حكاية هنا كامله

..ابقى متميزة ! 
بصيت للسما ومشيت..روحت .
بدأت أتاقلم مع جو الشغل رغم إنه مرهق إلا إن إحساس بالإنجاز وقيمة اللى بعمله بينسينى تعبي وبيخليني أشتغل أكتر.
....
هو 
كنت بشوفها وهى مستمتعة فى الشغل وبتنشر طاقتها على اللى حواليها...احيانا كنت بتغاظ منها ليه بتبتسم كده عالفاضى والمليان
عمر بتبص على ايه 
أنا اخضيت من وجوده احم مفيش 
عمر امم..طيب المهم اتفضل 
أنا أخدت منه الملف بإستغراب ..بصيت فيه ومصدقتش نفسي دى صفقة مستر مايكل.
عمر أيوة هو فسخ العقد مع شركة صاحبك وقرروا يتعاقدوا معاك انت. 
أنا وبسند راسى وافتكرت زمان لما كنت شريك مع وائل..صاحبنا الثالث اللى أسسسنا مع بعض الشركة دى بس بدأ يعمل صفقات من ورانا 
وائل ياسين ..وافق بقى دى صفقة هتخلينا نقب بسرعة ونخش عالم رجال الأعمال
أنا وائل أنت عارف أن الراجل ده مشپوه وشغله مش واضح ..الطريق دا مش طريقنا 
عمر أيوة يا وائل وبعدين احنا ماشين كويس مع شوية صبر هنوصل.
وائل بسخرية صبر! وأنا بقى مش عاوز أصبر أكتر من كده.
ياسين يبقى ملكش مكان بينا 
وائل يعنى ايه 
ياسين يعنى ننفصل واضح أن طريقك بقى غير طريقنا.
وائل يعنى كده ..ماشى يا ياسين وأنت طبعا يا عمر هتفضل مع ياسين ماهو صديق الطفولة.
ورغم أننا كنا محتاجين الفلوس عشان الشغل جمعنا له حقه فالشركة ..وفى خلال وقت قصير كان كبر شركته .
عمر ياسين...ياسين !
أنا ها ..ايه 
عمر روحت فين 
أنا مفيش المهم دلوقتي ..عاوز كل المعلومات عن الصفقة واجتماع مع المصممين.
عمر اوكيه .
.....
هى 
عملنا اجتماع بخصوص الصفقة الجديدة واللى هتكون استثمار خارجي جيلنا بعد أما عجبه تصاميم الشركة بس طبعا هينتظروا تصاميم الصيف وساعتها هيقرروا..آه أو لأ الكل كان متحمس وفرصة جديدة لكل واحد وأنا كمان بدأت رحلة البحث بتاعتي عن فكرة للتصميم خرجت أتمشى ومعايا الاسكتش بتاعي يمكن يجيلى الإلهام فى أى لحظة ..مين عارف لحد ما زهقت وقعدت تحت شجرة كان ورق الخريف ينزل منها ..الله شكله جميل ..و
رؤى جاهزة يا حاجة !
أنا ضحكت جاهزة يا بنى ..كات شكة فى معاميعك وقعدنا نضحك أنا وهى ..ودخلنا أنا وهى لإجتماع
وبقى كل واحد يقول يعرض فكرته ونتناقش
وجه الدور على مروة ولاقيت تصميمي بيتعرض على لسانها
وبعد ما استوعبت 
أنا دا دا تصميمي ..ازاى !
الكل طبعا بدأ فى الكلام ..ردت هى بثقة لا ..طبعا دى تصميمي أنا.
بدأت الدموع تتجمع فى عيني وأنا مش مصدقة تصميمى اللى تعبت فيه ..شخص تاني بينسبها لنفسه.
ياسين قام من مكانه وبصلى بتقولي أن دى تصميمك 
هزيت راسي .فكمل يبقى تثبتلي أنه فعلا تصميمك.
كنت لسه هتكلم فقال قدامك يوم واحد ! 
الاجتماع انتهى.
كنت حاسة بالظلم أووى 
رؤى طبطبت عليا أنا مكنتش برتحلها من الاول..بس عاوزاكي تبقى قوية ومتقلقيش لأننا هنثبت أنها فكرتك وتصميمك أنتي.
بصتلها بضعف وحاولت أخلص شغلي الباقي ومشيت.
مبحتش أروح وأنا فى الحالة دى وقعدت اتمشى شوية على الكورنيش وقفت فى مكاني المفضل
حسيت بحد جنبي بصيت لاقيته هو ..رجعت بصيت تاني للنيل
اتكلمت هو فعلا تصميمى.
هو عارف !
بصيتله عارف ! ازاى 
هو لأن ببساطة دا مش أسلوبها..ولا طريقة تفكيرها التصميم دا يخصك انتي
أنا طب ما قولتش كده ليه لما أنت عارف انها سرقته.
هو لأننا ببساطة فى عالم مش عادل ولازم انتي اللى تدورى على حقك وتاخديه ساعتها بس هتكوني قوية دموعك دى مش هتبين أى حاجة غير ضعفك.
وسابني ومشي..فكرت شوية فى كلامه وأخدت قرار إني أحارب عشان حقي.
....
هو 
مقدرتش أسيبها فى الحالة دى ومشيت وراها حاسس بيها لأني جربت شعور الظلم كتير بس الفرق بينا إن