رواية غلطه أبكتني عمرى من الفصل17 الأخير

العربيه اللي انا كنت عايزها
انت مش خسړت في اللعب معايا 
ده اتفاق جديد عشان اقعد عاقل عند جدو و اوافق تسافر لوحدك مع ماما وكمان هخلي بالي من اختي شفت انا راجل معاك ازاي 
بص لي وهو متغاظ منه
دي بوادر راجل اعمال بيجري صفقات 
هههههه نتيجه قعدته مع بابا كثير
موافق يا حماده بس هطول ولو عرفت انك عملت شقاوه او زعلت جدو هسترجعها اتفقنا 
بس العربيه يا دوب تقعدك اسبوع في السفر هتطول تجيب حاجه تانيه معاك وانت جاي 
شالوا من هدومه 
انت ياض جاي تقلبني ده انا ابوك فوق 
احمد مسك وشه و باسه وغير الاستراتيجيه 
انت حبيبي يا ميزو يا احلى اب لو ما طلبتش منك هطلب من مين يعني
لا ثبتني يا واد عيوني ليك 
مسكتهم و حضنتهم بحب كبير ودعيت ربنا يحفظهم ليا
شعرت ان ربنا سامحني بعد غلطه عمري اللي اذيت بيها نفسي اكتر من اي حد 
بعد مرور سنتين وقفت في البلكونه مع معاذ
ممكن نتكلم شويه 
الاولاد فين 
وديتهم عند ماما
خير يا دارين في ايه
مديت ايدي وبدي له النسكافيه كنت عامله لينا كوبايتين
حبيتها يا معاذ 
اتوتر وقال لي 
هي مين 
مديره اعمالك اللي انا ما كنتش موافقه من الاول انها تشتغل معاك .... ما تخبيش عليا انا حاسة بكل حاجه 
حاول يتهرب من الاجابه بس انا ما ادتلوش فرصه
انا عارفه انه حقك بعد ما بقت النوبة بتجيلي كثير والدواء ما بقاش يأثر فيا .... و كام مرة اكسفك قدام الناس وخصوصا المعجبين لما جاتلي فجأة قدامهم
انت بتقولي ايه
معاذ خليني اكمل .... حقك انك تتجوز واحده صغيره ولسة آنسة ... انا قعدت فتره افكر امتى هتيجي اللحظة دي 
دارين انت فاهمه الموضوع غلط 
معاذ اللي بنا مش شويه احنا فاهمين بعض كويس قوي 
حاول كثير انه يهرب مني بس انا كملت
رد عليا حبيتها
للاسف يا دارين مش عارف ازاى ده حصل
ما تلومش نفسك انت استخدمت حقك كراجل و اتجوزت 
اتصډم اكثر اني عرفت
مين قالك 
احساسي ... انا بحبك و احساسي وانا معاك قال إن في واحده تانيه في حياتك ... و انت پتخاف ربنا عمرك ما هتعمل حاجه حرام 
بس انا اتجوزتها عرفي عشان ما تعرفيش
مش انت اللي تعمل كده هي حقها تتجوز رسمي قدام الناس وتبقى واجهة مشرفة لك فأرجوك ننفصل بهدوء ونرجع اصدقاء ... غير ان في بينا احلى حاجه في حياتنا ... الحاجة اللى عمرنا ما هتفرقنا عن بعض
دارين انا
ما تكملش انا بحبك واتمنى لك السعاده حتى لو مع غيري بس اعذرني مش هقدر اعيش في الوضع ده انا حبيت نتفاهم عشان الولاد يعيشوا في جو صحي حتى لو منفصلين 
مش هقدر اسيبك وابعد عنك
انا خلاص لمېت هدومي و هدوم الولاد و بعتهم على الفيلا عند ماما و لبست و هحصلهم
بقلمي سحر السحرتي 
مسك ايدي وحضني جامد
لا يا دارين مش هقدر 
بكيت في حضنه
لا انت قدرت و هعتبر ده حضڼ الوداع كان نفسي فيه لأن بقالك فترة طويلة مش بتقربلي ودائما بشوف في عنيك نظرة المشمئز من مرضى .... بابا الله يرحمه كان عنده حق مفيش حد هيستحمل مرضي الا إذا كان بيحبني قوي ... وانت بطلت تحبني 
بابا كان ماټ من كام شهر قبل ما ېموت حس ان معاذ متغير من ناحيتي و حذرني