حكاية هنا كامله

عاما المهنة مدير تنفيذى لشركة تصميم ملابس جاهزة للرجال.
....
هى
وصلت البيت وانا مرهقة إرهاق فظيع خبطت على الباب محدش بيفتح
افتحوا الباب ...افتحوا هعيطلكوا على الباب 
بابا فتح ادخلي يا حبيبة بابا مين يقدر يخلي حبيبة قلبي ټعيط!
حضنته شوفت يا بابا قولتلكوا أنا مليش فى الشغل والفرهدة.
ماما جت من جوا أمال مين اللى قال أنا عاوزة أحقق نفسي واعمل كرير ووو 
بصتلها بغيظ شوفت يا بابا ..ماما بتقول أيه 
طبطب عليا اهدى يا حبيبة قلب بابا مش قصدها ..يلا روحي غيري هدومك وتعالي ناكل 
بوسته على خده وانا ماشية خرجت لساني لأمي ..وهى كانت واقفة متغاظة ..بتغير لما بابا بيقولى حبيبة قلبي أو اني ابوسه.
ماما ينفع كده ..شوف شوف بنتك بتخرج لسانها ليا إزاى.
بابا خلاص يا لولو بقى ..هى مش قصدها أنتي قلبي وعقلي وكلي كله.
خرجت من باب الاوضة بياكل من عقلك حلاوة علفكرة 
بابا أه يابنت ال ..خشى جوا 
ماما بقى أنت بتاكل بعقلي حلاوة على رأي بنتك..وسع كده.
بابا اصبري بس والله بتضحك عليا ..يا آلاء ..أه يابنت أحمد آه منك ومن أمك.
علاقتهم دافئة لا تخلو من المناكشات اللطيفة ..نفسي ألاقي اللى تكون علاقتنا كده
....
هو 
وصلت البيت شقتي الحديثة فى مكان راقي أو فى وصف آخر ..باردة وحزينة حتي فى أشد الأيام حرارة طبعا مفيش حد مستنيني ..لوحدي 
مفيش حاجة أحلي من الوحدة..بتطلع منك الابداع اللى وصلني للمكان اللى أنا فيه الوحدة مش بتضطر تنفق مشاعرك عالفاضى أو على أشخاص..ببساطة بتكون قوي وانت لوحدك .
....
هى 
طب هتعملي أيه دلوقتي يا هنا فى المشروع المطلوب منك ! ..كنت راحة جاية بلف فى الأوضة بفكر فى اللى قاله الكائن ده فى الإجتماع وبالنسبة للمصممين الجدد محتاجين أفكار جديدة فى التصميم ..ودا مطلوب منكم خلال اسبوع 
أسبوع المفتري اجبله أفكار جديدة منين ..وهو مخلص على كل الافكار..طبعا قعدت أبحث عن التصاميم اللى قامت بيها الشركة واللى كان مصمم أغلبها وكلها هايلة..بس أنا واثقة إني اقدر أصمم حاجة مختلفة!
عدى الأسبوع وانا منمتش إلا ساعات قليلة..حاسة إني زومبي أووى
رؤى بسم الله ..فى أيه يابنتي مالك عاملة كده ليه!
انا نفسي أنام ..منمتش طول الاسبوع 
رؤى طب معلش ..هو الشغل هنا صعب شوية مع مستر ياسين ..بصى قومي اغسلي وشك عشان الاجتماع قرب.
أنا بفزع اجتماع أيه !
رؤى الاجتماع الى هنعرض فيه المشاريع الجديدة اللى مستر ياسين حدده الاسبوع اللى فات
بتهزريي ..يعني أنا هعرض..مينفعش خالص
رؤى اهدى يا هنا الموضوع مش صعب.
وبعد شوية دخلنا الإجتماع أنا مړعوپة ..أنا عندى فوبيا من الكلام قدام ناس ما بالك اني اعمل بريزنتاشن ! 
واحد ..واحد قام يعرض كنت مبهورة بأفكارهم ..ورغم كده ان الكائن ده مبيديش أى ردة فعل ولا حتى عنينه فيها نظرة اهتمام لأى فكرة معقولة متكونش عجباه ..
الدور جه عليا قومت بكل التوتر اللى فى العالم أنا مش جاهزة النهاردة !
بصيت عليه لاقيته بيبصلي جامد ..والكل ساكت لحد ما اتكلم مستر عمر خلاص يا آنسة هنا ممكن تقدمي مشروعك الاسبوع الجاى أنتي والآنسة مروة.
قعدت على الكرسي بإحباط وانا جوايا عاوزة أعيط أول تحدى ليا فشلت فيه.
رؤى لاحظت هالة الإحباط دى متحبطيش نفسك أنا واثقة بإذن الله انك تقدري تعمليها ..you can do it
وادتني نظرة ثقة.
شىء جميل انك تلاقي حد يشجعك ويثق فيك 
.....
هو
كنت عارف إنها عندها فكرة وتصميم مش عاوز كنت متحمس اني أشوف فكرتها بس توترها الزايد وخۏفها منعها ..لازم تتعلم ان الخۏف ثقب أسود بيبتلع الإنسان نفسه.
طلبت ملف من