رواية عهد الغرام الجزء الثالث (أسيرة في مملكة عشقه) الفصل السابع 7بقلم سيليا البحيرى

عيلة في العالم!
زينب تفتح ذراعيها بسعادة_ أميرة قلبي وصلت! تعالي لحضن جدتك يا أحلى فاشون آيكون!
تجري سارة إلى حضڼ جدتها وتجلس بجانبها بينما ينظر إليها جدها محمد مبتسما بسخرية خفيفة.
محمد_ سارة مش حاسة إنك داخلة علينا كأنك راجعة من عرض أزياء مش من المدرسة
سارة بثقة_ طبعا يا جدو! المدرسة مش مجرد دراسة دي منصة لإظهار الذوق والأناقة وإلا هنعيش ليه
عادل يضحك_ آه واضح إن التعليم عندكم حاجة ثانوية جنب عالم الموضة!
سارة تضع يدها على قلبها بمبالغة مثل جدتها_ مش ثانوية خالص! بس لازم الواحد يكون عنده لمسة خاصة وده اللي بفرقه عن الباقيين!
صفاء تمزح_ طب احكيلينا يا أميرة الموضة إيه آخر أخبار المدرسة النهاردة
سارة تتنهد بملل_ آه يا تيتة كان يوم متعب جدا تخيلي الميس قالت إن اللبس مش مهم قد الدرجات! بصراحة حسيت پصدمة حضارية!
محمد ساخرا_ أيوة فعلا صدمة إزاي المدرسين فاكرين إن المدرسة مكان للدراسة مش عروض الأزياء
زينب تربت على ظهر حفيدتها_ ما تزعليش يا روحي الجمال مهم زي الذكاء بالظبط واللي يقول غير كده يبقى مش فاهم حاجة!
سارة بحماس_ بالظبط يا نانا! حتى البنات في المدرسة بيطلبوا مني نصائح عن اللبس والتنسيق يعني ممكن أكون فاشون بلوجر في المستقبل!
محمد بابتسامة_ طب والدرجات أخبارها إيه مع الفاشون بلوجر بتاعتنا
سارة تغمز_ ما تقلقش يا جدو أنا شاطرة في الاتنين! ذكية وأنيقة تماما زي نانا زينب!
زينب بفخر_ بنت جدتها بقى الجمال والذوق حاجة وراثية عندنا!
نادر يضحك_ واضح إنك لقيتي خليفتك في عالم الموضة يا زينب!
يضحك الجميع بينما سارة تجلس بفخر بجانب جدتها وكأنها الملكة القادمة لعالم الأناقة في العائلة!
بعد ضحكات الجميع على حديث سارة يفتح باب الصالة مرة أخرى ولكن هذه المرة بقوة ويدخل محمد الصغير بخطوات سريعة ووجهه غاضب واضعا حقيبته على الأرض بعصبية.
محمد الصغير بصوت غاضب_ فين هي فين المتسببة في الکاړثة اللي حصلتلي النهاردة
تنظر العائلة إليه مستغربة بينما سارة تحاول التظاهر بالبراءة لكن عيناها اللامعتان تفضحان أنها فعلت شيئا ما.
زينب بقلق_ إيه مالك يا حبيبي ليه داخل كده
محمد الصغير مشيرا إلى سارة_ اسألي الملكة سارة اللي قررت إن يومي يكون أسوأ يوم في التاريخ!
محمد الجد يضحك_ إيه اللي حصل يا ولد
سارة بتصنع البراءة_ أنا مش فاهمة أنت بتتكلم عن إيه ممكن توضح
محمد الصغير بعصبية_ بوضح بوضح إزاي وأنت اللي غرقتيلي الكشكول بتاعي في العصير قدام الفصل كله!
تضحك سارة ضحكة مكبوتة بينما تحاول صفاء وميار تهدئة الموقف.
عادل يبتسم_ سارة هو ده المقلب اللي كنت بتخططي له من الصبح
سارة تتظاهر بالصدمة_ مقلب لاااا ده كان مجرد حاډث عرضي!
محمد الصغير يعقد ذراعيه_ آه طبعا أكيد وقعت العصير بالصدفة على كشكولي وبعدها ضحكتي وهربتي وتركتيني أواجه الکاړثة لوحدي!
محمد الجد يهز رأسه_ واضح إن عندنا حرب أهلية بين الأحفاد!
زينب تربت على كتف حفيدها محمد الصغير_ حبيبي متضايقش سارة بتحب الهزار شوية بس ده مش معناه إنها تقصد تزعلك.
محمد الصغير بعناد_ طبعا قصدت! هي تعرف كويس إن ده كشكولي اللي فيه ملاحظات مهمة وكنت محتاجه عشان الواجب!
سارة تضحك بخفوت_ عادي يا محمد خدها بروح رياضية! الحياة محتاجة شوية مقالب عشان تكون ممتعة!
محمد الصغير يرد بسرعة_ لا الحياة محتاجة نظام واحترام لمجهود الآخرين مش فوضى ومقالب تافهة!
نادر يضحك_ يا سلام! عندنا زعيم المستقبل هنا واضح إنك ناوي تكون قائد بجد!
محمد الصغير بجدية_ أكيد أنا مش بلعب وعكس بعض الناس أنا باخد الدراسة بجدية.
سارة بتنهيدة