رواية عهد الغرام الجزء الثالث (أسيرة في مملكة عشقه) الفصل السابع 7بقلم سيليا البحيرى

طبعا بس برضه لازم يكون الواحد إيليت ويعرف يواكب الموضة والحياة العصرية. وبصراحة أنا فخورة إني ما زلت محافظة على شبابي وأناقتي لدرجة إني لسه بنزل وسط البنات الصغيرين ويحسبوني أختهم مش أمهم!
صفاء تنظر إليها بمكر_ آه طبعا عشان كده بتاخدي صور سنابشات وفلاتر تخليكي أصغر بعشرين سنة
زينب تضع يدها على فمها باندهاش مصطنع_ ياااه إنتي بتغاري مني يا صفاء عادي مش كل واحدة تقدر تحافظ على شبابها زيي ده اجتهاد مش مجرد حظ!
محمد يمسك رأسه بملل_ اللهم صبرنا! إحنا كنا بنتكلم عن الأحفاد انتي حولتي الموضوع لزينب والبحث عن الشباب الدائم!
زينب بضحكة ناعمة_ لأ لأ أنا بس بوضحلكم إزاي التربية الصح بتكون الجمال والذوق بيفرقوا في الحياة وبعدين اعترف يا محمد حياتك معايا كلها أناقة ورقي مش كده
محمد ساخرا_ آه طبعا أنا في رحلة فاشون ويك يوميا مع زينب الشرقاوي!
ټنفجر العائلة ضاحكة بينما ترفع زينب حاجبها بفخر وتعدل جلستها وهي تشعر أنها انتصرت في المناقشة!
بعد ضحك العائلة على تعليق محمد تتنهد زينب بفخر ثم تضع كوب الشاي على الطاولة وتنظر إليهم بابتسامة واسعة ثم تلتفت إلى زوجها محمد بعيون مليئة بالثقة.
زينب بغنج_ بصراحة لو مش عاجبك فاشون ويك اللي عندي ممكن أعمل عرض خاص بس لدارين وسارة لأنهم بس اللي عارفين قيمة الجمال والرقي في العيلة دي!
صفاء تضحك_ آه طبعا دارين وسارة الأميرات الملكيات بتوع زينب!
زينب تضع يدها على قلبها بمبالغة_ حبيبتي دارين دي قطعة مني مش بنتي وبس وأنا اللي علمتها كل حاجة حتى ذوقها الراقي في اللبس والديكور وهي بقا علمت ده لسارة يعني أنا الأساس وأنا اللي حطيت البصمة الأولى في العيلة!
محمد ساخرا_ آه طبعا يعني من غيرك العيلة كانت هتعيش في زمن الكهوف!
زينب بغرور_ على الأقل كنت هسيب لكم لمسة أنيقة في الكهف! وبعدين تعالوا نتكلم بصراحة مين في العيلة كلها عنده حفيدة زي سارة
نادر بابتسامة_ كل الأحفاد زي بعض كلهم قطعة من عيلتهم ومفيش حد أفضل من حد.
زينب تهز رأسها برفض_ آه طبعا كلهم حلوين بس سارة حاجة تانية البنت عندها كاريزما طبيعية حتى وهي صغيرة لما بتمشي معايا الناس بتفتكرها بنت موديل عالمي!
عادل مبتسما_ وهي أكيد مش بتاخد الكلام ده منك كل يوم صح
زينب تلوح بيدها_ طبعا بتاخده! البنت لازم تعرف قيمتها من وهي صغيرة وأنا اللي بعلمها ده مش هسيبها تكبر زي أي حد عادي لازم تبقى مختلفة!
محمد ينظر لها مازحا_ زينب إنتي ناوية تخليها وزيرة الجمال والأناقة ولا إيه
زينب تضع يدها على كتفه_ مش فكرة وحشة! وعلى فكرة مش بس الجمال سارة ذكية جدا ودارين بتربيها أحسن تربية أصل بنتي مش زي أي أم دارين نسخة مني بس مع لمسات عصرية!
صفاء تغمز لزينب_ يعني الجمال والذوق والرقي كله بيرجع لزينب الشرقاوي في النهاية
زينب تضحك بثقة_ طبعا! وده مش كلامي ده واقع واللي مش مقتنع يبص على دارين وسارة ويتأكد!
يضحك الجميع بينما زينب تجلس بفخر وكأنها ملكة وسط مملكتها تشعر بأنها انتصرت في الحديث وأثبتت أنها أساس الذوق والجمال في العائلة!
بينما العائلة تضحك على كلام زينب يفتح باب الصالة فجأة وتدخل سارة بخطوات واثقة وكأنها نجمة سينمائية على السجادة الحمراء. ترتدي زيها المدرسي ولكنها أضافت إليه لمساتها الخاصةبروش لامع ربطة شعر أنيقة ونظارات شمسية على رأسها رغم أنها في الداخل!
سارة بصوت حيوي وهي تخلع نظارتها بحركة مسرحية_ مساء الجمال والأناقة على أحلى