رواية سوء تفاهم الفصل الثامن بقلم بتول عبد الرحمن

قالتها بسرعة كأنها بتتخلص من حمل تقيل بس ماكانش كفاية تهرب.
مراد وقف فجأة بصلها بعين ضيقة وهو صوته بقى أهدى بس أخطر 
بس حاولت تتحكم في نفسها وقالت بتوتر معرفش إيه!
مراد قرب منها خطوة ضغط على أسنانه وقال بلهجة قاطعة
مش هعيد كلامي مرتين.
شادية كانت على وشك البكاء رفعت إيديها بتوتر وقالت بصوت متقطع بس أنا معرفش إيه ده أقسم بالله م اعرف!
مراد كان خلاص فقد صبره عيني وهو بيقول كل كلمة بحدة اللي طلعتيه لليلى أول امبارح كان إيه ولو كدبتي أقسم بالله هتقعدي في بيتكوا لحد ما ټموتي ده لو بقى عندك بيت أصلا!
شادية بلعت ريقها بصعوبة حست إنها خلاص في آخرها وقالت پخوف رحمة! رحمة هي اللي قالتلي أطلعهولها وأديها المنوم ده وقالتلي أقولها إنه للصداع بس والله معرفش حاجة تانية ده اللي هي قالتهولي!
مراد بص لها ببرود كأنها مجرد حاجة مقرفة مش إنسانة وزقها بعيد عنه باشمئزاز قبل ما يخرج من المطبخ بخطوات سريعة
رحمة بغيظ كل ما تفتكر الرسالة اللي اتبعتت الډم كان بيفور في عروقها أكيد مراد هو اللي بعتها ليلى مستحيل تكتب كلام بالجرأة دي إحساس القهر كان بياكلها بس هي مش هتستسلم بسهوله
خدت نفس عميق وهي بتفكر اللعبة لسه ماخلصتش ولو ليلى فاكرة إنها كسبت الجولة دي تبقى غلطانة هتلعب معاها لعبة القط والفار بس هي اللي هتكون القط وليلى هتبقى الفار المحبوس في زاوية من غير مهرب لو اضطرت تآذيها هتعملها من غير تردد ولو كان الحل الوحيد هو إنها تموتها... يبقى كده وكده هتخلص منها بأي طريقة.
بسرعة خدت موبايلها شالت الخط وكسرته بين صوابعها ورمته بعيد وهي بتنهج مفيش دليل دلوقتي بس هل ده كفاية
مراد خرج وهو مغموم الخطوات كانت تقيلة كأنه شايل جبل على كتافه بس جواه كان بركان دلوقتي كل حاجة وضحت رحمة هي ورا كل ده بس مش هيسيبها تفلت بسهولة.
فوق في الأوضة ليلى كانت واقفة عند الشباك الهوا البارد بيلعب في خصلاتها واقفه شايفه مراد وهو واقف تحت وبعدها خرج من البيت فضلت واقفه مكانها بتفكر هو راح فين وهيعمل ايه
عدى حوالي ساعتين وهيا لسه واقفه مكانها شافته داخل من البوابه وطالع عينيها كانت متعلقة بالباب أول ما مراد دخل حست قلبها بيرتاح شوية كأنها كانت ماسكة نفسها طول الوقت ده ومستنية بس تشوفه عشان تتنفس.
بمجرد ما شافته قربت منه بلهفة صوتها كان مليان قلق وهي بتسأله كنت فين
مراد مردش بس خطاويه كانت ثابتة وهو بيقرب ضمھا كأنه بيحاول يثبت إنها هنا إنها قدامه
ليلى كانت مذهولة مستغربة حركته بس في نفس الوقت حست قد إيه هو متوتر قد إيه هو مضغوط وحتى لو مش فاهمة السبب كأنها بتطمنه من غير ما تسأل بعد عنها عينيه كانت مليانة إصرار صوته كان هادي لكنه تقيل كل كلمة كانت طالعة منه بصدق يخليها تحس بأمان محستش بيه قبل كده.
ليلى انتي مهمة أوي عندي ومهما يحصل هكون سندك ومحدش هيقدر يقربلك ولا يأذيكي طول ما أنا موجود.
نبرته كانت فيها وعد مش مجرد كلام كأنه بيحط جدار بينها وبين أي خطړ.
واللي يفكر يأذيكي هيشوف مني وش عمره ما شافه لو الدنيا كلها يا ليلى وقفت ضدك وصدقوا أي حاجة وحشة عليكي فأنا لاء عمري ما هصدق حاجة وحشة عنك وصدقيني حقك هيرجعلك.
عينيها لمعت بدموع كانت حابسة نفسها من الصبح ولأول مرة من