستغراب 
نعم مستنيه ايه
مستنيه خلاف اشوف الحنية اللي انت بتعملها معايا دي هتستمر ولا وقت لما اوافق وترجع ريما لعادتها القديمه
انا مش قادر افهمك انت بتفكري ازاي 
احنا كنا كويسين قوي مع بعض ولما حصل خلاف بعدنا و اتطلقنا 
بس ده ما كانش اي خلاف وانت عارفه كده كويس قوي 
عارفه بس خاېفه ولسه قلقانه 
رد بحسرة وزعل
خلاص براحتك وابقي عرفيني وقت ما ترضي عليا
اياد مش عايزاك تزعل مني
مش زعلان بس تعبت من البعد وكل دقيقه بثبت اني بحبك المفروض ابقى مش محتاج الوقت ده كله و تتاكدي ان قلبي ما فيهوش غيرك
عارفه و على فكره الفتره اللي فاتت تعاملك معايا خلاني غيرت رايي في حاجات كثير 
اقترب منها وهمس برقه افهم من كده اننا قربنا 
ابتسمت بخجل 
خلاص يا قلبي اطمن هانت شويه صغيرين وهتلاقيني بقولك تعالى نروح للماذون ونحدد معاد الفرح كمان 
قبلها في خدها فوضعت يدها فوقه وقالت بحدة
اياد مش هتبطل بقى 
عشان تساعدك على اتخاذ القرار 
هههههه او يمكن تساعدني ارفض
لا ابوس ايدك وراسك
وقبل يدها ورأسها وكاد أن يقبل
هاااه
خلاص يلا يا دودو في اجتماع كمان شويه عشان عميل الفندق هيوقع العقد
تم توقيع العقد وشكر جميعهم تصاميم وتنفيذ عنود للعمل
بعد الاجتماع ارسلت عنود دعوة لزملائها المقربين على الهاتف 
الجمعة الجاية كلكم معزومين عندي على الغداء بمناسبه توقيع العقد وكنت عايزه اشكر دكتور اياد على وقفته معايا وفي مناسبه خاصه جدا بيا انا شخصيا لوحدي عشان ما حدش يفهمني غلط عايزه اشارككم فيها لانكم بقيتوا اقرب ناس ليا 
كانت الدعوه موجهه لاياد و اصدقائه الشركاء وهند و دينا 
بعد الرسالة توجه اياد لمكتب عنود التي كانت بمفردها وسألها 
مش هتقولي لي الدعوه دي لايه
لا زيك زيهم
يعني مش اللي في بالي
ما انا وضحت عشان ما تفهمش غلط انت بالذات ولة كان المفروض احط اسمك بين قوسين 
حبيبي هيطبخ بايده
اكيد طبعا امال هشكرك ازاي انا عارفه ان انت بتحب الاكل من ايدي
مش عايزه مني مساعده
نظرت له باستغراب 
هو انت كنت ساعدتني قبل كده مش فاكره فكرني كدة
مش جيت حضنتك وعرضت المساعده وقتها مامتك خرجتني من المطبخ بالعافيه وحلفت ما اناولك معلقة
فاكره بس ما شفتش منك مساعده برضة 
النية كانت موجوده 
طب خليها في مكانها وتوصل معاهم
ليه يا قلبي اساعدك احط طبقين اقطع لك سلطه صباعك يتلسع أقوله هووف
هههه طب هووف انت لان هند هتبقى معايا و اتلم يومها قدامهم وما تتسحبش و الاقيك فوق دماغي في المطبخ زي ما كنت بتعمل قبل كده 
ما اقدرش اوعدك بس ازاي هتعزمي شباب وبنات في البيت عندك وانت لوحدك 
مش هكون لوحدي اكيد عم جاد هيكون موجود ومن بدري 
ما تتعبيش الراجل اصله بقى كبير في السن هاجي مكانه
هو بيحب يتعبلي وكمان بيحب اكلي قوي
انا كمان بمۏت في اكلك هكون موجود من بدري
مش هفتح لك
معايا المفتاح
غيرت الكالون 
نعم بتهزري
هههههه اكيد بس لو سمحت تعالى معاهم ممكن عشان ما تحرجنيش قدامهم 
ممكن ما تعمليش حلو 
مش عايزاك تكلف نفسك وتجيب
واجيب ليه وانت موجوده
يا رخم
تصدقي حبيت الكلمه بقيت بحسها دلع ليا
طب يا رخم يا رخم
الله احلى رخم سمعتها 
ايه ده بجد
ما انت بطلتي تقولي لي اودي 
لما ارجع زي الاول 
هو لسه كثير
سلام يا دكتور ما تعطلنيش ورايا مشوار 
على فين 
واخده اذن عايزه اشتري فستان جديد للعزومه
انا حاسس اني هسمع خبر كويس فيها
ما تتعشمش قوي عشان مش اللي في بالك وباكد عليك 
اوعي تكوني هتتخطبي لحد غيري 
يمكن ليه لا قول يا رب 
جذبها من ذراعها بشده
بتهزري قولي انك بتهزري 
سيب ذراعي اه بهزر اعوذ بالله ۏجعتني
طب بلاش هزارك الرخم ده 
بتعلم منك اجرب الرخامه شويه تصدق طلعت لذيذة
شكرا يا عنود 
حقك عليا ما تزعلش
طب صالحيني
قبلته في خده 
مبسوط كده 
شويه لكن لو كانت في 
اوعى تحلم سلام
هاجي معاكي ينفع
نظرت له بدلع
ينفع
امسك يدها فلم تمانع شعر ان هناك امل كبير 
في يوم العزومه رحبت عنود بأصدقائها بما فيهم اياد الذي استغل الوضع وذهب خلف عنود في المطبخ و قبلها من خدها و كاد ان يحتضنها
اوعى واطلع بره 
طب الحلو احطه فين
اي مكان قدامك ولة بتتلكك 
طب مش هاخذ حق الدليفري 
بعدين وانت بتغسل المواعين
ده انا اغسل المواعين واغسل الغسيل واغسل الشقه كلها بس انت تؤمري وترضي عني
اما نشوف بتقول بس كلام على الفاضي 
لو هتديني مكافاه مش هيبقى على الفاضي يا قلبي
بعينك هتعملهم من غير حاجة 
يا مسيطر انت
اجتمع الجميع على السفره رن جرس الباب فتحت عنود 
عادت عنود وهي تحتضن رجل كبير ووسيم وتقبله من خده
فاستشاط اياد ڠضبا ولاحظ حسن فامسك يده كي يهدا الى ان تحدثت 
يا جماعه مناسبتي السعيده احب اقدم لكم خطيبي وحبيبي وكل حاجه في حياتي 
وضحكت بصوت عالي وهي تشاهد تغير لون بشره اياد للون الاحمر واكملت
بهزر يا جماعه بابا الحمد لله رجع بالسلامه
اتى من خلفها احمد و خپطها على راسها بمزح 
تمام وثقت اللحظه دي وتعبير وشه زي ما وصفتي بالظبط 
ابتسم اياد من قلبه وهو يسلم على والدها وعلى احمد بحرارة
شكرا يا احمد مردوده لك 
هي اللي طلبت عشان تذلك باللحظه دي بس بصراحه عمري ما شفت كده 
عنود بابا دكتور اياد اللي حكيت لك عنه وبدات تعرفه بالجميع
دينا شكلك كان صعب قوي يا دكتور 
انت عارفه بالمقلب 
لا بس كنت عارفه انه باباها انت ناسي اننا اصحاب من ثانوي ففهمت قلت اسيبك تاخد نصيبك هههههه 
مردودة في جوزك هشغله لما تبطلي تشفيه خالص 
هسلط عليك صاحبتي تديله اجازه بمرتب لمدة سنه 
نعم ومين هيوافق على كده 
عنود يعني لو طلبت منك مش هتوافق
انت تؤمري بس 
بس ايه هههههه ما تخافش بنهزر
رن جرس الباب فأسرع