رواية عهد الغرام الجزء الثالث (أسيرة في مملكة عشقه) الفصل السابع 7بقلم سيليا البحيرى

رواية عهد الغرام الجزء الثالث أسيرة في مملكة عشقه الفصل السابع 7بقلم سيليا البحيرى
أسيرة_في_مملكة_عشقه 
فصل 7
في قاعة المحاضرات اليوم الأول لغزل في الجامعة
غزل قاعدة في نص المدرج بين ابن عمها سليم وابنة خالها ميار وشها كله زهق من كلام الطلبة اللي قاعدين بيتكلموا بجدية عن المواد الدراسية. تبص حواليها بنظرات فحص وبعدها تميل على سليم بوش جاد جدا.
غزل بهمس_ سليم اسمعني كويس أوي...
سليم مستغربا_ نعم
غزل بجدية مصطنعة_ تفتكر المدرج ده فيه مخرج طوارئ
سليم رافع حواجبه_ مخرج طوارئ ليه بس
غزل بتتنهد_ لأني حاسة إني محپوسة في قفص مش قاعدة في جامعة!
ميار اللي كانت مشغولة بالموبايل تلتقط الحوار وتدخل بضحكة ساخرة.
ميار_ غزل ركزي معانا! دي جامعة مش مغامرة جديدة من مغامراتك للهروب الكبير!
غزل_ بالعكس مغامرة من نوع جديد... مغامرة البقاء وسط كائنات غريبة اسمهم طلبة جادين!
سليم يضحك بخفوت وغزل تلتفت لطالب قدامها منهمك في الكتابة بتركيز چنوني.
غزل تخبط كوع سليم وتهمس_ بص ده... بيكتب كأنه بيفك شفرة حجر رشيد!
سليم يضحك بهدوء_ يمكن عنده هدف في حياته مش زي ناس معينة قاعدين جنبي...
ميار_ بالضبط في ناس جايين يدرسوا إدارة أعمال مش إدارة خطط الهروب!
غزل بتعمل نفسها زعلانة_ انتوا قاسيين جدا عليا... ده أنا كنت في غيبوبة المفروض تعاملوني بلطف شوية!
سليم ساخرا_ بالعكس لازم نرجعك للحياة الطبيعية مش الأكشن والانفجارات!
فجأة يدخل الدكتور فتقعد غزل بسرعة وتمسك كشكولها وتهمس لميار وسليم بجدية زائفة.
غزل_ يلا نبدأ الحلقة الأولى من المسلسل الجديد غزل في الجامعة الحلقة الأولى_ النجاة من الملل!
سليم وميار يكتموا ضحكهم بالعافية والدكتور يبص لهم بريبة فتخبط غزل على بقها بسرعة وتحاول تاخد وضع الطالبة المثالية
بينما تحاول غزل أن تأخذ وضع الطالبة المثالية فجأة يصطدم بها أحد الطلاب دون قصد فيسقط كشكولها وأوراقها على الأرض. تلتفت بسرعة والڠضب يشتعل في عينيها.
غزل بحدة_ إيه ده إنت مش بتشوف قدامك ولا إيه!
غيث مرتبكا وهو يلتقط الكتب بسرعة_ آسف جدا والله مكنتش أقصد... القاعة زحمة وأنا كنت مستعجل!
غزل بعصبية_ ومستعجل ليه عندك قطار هيفوتك ولا إيه!
سليم وميار ينظران لبعضهما بسرعة ويحاولان تهدئة غزل قبل أن ينفجر الوضع أكثر.
سليم مهدئا_ غزل هوني على نفسك الراجل قال إنه مكنش يقصد.
ميار بابتسامة محاولة تلطيف الجو_ أيوه يا بنتي ده لسه أول يوم ما تبدأيش الحړب العالمية الثالثة من دلوقتي!
غيث ينحني ليجمع الأوراق ثم يناولها لها بأدب ملامحه يكسوها الإحراج.
غيث بصدق_ بجد آسف جدا أتمنى متكونيش اتضايقت.
غزل تنظر إليه بحدة ثم ټخطف الأوراق من يده بقوة وتجلس على كرسيها وهي تتنهد بعصبية.
غزل وهي تضع يدها على جبينها_ أول يوم وأهو بدأت الكوارث! أنا كنت قاعدة في سوريا وسط القصف وما حصليش كده!
سليم وميار ينفجران ضحكا بينما غيث يبتسم بخجل ثم يقرر الجلوس في مكانه دون أن يرد. ينظر إلى غزل للحظة وكأن شيئا غريبا يجذبه إليها لكنها ما زالت غاضبة وملامحها مشټعلة وكأنها بركان على وشك الانفجار.
تمر لحظات صمت قصيرة قبل أن تهمس ميار لسليم بابتسامة جانبية.
ميار بهمس_ أنا حاسة إن غزل وغيث... فيلم عربي هيبدأ قريب!
سليم يضحك_ بس هيبدأ بانفجار مش بموسيقى رومانسية!
يغلق الأستاذ الباب ويبدأ المحاضرة لكن غيث يلمح غزل من طرف عينه ويبتسم بخفوت وكأن القدر بدأ يرسم لهما قصة لم تكن في الحسبان...
في فيلا العائلة الصالة الكبيرة
تجلس العائلة في الصالة الواسعة ذات الطراز الكلاسيكي حيث يجلس الجد الأكبر نادر الشرقاوي على كرسيه المفضل وبجانبه ولداه عادل ومحمد. يتحدثون عن