رواية غلطه أبكتني عمرى من الفصل17 الأخير

و فهمني اعمل ايه لو ده حصل وازاي اتعايش مع الوضع و اتعامل معاه عشان مصلحة الولاد
دارين انا بحبك 
كنت يا معاذ الحب حتى اختفى من نظره عنيك اشوفك دايما بخير بس لو هتعمل فرح بلاش تعزمني مش هقدر احضر
رجعت بيت بابا ورميت نفسي في حضڼ ماما اللي كانت نفسيتها مدمرة من يوم مۏت بابا لانها بتحبه قوي ... حتى اخواتي ما صدقوا استلموا الورث وكل واحد نقل شغله بارة مصر ما بقاش في حد جنبها غيري بهمومي و مشاكلي 
بعد اسبوع كان معاذ متجوز وسافر يقضي شهر العسل
بعد زواجه باسبوعين وكان لسة مسافر ماما ماټت ما قدرتش تستحمل فراق بابا وبقيت لوحدي ... طبيعي نفسيتي تعبت قوي الولاد وجودهم ما خففش عني طلاقي و جوزا معاذ ومۏت ماما
معاذ رجع بعد ما خلص اجازه شهر العسل رغم أنه عرف وهو مسافر 
طلب يجي يعزيني رفضت لان لو كان ليا معزة ولو صغيره عنده كان قطع إجازته ووقف جمبي حتى بحكم اني ام أولاده بلاش بحكم اني كنت مراته
بعت له الولاد عشان يشوفهم و يقعدوا معاه فضلت العلاقة بينا تليفونات بسبب الاولاد 
وفي يوم خرجت معاهم وكنت بسوق العربيه جتلي النوبة وعملت حاډثة الحمد لله ربنا ستر وكلنا كنا بخير
بس معاذ جالي وهو متعصب جامد ومسك الولاد و اخدهم
رايح بيهم على فين 
هيقعدوا معايا انت خلاص ما بقاش ينفع يقعدوا معاك 
لا ما تقدرش هما في حضانتي دلوقتي
ارفعي قضية و هثبت انك غير أمينة عليهم لما تسوقي العربيه وانت ممنوعه من السواقة و معاك الولاد مش هستنى لما تموتيهم 
انا اموت ولادي
اه يا دارين بقيتي مستهترة 
معاذ سيب الولاد ما تعملش فيا كده انا اموت من غيرهم
لو سبتهم هفقدهم وقت ما تحبي تشوفيهم تعالى البيت مفتوح
كمان مش هتجيبهم هنا 
لا عشان يبقوا تحت عيني احسن تاذيهم بجنانك انت خلاص فقدتي عقلك
ما تقوليش كده انت اتغيرت قوي مش انت معاذ اللي كنت اعرفه 
من عمايلك انت السبب 
مشي و سابني وسط دموعي واخد الولاد
صړخت بصوت عالي ولادي يا معاذ لاااااا رجعهملي 
صحي معاذ من الخضة 
حرام عليك قطعتي خلفي مش عايز الحمل اللي كل يوم والثاني يصحيك مرة ټصرخي ومرة ټعيطي ومرة ترفسيني .... ما الاثنين اللي قبله كانوا ولاد حلال
قمت من النوم مڤزوعة 
انت هنا جمبي بجد
ايوه يا حبيبتي هتنيل اروح فين من كوابيسك
رديت وانا بنهج
معلش يا حبيبي حلم وحش قوي 
ما قلت لك انام في غرفه تانيه 
زعقت فيه
يعني مش قادر تستحملني وانا قربت اولد امال هتستحملني امتى ... انت ما بقتش تحبني 
يخربيت جنانك هو انا موقف شغلي وقاعد مستنيك تبيضي قصدي تولدي كل ده ومش بحبك اتهدي ونامي
عيطت كدة يا معاذ 
يا قلبي بهزر معاك عشان افكك ... طب حلمتي بايه 
انك اتجوزت عليا و اخدت الولاد مني
النص الأول يارب انما النص الثاني اخد مين يا امي دي عيال حد يفكر ياخدها .... انا راضي ذمتك دي داليدا بقت أشقى من احمد و بسيطر عليها بالعافيه دي ضيعت هيبتي خالص دى ولية مش طفله 
ضحكت ما تقوليش كده عليها احسن ازعل منك 
طب تعالي في حضڼي بالبطيخة دي وانت هتنامي في ثانيه ... انا اقدر ابعد عن حب عمري 
بجد يا معاذ
بجد يا روح معاذ ... بس قوليلي الثانية اللي اتجوزتها كانت حلوة 
ضړبته
بوكس في بطنه رد وهو بيتالم 
تبقى شبه القرد هو انا ممكن اسيب القمر ده و اتجوز قرد نامي ربنا يهديك .... تفتكري الحمل ده مختلف عشان عديتي ال ٣٠
برقت له نعم سمعني كده ثاني بتقول ايه 
ابدا يا اماااا ... دي كنت عايز اطلب منك طلب 
خير يا حبيبي
ينفع اجيب سرير ثاني انام عليه رفسة امبارح لسة جمبي بيوجعني منها
مستعجل على ايه كلها كام يوم واولد وتنام لوحدك 
بجد الحمد لله
بصيت له پغضب 
معاذ
امرك يا حبيبتي
ربنا ما يحرمني منك
وقعتي قلبي تعالي بقى اشبع منك قبل ما تولدي عشان هتوحشيني 
بجد لسه بتحبني زي الاول 
واكثر 
امال في الحلم بطلت ليه
انا مالي بهرموناتك المتقلبة لو اعرف كده كنت قلت لك بلاش حمل .... تعالي بقى نخاوي اللي جوة 
ضحكت و غبت معاه في عالم احلامنا 
و اطمنت بعد الکابوس المزعج ودعيت ربنا ما اتحرمش من وجوده جمبي
تمت
اتمنى تعجبكم واعرف رايكم
توضيح بالنسبة للكابوس فأحيانا عند مرور الإنسان ببعض الأزمات وتغمره السعاده بعدها فهو يتخوف من هروبها وتساوره الكوابيس
بالنسبة للقراء اللي بيقولوا أن رواياتي كلها مٱسي لأن الحياة كده بس القصة بتساعدهم على التحدي وان بعد العسر يسر وجبر خاطر اتمنى ما اكون تقيلة عليكم
كل سنه وانتم طيبين اشوفكم بعد رمضان لا تنسوني بدعائكم